1 यूहन्ना 1:3 - लाहौली बाइबिल

³ ञेंहच़ी यीशु मसीहू पाहठी छिल्ला ञेंहच़ी तंङातेंई या रेहशी तातंई दोऊ गवाही केतिंङ रंड्रातंई, झांह लेह कि ञेंतंङ साते केहतु संगति शुहबी जूंस। दंङ ञेंहतु दिह संगति बाह परमेश्वरा रंङ साते ए दोऊ योह यीशु मसीह रंङ साते तोह।

1 यूहन्ना 1:3 Iomraidhean Croise

यहून्नो 17:11

दा गेह संसारा रिंङ माह बंङज़ोग, गेह कांह कछंङ अपातग। पर गिऊ चेलारे अईता ला संसारा रिंङ तोतोर; हे पवित्र पिता परमेश्वरा, केनोह सामर्थो दोरच़ी केई दोतिंङ सोठेके तौऊ, अंऊ दोरे केई गिह्बी रांहषी तातन कि दोरे इच्च़ा शुबी जूंस छना ञेंहरे तोतोन।

यहून्नो 17:21

कि दोरे भत्तेर इच्च़ा शुहबी जूंस; छना हे पिता परमेश्वर कांह गेरंङ तोतोन, दंङ गेह करंङ, ध्वांए दोरे ला हेन्दंङ शोहर, दिऊ थल्जी कि संसारो मीहरे विशवास लोहर कि केई ए गेह च़रसी शुगाह।

यहून्नो 17:25

हे धर्मिक पिता परमेश्वर, संसारो मीहज़ी गेह माह ञेंहरे, पर गेह कांह ञेंहच़ातग दंङ दिह चेलाज़ि ला ञेंह केहतोर कि केईंए गेह च़रसी शुगाह।

यहून्नो 17:3

दंङ अनंत जीवन दीह शुह कि मीहरे कनिंङ सेहपोर, मतलब सिर्फ इच्च़ा सच्चा परमेश्वरा बि, दंङ दोरे गिह्बी सेहपोर, मतलब यीशु मसीह बि, अरी केई च़रसी शुह।

यहून्नो 19:35

अंऊ मीहे दिह भत्ते धिर खंणी, दोई गवाही रेंई, कि केहच़ी ला यीशु ऊ टोहकठे विशवास लोहन। दंङ दोऊ गवाही हेले शुह, दंङ दोई ञेंहु कि दोई सच्चाई रंङ साते कुट्रा।

प्रेरित 13:32

दंङ हेंतेग ञेंहरे केतिंङ दि रूठे खबर सुनाएच़ातंई। ञेंहच़ी केतिंङ दि कंड्रातंई कि परमेश्वरे हेंदु बाह मेमे तंङ साते छि वाईदा लहसी तहरे दोबि पूरा लाहतो।

प्रेरित 13:41

हे ठ्ठाठा लहज़ा मीहरे, खंणुई, दंङ हेरान शुई, दंङ योह्सा इलांई; छना कुचे गेह केहतु तुईज़ी झांह ठ्रोह कम लहज़िमी तोतग; कि अगर अच़िया केतंङ साते दोऊ पाहठी रूठे रंङ कम्बोतो, तांला केहच़ी अपेहला विशवास माह लोहनि।

प्रेरित 2:42

दंङ दोरे प्रेरितातु दोरच़ी शिक्षा लेहप्च़िमी थल्जी, ए संगति लहज़िमी थल्जी, दंङ दोरे प्रभु भोजंङ शामिल शवातेर दंङ बिशवासी मीहरे इच्च़ा साते शुहचे बगत ज़ोआतेर, दंङ प्रार्थना रिंङ मगन बंङज़ातेर।

प्रेरित 20:27

छना कुचे गेह केतिंङ दोहर भत्ते धिर कंङे चरच़ातग, अंऊ परमेश्वरे चेहच़ा कि केहच़ी ञेंहनि।

प्रेरित 4:20

छना कुचे दिह ता ञेंहतु दोरच़ी शुहबी मरपोतो, कि अंऊ ञेंहच़ी खांषी ए रेहशी तातन, दुह माह कोंहई।

रोमियो 15:27

दोच़ी दि खुशी रंङ साते लहरिर कि, पर दोरे यरूशलेम शहरारिंङ बंङज़ा मीहतु कर्ज़दार तोतोर, छना कुचे ऊईजाति ज़ि यरूशलेम शहरारिंङ बंङज़ा विशवासी तु दोरच़ी रूठे खबरो आत्मिक आशीष खोकतिर, झांह लेह दोतिंङ च़ेहसा, कि दिऊ बदला रिंङ दोरे कम से कम दोतु दान रंड्रा ते मदत लेह तरपोर।

1 कुरिन्थियों 1:30

पर परमेश्वरे केतिंङ यीशु मसीह रंङ साते इच्च़ा लेह च़रति, दंङ यीशु मसीहू दोरच़ी दोई हेंदिंङ एनोह ज्ञान रंड्रा। परमेश्वर हेंदिंङ एनोह नज़रारिंङ धर्मी ला साबित लहज़ा। यीशु मसीहू दोरच़ी हेनर पवित्र शुहचे तोंहि, दंङ दोई हेंदिंङ पापो दोरच़ी आज़ाद लेह च़रच़ा।

1 कुरिन्थियों 1:9

परमेश्वर दि लोहतो, छना कुचे दू विशवासो जोगे तोह दंङ दोई छि कुट्रा दू ए लहज़ा, दंङ दोई केतिंङ एनोह योह, हेंदु प्रभु यीशु मसीह रंङ साते नाता तहज़िमी थल्जी बुलासी शुई।

1 कुरिन्थियों 15:1

हे गिऊ प्यारे साथी विशवासी रे, गेह केतिंङ दुह ए रूठे खबर हिद दिलाएच़िमी तातग अंऊ गेह तुहई सुनाके चरच़ातग, अंऊ रूठे खबरो टोईच़ी केहच़ी विशवास लहज़ातंई दंङ अंऊ दोऊ दोरच़ी केरे खड़े ला तोतोंई।

2 कुरिन्थियों 13:14

गेह प्रार्थना लहज़ातग कि प्रभु यीशु मसीहू मोह्ड़े दाह ए परमेश्वरो दाह ए पवित्र आत्माओ सहभगिता केतंङ भत्ते तंङ साते शुहवा लोहतो। अमीन।

इफिसियों 3:6

भेद दि तोह कि यीशु मसीह रिंङ रूठे खबर दोरच़ी यहुदी तु ठ्रोह ऊईजाति ऊ मीहरे दू ए आशीष खोकपोरे, दंङ दोरे इच्च़ा ए फुको हिस्सा तोतोर, अंऊ परमेश्वरे यहुदी मीहतंङ साते लहसी तते।

फिलिपियों 1:7

चाहे गेह जेलारिंङ तोतोग या गेह दि साबित लहज़ातग कि रूठे खबर हेले शुह। ठीक तोह कि गेह केहतु थल्जी झांह ठ्रोह विचार लोहग, छना कुचे गेह केतंङ साते महस दाह लहज़ातग चाहे गेह जेलारिंङ तोतोग या गेह रूठे खबरो बचाब लहज़ी लेहकी तोतोग दि साबित लहज़िमी थल्जी कि रूठे खबर हेले शुह, झांह लेह केरे भत्तेर गेरंङ साते परमेश्वरो मोह्ड़े दाह रिंङ सहभागी शोंई।

फिलिपियों 2:1

अगर केरे मीहतिंङ मसीह रंङ साते थोड़े अरे याहब, दंङ मसीहू दाह रिंङ तसल्ली, दंङ पवित्र आत्मारिंङ संगति, दंङ रे करूणा ए दाह तोह।

फिलिपियों 3:10

गेह दि जुंज़ातग कि मसीह बि ञेंए च़रपोग दोऊ सिमी दोरच़ी श्रींङे इबिमी सामर्थ महसूस लेह तरपोग दंङ लगातार दुख सहन लोहग छना दोई लाहतो, दंङ सिमी मुक्का दोऊ ठ्रोह बणेंके योग।

कुलुस्सियों 1:13

छना कुचे परमेश्वरे हेनर शैतानो शाक्ति दोरच़ी छुड़ाके एनोह प्यारे योहऊ राज्यरिंङ शामिल लोहतो।

1 थिस्सलुनीकियों 1:10

दंङ दोच़ी कुट्रातोर कि केरे छना परमेश्वरो योह स्वर्गो दोरच़ी वापिस अपिमी उम्मीद लहज़ातंई, अतिंङ परमेश्वरे सिऊ दोतु बिचंङ श्रींङमी लहरी, मतलब यीशु बि, अंऊ हेंदिंङ परमेश्वरो दुह न्यायो दोरच़ी बचाएच़ा अंऊ अपिमी तोह।

1 तीमुथियुस 6:2

दंङ अतु मालिक विशवासी तोतोर दितिंङ दोरे न्वा ञेंइनि दंङ दोतु आदर लेह जुंशी तोह, बल्कि ऊई ला रूठे तरीका रंङ दोतु सेवा लहज़ी जुंशी तोह, छना कुचे दोतु कमो फायदा उठाएच़ा विशवासी तोतोर, अंऊ दोतिंङ दोच़ी मसीह रिंङ न्वा ओ बराबर दाह लहज़ातोर केई दि गप्पो शिक्षा ए उपदेश रम्मा लोह।

इब्रानियों 2:12

दिऊ पाहठी मसीह ए परमेश्वर रंङ साते झांह कुट्रा कि “अंऊ रूठे कम केई गिऊ थल्जी लहसी तातन, दू गेह घेंङौ मीहतिंङ कमोग।, अपेहल दोरे कांह अराधना लहज़िमी थल्जी ठ्रोहका शोर, दोहपल गेह कांह महिमा लोहग।”

इब्रानियों 3:1

झांह लेह, हे गिऊ प्यारे साथी विशवासी रे, केरे अंऊ स्वर्गा रिंङ दोरंङ साते शामिल शुहबिमी थल्जी बुलासी शुईं, मसीह यीशु टोईच़ी ध्यान रांही! दुह हेंदु थल्जी परमेश्वरो रूठे खबरो प्रेरित यहुदी महापुरोहित शुह।

इब्रानियों 3:14

अगर हेनर हेंदु तुहई कि विशवासा बि थल मुक्का तचेक पक्‍का बणाके तोहनि, दंङ हेनर मसीहू सहभागी शुहचे योंई।

1 पतरस 5:1

रें झांह ठ्रोह गप्पा तोह अंऊ गेह दोरकी सेंहणा तंङ साते कुट्री तातग छना कुचे गेह ला केहतु ठ्रोह इच्च़ा सेंहणा शुगाह। गेह घेंङौ दू दुखा बि तंङातेग अंऊ महसे तुहई मसीह ज़ि सहन लहरी। अपेहल दू यह्च़ा वापिस अपतो, दंङ गेह ला दोऊ महिमा रिंङ सहभागी शोहग दंङ गेह केतंङ साते विनती लहज़ातग,

2 पतरस 1:16

अपेहल ञेंहच़ी प्रेरिता ज़ि केतिंङ हेंदु प्रभु यीशु मसीह सामर्थ ए वापिस अपिमी पाहठी कंङाते, दंङ ञेंरे केतिंङ चालाकी रंङ साते बणाशी दुह कथा माह कंड्रातंई। पर, ञेंहच़ी मसीहू महिमा हेंदु टिरे खांहषी तरेनि।

1 यूहन्ना 1:1

ञेंहरे इच्च़ा मीहू पाहठी केतिंङ च़ेहसी लेहकी तोतोंई, अंऊ जीवनो बचन शुह। दुह दिह संसारो शुरूआत बेहच़ी तोहई। अतिंङ ञेंहच़ी थाक्शी तातंई, दंङ अतिंङ ञेंहच़ी हेंदु टिरे तंङातंई पर ध्यानारंङ तंङातेंई दंङ हेंदु गुह्ट्रे दुह थोक्तेंई।

1 यूहन्ना 1:5

अंऊ रूठे खबर ञेंहच़ी यीशु दोरच़ी रेहशी तातंई दंङ केतिंङ ला सुनाएच़ातोंई, दुह दिह तोह कि परमेश्वर छंङी ओ ठ्रोह पवित्र तोह दंङ दोबि छल्ले बुराई माह।

1 यूहन्ना 1:7

अगर हेनर सही तरीका रंङ जीवन श्रींङमोंई, छना परमेश्वर सिद्ध रूपा रिंङ हेले तोह ध्वांए हेनर ला हेलेरिंङ श्रींङमोंई, दंङ इदि-अईदिरंङ साते संगति तहज़ातंई। दंङ परमेश्वरो योह यीशु मसीहू शुहई हेन्दिंङ भत्ते पापो दोरच़ी शुद्ध लहज़ा।