1 यूहन्ना 1:8 - लाहौली बाइबिल

⁸ अगर ञेंहच़ी कुंई कि हेंदिंङ छिल्ला पाप माह लंई दंङ घेंङाबि धोखा रंड्रातंई, दंङ ञेंहच़ी कांह सच्चाई टोहकठे विशवास माह लहज़ा तंई अंऊ परमेश्वरे कुट्रा।

1 यूहन्ना 1:8 Iomraidhean Croise

यहून्नो 8:44

केहरे केनातु बाह शेतानो दोरच़ी शुईं, दंङ केनातु बाहो हिटी लेह तातंई। दुह त तुहई बे हत्त्यारा शुह दंङ सच्चाई टोहकठे चसा मरति, छना कुचे सच्चाई दोऊ अन्द्रेग माह; अपेहल दोई हप्सी कुट्रा ता एनोह चाल चलनो हिसाबे कुट्रा; छना कुचे दुह हप्साड़ शुह दंङ हप्सिऊ बाह शुह।

रोमियो 3:10

छना पवित्रशास्त्रारिंङ च़ेहसी तोह, “कि परमेश्वरो नज़रारिंङ अरिला धर्मी माह, इच्च़ा लाह माह,

रोमियो 3:23

झांह लेह भत्ते ज़ि पाप लहसी तातोर दंङ दू महिमा तचेक पिचे मारतेंई अंऊ परमेश्वरे रंड्रा।

1 कुरिन्थियों 3:18

अगर केहतु बिचंङ अरिला दि सोचेक्च़ा कि दू दि संसारो मीहतु नज़रारिंङ ज्ञानवान तोह, दंङ केतिंङ दि संसारो नज़रारिंङ केनातिंङ मुर्ख बणाषी जूंशी तोह, ताकि केरे हेले रिंङ परमेश्वरो तुईज़ी ज्ञानवान बणेंके तरपोंई।

गलातियों 6:3

छना कुचे अगर केहच़ी ञेंहच़ातंई कि अतुआ मदत लहज़िमी थल्जी केरे महस खास शुई दंङ केरे सिर्फ केनातिंङ ए मुर्ख बणाएच़ातोंई केरे धोंण ला खास माह शुई।

1 तीमुथियुस 6:5

दंङ झांह ठ्रोह मीहतु बिचंङ हमेशा झगड़ा शवाह, अंऊ दोतु बुद्धि भ्रष्ट शुहचे इलजी तोह, दंङ दोरे सच्चाई बि समझेगी माहरच़ातोर, दंङ दोच़ी सोचेक्च़ातोर कि परमेश्वरो सेवा लहज़ी साहुकार बणेक्पिमी तरीका शुह।

2 तीमुथियुस 3:13

पर मदम मीहरे ए धोखेबाज़ मीहरे ऊई ला मदम कम लोहर दोरे मीहतिंङ धोखा रमोर दंङ दोतिंङ ला ऊईज़ि धोखा रमोर।

याकूब 1:22

सिर्फ परमेश्वरो बचनो रेड्रा केतिंङ धोखा थारांई; केतिंङ दुह लेह जुंशी तोह अंऊ परमेश्वरे कुट्रा।

याकूब 1:26

अगर अच़िया एनाबि भक्त समझेक्च़ा, पर मांजी गप्पा कुट्रिमी थल्जी एनोह लेह रिंङ काबू माह तहज़ा दंङ दुह एनाबि धोखा रंड्रा, दंङ दोऊ भक्ति बेकार तोह।

याकूब 3:2

हेनर महसे फेरा पेहषा। अगर अरिया मीह अंऊ ला दोई कवात दोरिंङ छिल्ला गलती माह लहज़ातग, दंङ दुह सिद्ध मीह शुह; दंङ एनोह भत्ते फुको टोईच़ी नियंत्रण लेह तरच़ा।

2 पतरस 2:13

दोतु विनाश दुह नुकसानो प्रतिफल शुह अंऊ दोच़ी लहसी शुह। दोरे दिन दोहपर भोग-विलास रिंङ बंङज़ी रूठे चेहच़ातोर। दोरे केहतु बिचंङ इच्च़ा कलंक ए दाग तोतोर। धोखा रंड्री रंङ खुशी मनेक्च़ातेर, अपेहल कि दोरे केतंङ साते ज़ोवा-तुंङमातोर।

1 यूहन्ना 1:10

अगर हेंज़ी कोंहई कि ञेंहच़ी पाप माह लंहि, दंङ हेंज़ी परमेश्वरा बि हप्सी ठहराएच़ा तोंई, दंङ एंतेग तचेक हेंज़ी परमेश्वरो बचन स्वीकार माह लहज़ातंई।

1 यूहन्ना 1:6

अगर ञेंहच़ी कुंई कि परमेश्वरा रंङ साते ञेंहतु संगति तोह, परमेश्वर छंङी ठ्रोह पवित्र तोह दंङ दोऊ अंदेरग छल्ले बुराई माह। दंङ ञेंहच़ी हप्सी कुट्रातंई दंङ सच्चाई ऊ हिसाबे माह जोज़ातंई।

1 यूहन्ना 2:4

दंङ अच़िला दि कुट्रा, “कि गेह परमेश्वर बि ञेंई केहरिगा,” पर दोऊ हुकुम माह मनेक्च़ा दंङ दुह हप्साड़ शुह दंङ परमेश्वरो सच्चाई ऊ हिसाबे ज़िंदगी माह श्रींङज़ा।

1 यूहन्ना 4:20

अगर अच़िया कोहतो, “गेह परमेश्वरारंङ साते दाह तहज़ातोग,” पर एनोह विशवासी न्वा रंङ साते बैर तहरि दंङ दुह हप्साड़ शुह; छना कुचे अच़ि एनोह न्वा रंङ अच़ि दुह तंङसी शुह दाह माह तहच़ा, दंङ दोई परमेश्वरारंङ साते ला अपि दोई तंङसी माह दाह तहच़ि मरपोतो।

2 यूहन्ना 1:2

ञेंरे केतंङ साते दाह लहज़ातंई छना कुचे हेनर सच्चाई शिक्षा ओ टोहकठे विशवास लहज़ातंई, दंङ दुह शिक्षा हमेशा बणेंके बंङज़ोतो।

3 यूहन्ना 1:3

छना कुचे रेह साथी विशवासी ज़ि अंज़े ञेंतिंङ कंड्रा तोह कि काह परमेश्वरो हेले ऊ अमरिंङ श्रींङमी लेहकी तोतोन, दंङ गेह महस ए खुश शुईगा।