1 यूहन्ना 1:1 - लाहौली बाइबिल

¹ ञेंहरे इच्च़ा मीहू पाहठी केतिंङ च़ेहसी लेहकी तोतोंई, अंऊ जीवनो बचन शुह। दुह दिह संसारो शुरूआत बेहच़ी तोहई। अतिंङ ञेंहच़ी थाक्शी तातंई, दंङ अतिंङ ञेंहच़ी हेंदु टिरे तंङातंई पर ध्यानारंङ तंङातेंई दंङ हेंदु गुह्ट्रे दुह थोक्तेंई।

1 यूहन्ना 1:1 Iomraidhean Croise

लूको 1:2

छना कि दोच़ी ठीक ध्वांए च़ेआतो अंऊ ञेंतिंङ दुह मीहतु दोरच़ी कांहषी तोहई, अच़ि दोबि यीशु सेवकाईओ शुरुवात बेहच़ी खांषी तातेर दंङ अंऊ थले परमेश्वरो बचनो सेवक बणेंक इलिर।

लूको 24:39

“गिऊ गुहड़ ए कोन्ज़ारे खांई कि गेह दुहए शुगाह! गीहबी पछ रेंऐ खांई छना कुचे आत्माबि रूहसपारे शाह माह शुहबी छना गिऊ दोहर खंड्रातंई।”

यहून्नो 19:35

अंऊ मीहे दिह भत्ते धिर खंणी, दोई गवाही रेंई, कि केहच़ी ला यीशु ऊ टोहकठे विशवास लोहन। दंङ दोऊ गवाही हेले शुह, दंङ दोई ञेंहु कि दोई सच्चाई रंङ साते कुट्रा।

यहून्नो 20:27

दंङ यीशु ज़ि थोमा रंङ साते कुतोह, “कनु ब्रेमज़ा रंङ गिऊ गुहड़रिंङ पछ रें खंणु, दंङ केनोह गुहड़ा बि गिऊ रिस्पा ओ ज़ख्मो अंद्रेग केह्चे खंणु। दंङ शक लेह ब्याड़ा लोहू, पर विशवास लोहू कि गेह श्रींङे तोतोग।”

यहून्नो 5:26

छना कुचे अंऊ रीतिरंङ पिता परमेश्वरे ऐनाह जीवन तहच़ा, ध्वांए दोई गिह्बी ला दिह अधिकार रांहषी ततो कि गेह घेंङा ए जीवन तोईग;

यहून्नो 8:58

यीशु ज़ि दोतंङ साते कुंई, “गेह केतंङ साते हेले कुट्रातग कि गेह अब्राहमो जेहकपिमी बे तुहई शुगाह।”

प्रेरित 1:3

यीशु ज़ि दुख उठाएच़िमी ए सिमी थल, पक्‍का सबूत रंङ साते कंड्रातो कि दुह श्रींङे तोह। दंङ प्रेरिता ज़ि झुह्ट निज़ा ध्याड़ा तचेक दुह श्रींङे तंङरिर दंङ यीशु ज़ि दोहपल तचेक परमेश्वरो राज्यो पाहठी गप्पार दोतिंङ सुनाएती।

प्रेरित 4:20

छना कुचे दिह ता ञेंहतु दोरच़ी शुहबी मरपोतो, कि अंऊ ञेंहच़ी खांषी ए रेहशी तातन, दुह माह कोंहई।

इब्रानियों 2:3

झांह लेह अगर हेनर दि महान उद्धारो अनदेखी लोहनि ता दंङ पक्‍का रूपारिंङ हेंदिंङ ला सज़ा खोकसोतो। प्रभु ज़ि ऐनाह तुहई ए दि उद्धारो पाहठी कंङाते, दंङ अंऊ दोच़ी प्रभु दोरच़ी रेड्री तरेर, दुह मीहतु वहज़ा ज़ि हेंदु थल्जी दि साबित शुचि इलि।

1 यूहन्ना 4:14

दंङ ञेंहच़ी योह बि तंङातेंई दंङ गवाही लाह रंड्रातंई कि बाह परमेश्वरे एनोह योह बि संसारो मीहतु पापो उद्धार लहच़िमी थल्जी च़रति।

1 यूहन्ना 5:7

गवाही रंड्रा दोरे षुम तोतोर।

प्रकाशित वाक्य 1:11

कि “छिल्ला केई खंड्रातन, दोबि कताबारिंङ च़ेहसी ते निह्ज़ी कलीसिया बि चरच़ि च़रतु, अंऊ दि शहरारिंङ तोह, इफिसुस, स्मुरना, पिरगमुन, थुआतीरा, सरदीस, फिलेदिलफिया ए लौदीकिया।”

प्रकाशित वाक्य 1:8

प्रभु परमेश्वरे कुट्रा, “गेह अल्फा ए ओमेगा शुगाह, मतलब, शुरूआत ए अंत शुगाह। गेह ए शुगाह अंऊ तोतोग, अंऊ तोईगा, दंङ अंऊ एंतेग अपिमी तोह दंङ सर्वशक्तिमान तोह।”

प्रकाशित वाक्य 19:13

दुह शुहई रिंङ ठुह्मशी खमज़ेर लहज़ा, दंङ दोऊ मिन “परमेश्वरो बचन” तोह।

प्रकाशित वाक्य 2:8

स्मुरना शहरो विशवासी तु मंडली ओ स्वर्ग दूताबि दि चेऊ: “बेऊ था; गेह मुण्डो ए थल मुखंङ तचेक शुगाह, दंङ गेह दुह शुगाह अंऊ जहानो जुंशी शुगाह।” गेह इच्च़ा फेरा सिए इलजी तोईगा पर एंतेग गेह श्रींङे तोतोग दंङ हमेशा श्रींङे बंङज़ोग, अंऊ गेह कुट्रातग दुह रेड्रुंई।