1 यूहन्ना 1:2 - लाहौली बाइबिल

² दि मीह अच़ि जीवन रंड्रा दुह दिह धरतीरिंङ अति, दंङ ञेंहच़ी दुह खंई, दंङ दोऊ गवाही रंड्रातंई, दंङ केतिंङ कंड्रातंई कि दि दुह ए शुह अंऊ अनंत जीवन शुह। दुह बाह परमेश्वरा रंङ साते तोहई, दंङ अपि परमेश्वरे हेंदिंङ कंङातो।

1 यूहन्ना 1:2 Iomraidhean Croise

यहून्नो 1:18

परमेश्वरा बि अच़िला अपेहला तंङशी माह शुह। सिर्फ परमेश्वरो इच्च़ा योह अंऊ सच्चा परमेश्वर शुह दंङ अरी बाहो कछंङ तोह, अच़ि ञेंतिंङ कंङातो कि परमेश्वर छना ठ्रोह तोह।

यहून्नो 1:4

दुह भत्ते जीवनो आधार शुह दंङ दू, दुह ए शुह अच़ि मीहतिंङ छंङी रंड्री।

यहून्नो 10:28

दंङ गेह दोतिंङ अनंत जीवन रंड्रातग, दंङ दुह अपेहला माह योहसतो, दंङ अच़िला दोतिंङ गिऊ दोरच़ी खुल्जे मरपोर।

यहून्नो 14:6

यीशु ज़ि दोरंङ साते कुंई, “अम, सच्चाई दंङ अनंत जीवन गेह ए शुगाह; गेह मेह अरीला पिता परमेश्वरो कछंङ पिचे मरपोतो।

यहून्नो 15:27

दंङ केहरे संसारो मीहतिंङ गिऊ पाहठी कंमोई, छना कुचे केहरे शुरुवात बे गेरंङ साते तोईन।

यहून्नो 16:28

गेह पिता परमेश्वरो दोरच़ी संसारा रिंङ अंज़े शुगाह, यच़ाह संसार केट्रा पिता परमेश्वरो कछंङ वापिस अच़ा योग।”

यहून्नो 17:3

दंङ अनंत जीवन दीह शुह कि मीहरे कनिंङ सेहपोर, मतलब सिर्फ इच्च़ा सच्चा परमेश्वरा बि, दंङ दोरे गिह्बी सेहपोर, मतलब यीशु मसीह बि, अरी केई च़रसी शुह।

यहून्नो 17:5

दंङ हेंतेग, हे पिता परमेश्वर, केई केनोह तुईज़ी गिऊ महिमा लोहू, दुए महिमा अंऊ करंङ साते बंङज़ा दोहपल संसारो शुरुवात बे तुई गिऊ कछंङ तोहई।”

यहून्नो 19:35

अंऊ मीहे दिह भत्ते धिर खंणी, दोई गवाही रेंई, कि केहच़ी ला यीशु ऊ टोहकठे विशवास लोहन। दंङ दोऊ गवाही हेले शुह, दंङ दोई ञेंहु कि दोई सच्चाई रंङ साते कुट्रा।

यहून्नो 21:14

दीह षुमु फेरा शुई कि यीशु सिमी दोरच़ी श्रींङे थल चेला तु बिचंङ प्रगट शुई।

यहून्नो 3:13

अरीला स्वर्गंङ मेली, पर सिर्फ गेह मीहू योह इच्च़ा स्वर्ग च़ि योंखा अंज़े शुगाह।

यहून्नो 7:29

पर गेह दोबि ञेंहच़ातग; छना कुचे गेह दोऊ दोरच़ी शुगाह दंङ दोई गेह च़रसी शुगाह।”

यहून्नो 8:38

गेह केतंङ दोरे गप्पा कुट्रातग अंऊ गेह खांहषी तातग, अपेहल गेह घेंङौ बाह रंङ साते तोईग दंङ केहच़ी दुह लहज़ातंई अंऊ केहच़ी बाह ऊ दोरच़ी रेड्री तातंई।”

प्रेरित 10:41

भत्ते मीह ज़ि दुह माह खंईर बल्कि दुह गवाह तिंङ अतिंङ परमेश्वरे तुई ए अंङे च़रते। दुह गवाह ञेंहरे प्रेरित शुई। दोऊ सिमी दोरच़ी श्रींङमिमी थल ञेंहच़ी दोरंङ साते ज़ेईन ए तुंङरिन।

प्रेरित 2:32

दिए यीशु बि परमेश्वरे श्रींङे लहरी, दंङ हेनर भत्तेर दि सच्चाई ओ गवाह शुई।

प्रेरित 3:15

दंङ केहच़ी दुह सच़ी च़रतिन, अरि मीहतिंङ हमेशा ओ जीवन रंड्रा, पर परमेश्वरे दोबि सिए दोतु बिचंङ ज़ि श्रींङमी लहरी; दंङ दिह गप्पातु ञेंहरे गवाह तोतोंई।

प्रेरित 5:32

दंङ ञेंहरे दिह गप्पातु गवाह तोतोन, दंङ पवित्र आत्मा ला, अतिंङ परमेश्वरे एनोह हुकुम मनेक्च़ा दोतिंङ रांहषी ततो।”

रोमियो 8:3

छना कुचे अंऊ कम, मुसाओ कानून पापो स्वाभावो दोरच़ी कमज़ोर शुहचे लेह मरति, दोबि परमेश्वरे लहरी। दोई पापो प्रायश्चितो थल्जी एनोह योह बि ए पापी मीहू ठ्रोह पापो बलि ऊ थल्जी च़चे च़रति, झांह ठ्रोह परमेश्वरे पाप मय फुकारिंङ ए पापो सामर्थ थाक्शे च़रति।

गलातियों 4:4

पर अपेहल दू टेम अति अतु योजना परमेश्वरे बणाक्ते, दंङ परमेश्वरे एनोह योह दि संसारारिंङ च़रति, दंङ दू इच्च़ा मीहू रूपा रिंङ जेह्कते। दुह यहुदी जेह्के, मूसा ओ कानूनो अधीन दिऊ थल्जी बंङज़िरी,

1 तीमुथियुस 3:16

दंङ दिरिंङ छल्ले शक माह कि हेंदु विशवासरिंङ पक्‍का भेद तोह, मसीह इच्च़ा मीहू रूपारिंङ प्रगट शुई, दंङ पवित्र आत्माज़ि दुह परमेश्वरो योह साबित लहरी, दंङ स्वर्गदूता ज़ि दुह तंङातेर, दंङ परमेश्वरे दुह स्वर्गंङ रैंज़ा शिली। चेलाज़ि भत्ते ठाहरिरिंङ दोऊ प्रचार लहरिर। दंङ संसारो मीहच़ी दोऊ टोहकठे विशवास लहरिर।

2 तीमुथियुस 1:10

पर हेंतेग हेंदु उद्धारकर्ता, प्रभु यीशु मसीह, अच़ा अंजा, दंङ हेंदिंङ एनोह मोह्ड़े दाह कंङातो। दोई सिमी शाक्ति यहरच़े चरच़तो, दंङ रूठे खबरो ज़रिये, हेंदिंङ अनंत जीवनो थल्जी अम कंङातो।

तीतुस 1:2

दिऊ नतीज़ा दि तोह कि, दोरे परमेश्वरारंङ साते अनंत जीवनो ओ थल्जी बंङज़िमी उम्मीद तहच़ातेर, छना कुचे परमेश्वर, अंऊ अपेहल ला हप्सी माह कुट्रा, संसारो रचना लहज़िमी तुहई वाईदा लाहते कि दोऊ मीहरे हमेशा ओ थल्जी श्रींङी बंङज़ोर।

1 पतरस 5:1

रें झांह ठ्रोह गप्पा तोह अंऊ गेह दोरकी सेंहणा तंङ साते कुट्री तातग छना कुचे गेह ला केहतु ठ्रोह इच्च़ा सेंहणा शुगाह। गेह घेंङौ दू दुखा बि तंङातेग अंऊ महसे तुहई मसीह ज़ि सहन लहरी। अपेहल दू यह्च़ा वापिस अपतो, दंङ गेह ला दोऊ महिमा रिंङ सहभागी शोहग दंङ गेह केतंङ साते विनती लहज़ातग,

1 यूहन्ना 1:1

ञेंहरे इच्च़ा मीहू पाहठी केतिंङ च़ेहसी लेहकी तोतोंई, अंऊ जीवनो बचन शुह। दुह दिह संसारो शुरूआत बेहच़ी तोहई। अतिंङ ञेंहच़ी थाक्शी तातंई, दंङ अतिंङ ञेंहच़ी हेंदु टिरे तंङातंई पर ध्यानारंङ तंङातेंई दंङ हेंदु गुह्ट्रे दुह थोक्तेंई।

1 यूहन्ना 2:25

परमेश्वरे हेन्दंङ साते वाईदा लाहरी कि दोई हेन्दिंङ अनंत जीवन रमतो।

1 यूहन्ना 3:5

दंङ केहच़ी ञेंच़ातंई, कि यीशु मसीह दिऊ थल्जी अंज़े शुह, कि पाप बि योह्च़े च़रपोतो; कि दोरिंङ छिल्ला पाप माह।

1 यूहन्ना 3:8

अच़ि लाह लगातार पाप लहज़ी लेहकी शवात, दुह शेतानो दोरच़ी शुह, छना कुचे शेतान शुरूआत बे पाप लहज़ा अंज़े तोह, परमेश्वरो योह झांह लेह अंज़े शुह कि शेतानो कमो नाश लोहतो।

1 यूहन्ना 4:14

दंङ ञेंहच़ी योह बि तंङातेंई दंङ गवाही लाह रंड्रातंई कि बाह परमेश्वरे एनोह योह बि संसारो मीहतु पापो उद्धार लहच़िमी थल्जी च़रति।

1 यूहन्ना 4:2

परमेश्वरो आत्मा केहच़ी दि रीतिरंङ साते सेहषी तरपोंई, अंऊ ला मीह दि मनेके केट्रा, कि यीशु मसीह मीहू रूपारिंङ अति दुह परमेश्वरो दोरच़ी शुह।

1 यूहन्ना 5:11

दंङ दुह गवाही दि तोह, कि परमेश्वरे हेन्दिंङ अनंत जीवन रांहषी ततो दंङ दि परमेश्वरो योह दोरच़ी ए तोह कि हेन्दिंङ अनंत जीवन खोकसिरी।

1 यूहन्ना 5:13

गेह दिह डाक केतिंङ च़ेहच़ी लेहकी तोतोग अंऊ परमेश्वरो योह मिंदंङ विशवास लहज़ातोर ताकि केहच़ी ञेंओनि कि केहतु दोर अनंत जीवन तोह।

1 यूहन्ना 5:20

दंङ दिला ला ञेंच़ातंई कि परमेश्वरो योह यीशु मसीह संसारारंङ अति, दंङ दोई हेन्दिंङ समझ रांहषी ततो, कि हेनर दुह सच्चे परमेश्वर बि सेहपोन; हेनर परमेश्वर रिंङ अंऊ हेले तोह बणेंके बंङज़ातंई। दंङ दोऊ योह यीशु मसीहरंङ बणेंके बंङज़ा तोंई, दुह ए सच्चा परमेश्वर शुह, दंङ दुह अनंत जीवन शुह।