1 कुरिन्थियों 6:3 - लाहौली बाइबिल

³ केतिंङ पता तोह कि भविष्य रिंङ हेनर स्वर्गदूतातु फेंसला लोहनि, दंङ पक्‍का रूपारिंङ हेनर दि जीवनो साधारण गप्पो फेंसला लेह तरपोंई।

1 कुरिन्थियों 6:3 Iomraidhean Croise

मत्ती 25:41

दंङ दोई फुचंङ हासी दोतंङ कोतो हे शापित मीहरे, गिऊ तुईज़ी हिसाब मेह मेहरिंङ अच्च़ा ईलांई अंऊ शेतान ए दोऊ मांजी आत्मातु थल्जी परमेश्वरे त्याहर लहसी शुह।

लूको 21:34

“दिऊ थल्जी खबरदार तोहई, झांह शुहबी माह जूंस कि केहतु सेहम मस्त ए मतवाला, दंङ दिह ज़िन्दगीऊ चिंदे सुस्त शुहचे योतो। दंङ दुह ध्याड़ा फन्दा ओ ठ्रोह अचानक केहतु तुईज़ी अपतो।

लूको 8:14

अंऊ बैएजा छ्वाक्तु विचंङ तोहई दुह हुंज़ी ए माह, दिऊ मतलब दिह शुह कि रेह मीहच़ी परमेश्वरो बचन ता रेड्री, पर संसारो चिंदारिंङ, टंगा-ढबाहऊ छलावा, दंङ ऊई चीज़ा तु लालच दोतु अंद्रेग अच़ा अपि दंङ परमेश्वरो विशवासरिंङ माह बड़ेक्पी।

रोमियो 6:16

केहच़ी ञेंच़ातंई कि अपेहल केरे केनातिंङ अतुआ परगर शुहबिमी थल्जी रें चरच़ातेंई दंङ दू मीह केहतु मालिक शुहचे यवात दंङ केतिंङ दू लेह लेह्पोतो अंऊ दोई क्वात, केरे पापो परगर शुहबी तरपोंई अंऊ सिमी हखा रैंज़ा शिलज़ा, या केरे परमेश्वरो हुकमो चुनाव लेह तरपोंई, अंऊ धर्मिक जीवनो हखा रैंज़ा शिलज़ा।

1 कुरिन्थियों 6:15

छि केहच़ी माह ञेंच़ातंई आ कि केहतु फुक मसीहू अंङ शुह? छि इच्च़ा मीह एनोह फुक रेंज़ा, अंऊ मसीहू शुह, दंङ छि दिबी कुकम लहज़ार रंङ साते जोड़ेक्सी जूंस?

1 कुरिन्थियों 6:16

दंङ केतिंङ पता शुहबी जूंस कि अरिला कुकम लहज़ा मेच़िमी तंङ ठ्रोहका शवात, दुह दोरंङ साते इच्च़ा फुक शुचि इबि। छना कुचे पवित्रशास्त्रारिंङ च़ेहसी तोह, “झुल्ला इच्च़ा फुक शोर।”

1 कुरिन्थियों 6:19

छि केहच़ी माह ञेंच़ातंई आ, कि केहतु फुक मन्दिर शुह अंऊर पवित्र आत्मा बंङज़ा, दंङ पवित्र आत्मा अंऊ केतिंङ परमेश्वरो तरफे खोकसा तोह, अंऊ केहतु अंदरेग बसेकी तोह, दंङ केरे परमेश्वरो शुई।

1 कुरिन्थियों 6:4

अगर झांह ठ्रोह गप्पा तुईज़ी अपा, दंङ केतिंङ दू मीहतंङ साते निपटाच़ी माह जूंस अंऊ दोतिंङ कलीसिया रिंङ आदरो जोगे माह समझेक्च़ातोर।

2 तीमुथियुस 2:4

इच्च़ा सेनिक अंऊ सेना रिंङ शवात, दुह एनोह कम ओ छोड़ेके ऊई छल्ले कम माह लहज़ा, छना कुचे दुह एनोह अधिकारी बि खुश लहज़ी जुंज़ा।

2 तीमुथियुस 4:10

छना कुचे देमासे दि संसारो चीज़ारे प्यारे चेहके गेह छोड़ेके चरच़तो दंङ थिस्लुनीके शहरो हखा अच़ा इलज़ा। क्रेसकेंस ला गलातिया प्रदेशो हखा दंङ तीतुस दलमतिया प्रदेशो हखा अच़ा इलज़ा।

2 पतरस 2:4

केहच़ी ञेंहच़ातंई कि महस टेम तुहई अपेहल रे स्वर्गदूता ज़ि परमेश्वरो हुकुमो भाषे माह लहरिर, दंङ परमेश्वरे दोतिंङ दोतु लहसी कमो सज़ा रांई, दोई दोतिंङ नरकारिंङ छङें च़रति दंङ दोतिंङ हंयार कैदारिंङ दुह ध्याड़ा तचेक तहरि अपेहल कि दोई दोतु फेंसला लोहतो दंङ दोतिंङ सज़ा रमतो।

यहूदा 1:6

हिद लंहि कि प्रभु ज़ि स्वर्गदूता तिंङ छना ठ्रोह सज़ा रांई, अंऊ दोच़ी एनोह ज़िम्मेवारी रूठे रंङ निभाएतिर माह, बल्कि दोच़ी एनोह ठहरि छोड़ेकी केहरी। प्रभु ज़ि दि स्वर्गदूता तिंङ हंयार ठहरि केहषी ततो, झांह ठ्रोह षंङणी रें छ़ुह्च़ी ततो अपि अच़िला थाक्शे मरपोतो, ताकि मोह्ड़े ध्याड़ा रिंङ दोतु अनंत जीवनो न्याय शुहबी तरपोतो।