1 यूहन्ना 1:6 - लाहौली बाइबिल

⁶ अगर ञेंहच़ी कुंई कि परमेश्वरा रंङ साते ञेंहतु संगति तोह, परमेश्वर छंङी ठ्रोह पवित्र तोह दंङ दोऊ अंदेरग छल्ले बुराई माह। दंङ ञेंहच़ी हप्सी कुट्रातंई दंङ सच्चाई ऊ हिसाबे माह जोज़ातंई।

1 यूहन्ना 1:6 Iomraidhean Croise

मत्ती 7:22

न्याय ओ ध्याड़ारिंङ महस मीहच़ी गिह्बी कोर, ‘हे प्रभु, हे प्रभु, छि ञेंहच़ी कांह मिन्ज़ी मांजी आत्मारे महुंज़ा तेंईयां, दंङ कांह मिन्ज़ी हेरानी कम्मारे मलेहतंईया?’

यहून्नो 11:10

पर अरीया राता रिंङ ज़ोज़ोतो ठोकर खोक्पोतो, छना कुचे दोऊ अंद्रेग छले छंङी माह।”

यहून्नो 12:35

यीशु ज़ि दोतु हखा कुंई, “कि छंङी केहतु बिचंङ थोड़े ध्याड़ो शुह, अपेहल तचेक केतंङ साते छंङी तोह जोआ लांही; झांह शुबी मेस कि हंयार केतिंङ कपची च़रपोतो; अरी हंयारा रिंङ जोज़ा दोई माह ञेंहच़ा कि अंऊखा इपि लेहकी तोतोग।

यहून्नो 12:46

गेह संसारारंङ छंङी शुहचे अंज़े शुगाह, कि अच़िला गिऊ टोहकठे विशवास लोहतो दुह हंयारा रिंङ माह बंङज़ोतो।

यहून्नो 8:12

यहुदी मंदिरंङ एनोह शिक्षा यच़ाह शुरू लेह यीशु ज़ि मीहतु हखा कुंई, “गेह ए दिह संसारो छंङी शुगाह; अरीला गिऊ थले जोज़ा दुह अपेहला हंयारा रिंङ माह ज़ोतो, पर दुह छंङी बि खोक्पोतो अच़ि अनंत जीवन रंड्रा।”

यहून्नो 8:55

दंङ केहच़ी ता दुह माह ञेंहनी; पर गेह दोबि सेहका; अगर गेह दीह कोहग कि गेह दोबि माह सेहका, ता गेह केहतु ठ्रोह हप्साड़ शुहचे योग; पर गेह दोबि सेहका दंङ दोऊ आज्ञा मनेक्च़ातेग।

1 तीमुथियुस 4:2

दोरे हप्सी शिक्षा रंड्रा धोखेबाज़ शुहबी दोरे दि गप्पा माह ञेंहच़ातोर कि दोरे सही लहज़ातोर या गलत, ठीक ध्वांए अंऊ दुह शाह रिंङ छल्ले महसूस माह शुहबी, अंऊ अच़िया ट्रोट्रे निह्लाम रंङ साते रोह्चे केट्री।

याकूब 2:14

हे गिऊ प्यारे साथी विशवासी रे, अगर अच़िया कुई ताकि गिह्बी यीशु मसीहू टोहकठे विशवास तोह पर दोई ऊईतु थल्जी रूठे कम माह लहज़ा, दंङ दिरंङ छि फायदा? छि झांह ठ्रोह विशवास अपेहल दोऊ उद्धार लेह तरपोतो आ? माह! बिल्कुल माह

याकूब 2:16

दंङ केहतु बिचंङ अरिया दोबि कोहतो, “परमेश्वर केतिंङ आशीष रमतो, केरे च़हषी बंङज़ेंई दंङ कहषी बंङज़ुंई,” पर अंऊ चीज़ारे फुको थल्जी रूठे तोह अगर केरे दोतिंङ माह रमोनि, दंङ दुह शब्दा तु छि फायदा तोह? छल्ले माह।

याकूब 2:18

अगर अच़िया झांह कुट्रा कि, “कनिंङ विशवास तोह, दंङ गेह रूठे कम लहज़ातग।” पर गेह कुट्रतग कि केई केनोह विशवास गिह्बी रूठे कम मेह साबित लोह; दंङ गेह घेंङौ विशवास घेंङौ कमो दोरच़ी कनिंङ साबित लोहग।

1 यूहन्ना 1:10

अगर हेंज़ी कोंहई कि ञेंहच़ी पाप माह लंहि, दंङ हेंज़ी परमेश्वरा बि हप्सी ठहराएच़ा तोंई, दंङ एंतेग तचेक हेंज़ी परमेश्वरो बचन स्वीकार माह लहज़ातंई।

1 यूहन्ना 1:3

ञेंहच़ी यीशु मसीहू पाहठी छिल्ला ञेंहच़ी तंङातेंई या रेहशी तातंई दोऊ गवाही केतिंङ रंड्रातंई, झांह लेह कि ञेंतंङ साते केहतु संगति शुहबी जूंस। दंङ ञेंहतु दिह संगति बाह परमेश्वरा रंङ साते ए दोऊ योह यीशु मसीह रंङ साते तोह।

1 यूहन्ना 1:8

अगर ञेंहच़ी कुंई कि हेंदिंङ छिल्ला पाप माह लंई दंङ घेंङाबि धोखा रंड्रातंई, दंङ ञेंहच़ी कांह सच्चाई टोहकठे विशवास माह लहज़ा तंई अंऊ परमेश्वरे कुट्रा।

1 यूहन्ना 2:4

दंङ अच़िला दि कुट्रा, “कि गेह परमेश्वर बि ञेंई केहरिगा,” पर दोऊ हुकुम माह मनेक्च़ा दंङ दुह हप्साड़ शुह दंङ परमेश्वरो सच्चाई ऊ हिसाबे ज़िंदगी माह श्रींङज़ा।

1 यूहन्ना 4:20

अगर अच़िया कोहतो, “गेह परमेश्वरारंङ साते दाह तहज़ातोग,” पर एनोह विशवासी न्वा रंङ साते बैर तहरि दंङ दुह हप्साड़ शुह; छना कुचे अच़ि एनोह न्वा रंङ अच़ि दुह तंङसी शुह दाह माह तहच़ा, दंङ दोई परमेश्वरारंङ साते ला अपि दोई तंङसी माह दाह तहच़ि मरपोतो।