1 कुरिन्थियों 4:8 - लाहौली बाइबिल

⁸ झांह च़ेहसा केरे चेहच़ातंई कि केहतु कछंङ दू भत्ते धिर तोह अतु आत्मिक हिसाबे केतिंङ ज़रूरत तोह। केहच़ी ञेंहच़ातंई कि केहतु कछंङ तुहई बेहच़ी दू खास वरदान तोह अंऊ पवित्र आत्मा मीहतिंङ रंड्रा। केहच़ी ञेंहच़ातंई कि केरे ञेंतंङ मेह रज्ज़ा तु राज लहज़ी शुरू लेह चरच़ातंई। गेह खुश शुचंङ अगर केरे हेले रिंङ रज्ज़ा तु ठ्रोह राज लहज़ी शुरू लेह च़रपोंई, ताकि ञेंरे ला केतंङ साते राज लेह तरपोंई।

1 कुरिन्थियों 4:8 Iomraidhean Croise

मत्ती 5:1

यीशु महसे मीहरे तंङज़िरंङ साते गोह हखा अच्च़ा इलि, दंङ दोतिंङ शिक्षा रंड्रीमी थल्जी बंङज़ा इलि दोपहल दोऊ चेलारे दोऊ कछंङ अतिरे।

लूको 6:25

धिक्कार केहतु टोईच़ी अरी महसे ज़ोवातोर, छना कुचे केहतु योंई बंङज़ी पक्‍का ए तोह। धिक्कार केहतु टोईच़ी अरी दी मुका वफातोर, छना कुचे केहरे क्रपोंई ए शोक लोहनी।

प्रेरित 26:29

पोलुसे कुई, “परमेश्वरो हखा गिऊ प्रार्थना दि तोह कि छि थोड़े रिंङ, छि महसे रिंङ, सिर्फ कांह ए मशत, पर अंयों मीहच़ी तोग गिऊ रेड्रातोर, गिऊ दि बन्धन केट्रा दोरे गिऊ ठ्रोह मसीह विशवासी बणेंके योर।”

रोमियो 12:3

छना कुचे गेह दू मोह्ड़े दाह ओ वहज़ा ज़ि अंऊ गिह्बी खोकसी तोह, केहतु बिचंङ हर इच्च़ा रंङ साते कुट्रातग कि छना समझेची जूंस दुबे बड़के अरिला एनाबि था सोचेक्तुंई। पर छना परमेश्वरे केतिंङ अंयों विशवास रांहषी ततो दोऊ हिसाबे सुबुद्धिरंङ साते केनातिंङ समझेक्तुंई।

1 कुरिन्थियों 1:5

मतलब दि कि केहतु मसीह रंङ साते इच्च़ा शुहबिमी वहज़ा ज़ि परमेश्वरे केतिंङ दू भत्ते महसे रंङ साते रांहषी ततो अतु केतिंङ ज़रूरत तोह। खास लहज़ी, दोई केतिंङ परमेश्वरो खबर ए एनोह बचनो ज्ञान ऊईतिंङ कंड्रिमी थल्जी महस पाहठी आत्मिक वरदान रांहषी ततो।

1 कुरिन्थियों 4:18

केहतु बिचंङ रेह मीहरे सोचेक्च़ातोर कि गेह केतंङ साते दोई माहग, दंङ दिऊ थल्जी दोरे घमण्डी शुहचे इलजी तोतोर।

1 कुरिन्थियों 5:6

केहतु घमंड लहज़ी बिल्कुल ला ठीक माह शुह, छि केहच़ी माह ञेंच़ातंई आ, कि थोड़े अरे सुमे भत्ते त्रुक्क्षी फुकान ला सुम ज़डे लेह चरच़ि? ध्वांए, अगर इच्च़ा मीहबी पाप लहज़ी छोड़ेके च़रपोंई, दंङ युरनाह ए भत्ते मीहतिंङ दुह पाप फेलेके भत्ते मीहरे दुह पाप लहज़ी शुरू लेह च़रपोर।

2 कुरिन्थियों 11:1

अगर केहच़ी दू स्वीकार लेह केओनि अंऊ एनोह तरीफ एनेह लाह दंङ झांह लेह गिह्बी उम्मीद तोह कि अगर गेह थोड़े हरे मुर्खता रंङ व्यवहार लहज़ातग दंङ दोबि केहच़ी बर्दाशत लेह च़रपोंई।

2 कुरिन्थियों 13:9

अपेहल हेनर कमज़ोर तोतोंई, दंङ केरे विशवासरिंङ पक्‍का तोतोंई, दंङ ञेंरे खुश शवातंई, दंङ दि प्रार्थना ला लहज़ातंई, कि केरे विशवासरिंङ सिद्ध शुहचे योंई।

गलातियों 6:3

छना कुचे अगर केहच़ी ञेंहच़ातंई कि अतुआ मदत लहज़िमी थल्जी केरे महस खास शुई दंङ केरे सिर्फ केनातिंङ ए मुर्ख बणाएच़ातोंई केरे धोंण ला खास माह शुई।

फिलिपियों 1:27

सिर्फ धोंण ए लंहि कि केहतु चाल-चलन मसीहू रूठे खबरो जोगे शोतो। कि चाहे गेह अंज़े ते केतिंङ खमोग, चाहे गेह अपोग ए माह, केहतु पाहठी दि रेड्रोग कि केरे इच्च़ा इरादारिंङ पक्‍का तोहईं दंङ इच्च़ा सेहम शुहचे रूठे खबरो विशवासो थल्जी मेहनत लोहवा तंही।

फिलिपियों 2:12

हे गिऊ प्यारे साथी विशवासी रे, अपेहल गेह केतंङ साते तोईग दोहपल केहच़ी हमेशा परमेश्वरो हुकुमो भाषे लहरिन। एंतेग अपेहल गेह ऊईतार शुहचे इलजी तोतोग, दंङ केतिंङ ऊई ला गप्पा मनेक्च़ी जूंशी तोह। बेह्द रंङ साते केहतु बिचंङ भत्ते तिंङ दुह चीज़ लेह जूंशी तोह अंऊ दुह मीहतु थल्जी सही तोह अंऊ दोतिंङ परमेश्वरे बचाएसी ततो।

प्रकाशित वाक्य 3:17

केई चेहच़ातन कि काह साहुकार तोतोन दंङ कांह कछंङ दुह भत्ते तोह अतु कनिंङ ज़रूरत तोह, पर हेले दि तोह कि काह कांणे तु ठ्रोह तोतोन, केई माह ञेंच़ातन कि काह हेले रिंङ छना ठ्रोह तोतोन। कनु टोईच़ी तरस अपि जूंस छना कुचे काह गरीब तोतोन, दिऊ मतलब दि तोह कि कनु अंदरेग विशवासो कमी तोह। काह दुह मीहतु ठ्रोह तोतोन अतु दोर खमज़ेर माह तोतोर।

प्रकाशित वाक्य 5:10

“दंङ दोतिंङ हेंदु परमेश्वरो थल्जी केई झांह ठ्रोह मीह बणाके चरच़ातन अंऊ दोतु टोईच़ी हेंदु परमेश्वरे राज लहज़ा, दंङ झांह ठ्रोह पुरोहित बणाएक्ते अंऊ दोऊ सेवा लहज़ातोर, दंङ दोरे धरतीऊ टोईच़ी राज लोहरे।”