1 कुरिन्थियों 4:5 - लाहौली बाइबिल

⁵ झांह लेह अपेहल तचेक प्रभु दोबारा वापिस माह अपा दू मुक्का तचेक अतुला न्याय थालंही। छना कुचे प्रभु साफ तरीका रंङ साते दू भत्ते विचार कम्बोतो, अंऊ मीहतु अंदरेग तोह, अतु पाहठी ऊई अच़िला माह ञेंओर। दू दोतु इरादा बि प्रगट लोहतो अंऊ दोतु सेहमरिंङ तोह, दोहपल परमेश्वरे दोतु षटणा शोतो।

1 कुरिन्थियों 4:5 Iomraidhean Croise

मत्ती 10:26

दिऊ थल्जी केहरे मीहतंङ था बेई; छना कुचे कि नयाय ध्याड़ारिंङ भत्ते धिर छिल्ला घटेकषी तोह दुह तुईज़ी अपतो, दंङ छिल्ला धिर ब्याके तोह दुह भत्तेतु तुईज़ी प्रगट शोतो।

मत्ती 24:30

दंङ गेह मीहू योहऊ निशानी सर्गंङ तंङफोतो धरतीऊ भत्ते खानदानी मीहच़ी एनातु काह रटेकपोहर; दंङ गेह मीहू योह बि मोह्ड़े सामर्थ ए ठाटबाठरंङ सर्गो बदडातु टोईच़ी अपि तंङफोर।

मत्ती 24:46

धन्य शुह दुह परगर अतिंङ दोऊ मालिक अंज़े ध्यांए लेह तंङफोतो।

मत्ती 25:21

दोऊ मालिका ज़ि दोबि कुहतो, धन्य शुनाह हे रूठे ए विशवासो जोगे परगरा कांह थोड़ेरिंङ टंगा ढबाह सोठेक्च़िमी थल्जी विशवास जोगे बंङज़िन; गेह कनिंङ महस धिरो अधिकारी लेह केओग। केनोह मालिको खुशीरिंङ शामिल शुह।

मत्ती 25:23

दोऊ मालिके दोबि कुहतो, धन्य, हे रूठे ए विशवासो जोगे परगरा कांह थोड़े अरे ढबाह सोठेक्च़िमी थल्जी विशवासो जोगे बंङज़िन; गेह कनिंङ मह्सधिरातु अधिकारी बंणाएपोग केनोह मालिको खुशीरिंङ शामिल शुह।

लूको 6:37

“दोष था लगाएतुंई; दंङ परमेश्वरे ला केहतु टोईच़ी दोष माह लगाएकपोतो। दोषी थाशुंई, ता परमेश्वरे ला केहतु फेंसला लोहतो। माफ लांही ता परमेश्वर ला केतिंङ माफ लोहतो।

यहून्नो 21:22

यीशु ज़ि दोरंङ साते कुंई, “अगर गेह ज़ुफोंग कि दुह गिऊ यच़ाह अबिमी तचेक श्रींङे बंङज़ोतो, ता कनिंङ छि तोह? कांह गिऊ चेला शुहचे तोह।”

यहून्नो 21:23

दिऊ थल्जी ऊई साथी चेला तु बिचंङ दीह गप्पा फेलेके इलि, कि दुह अई चेला माह सीओतो; पर यीशु ज़ि दोरंङ साते दिह माह कुहते कि दुह माह सीओतो, पर दीह कुहते, “कि अगर गेह ज़ुफोंग कि दुह गिऊ यच़ाह अबिमी तचेक श्रींङे बंङज़ोतो, ता कनिङ दिरंङ छि तोह?”

यहून्नो 5:44

केहरे गिऊ टोहकठे विशवास ले मरपोंई, छना कुचे केहच़ी इदिऊ अईदिऊ षटणा जुंज़ातंई, दंङ केहरे इच्च़ा परमेश्वरो दोरच़ी षटणा खोखकसिमी कोशिश माह लहज़ातंई।

रोमियो 14:4

झांह लेह केतिंङ अतुआ ऊईतु परगरो न्याय लेह माह जूंस, दोई रूठे लोहतो या माह लोहतो दि दोऊ मालिको ज़िम्मेवारी शुह। दोई पक्‍का रूठे लोहतो; छना कुचे दोऊ प्रभु दोबि रूठे लहज़िमी सामर्थी तोह।

रोमियो 2:1

झांह लेह, हे ऊईतु टोहकठे दोष लगाएच़ा! केरे चाहे अरिला छारिंङ माह शोंई, बहाना लेह मरपोंई। अंऊ गप्पा रिंङ केरे ऊईतिंङ दोष लगाएच़ातंई, दुह ए गप्पारिंङ केनातिंङ ला दोषी ठहराएच़ातंई। छना कुचे केरे, अंऊ ऊईतु टोहकठे दोष लगाएच़ातंई, केनाह ए दुह कम लहज़ातन।

रोमियो 2:16

दि दुह ध्याड़ारिंङ शोतो अपेहल परमेश्वरो गिऊ दोरच़ी प्रचार लहसी रूठे खबरो हिसाबे यीशु मसीहू दोरच़ी मीहतु ब्याके गप्पो फेंसला लोहतो।

रोमियो 2:29

इच्च़ा सच्चा यहुदी दुह ए शुह अतु सेहम परमेश्वरा रंङ साते सही तोह। दंङ हेले खतना सिर्फ मुसाओ कानूनो भाषे लहज़ी मशत; पर, दि सेहम किरच़ी ला शुह, अंऊ पवित्र आत्माओ कमो दोरच़ी पैदा शुहवा। झांह ठ्रोह मीह, मीहतु दोरच़ी मशत, पर परमेश्वरो दोरच़ी षटणा खोकच़ा।

रोमियो 2:7

अंऊ मीहरे ड्काह बंङज़ा ते भलाई लहज़ा ते महिमा ए आदरो, अपेहल ला माह योह्सा जीवनो खोजारिंङ लेहकी बंङज़ातोर, परमेश्वर दोतिंङ अनंत जीवन रमतो;

1 कुरिन्थियों 1:7

दिए वहज़ा तोह कि पवित्र आत्माज़ि केतिंङ दू भत्ते वरदान रांहषी ततो अतु केतिंङ ज़रूरत तोह, देर तचेक कि केरे हेंदु प्रभु यीशु मसीहू वापिस अपिमी थल्जी रूमज़ा तोतोंई।

1 कुरिन्थियों 11:16

पर अगर अच़िया दि सोचेक्च़ा कि छि गेह कुट्रातग दू गलत तोह। दंङ दि ञेंई च़रतुंई कि हेंदु ए परमेश्वरो कलीसिया रिंङ हेंदिंङ दि छोड़ेके ऊई छल्ले रिवाज़ माह।

1 कुरिन्थियों 11:26

भत्ते टेमारिंङ अपेहल केरे रोटी ज़ोवातंई दंङ दि कोली ओ ऊ दोरच़ी दाखो रस तुंङमातंई, दंङ प्रभु मौत अपेहल तचेक दू दोबारा वापिस माह अपा, प्रचार लोहवा लंहि।

1 कुरिन्थियों 15:23

पर हर इच्च़ा मीह एनोह बारी ओ हिसाबे सिए दोतु बिचंङ ज़ि श्रींङमी लोहर; मसीह मुण्डो मीह शुह अपि श्रींङमी लहसी शुह, दंङ अपेहल मसीह वापिस अपतो दंङ अंऊ दोरंङ साते पक्‍का नाता तहज़ातोर दोतिंङ यह्च़ा सिए दोतु बिचंङ ज़ि श्रींङमी लोहर।

1 कुरिन्थियों 3:13

इच्च़ा ध्याड़ा हर इच्च़ा दू कमो खसीयत खमतो अंऊ दोच़ी लहसी तोह। छना कुचे अपेहल यीशु मसीह दोबारा वापिस अपतो दंङ दू साफ रूपारिंङ दि गप्पा तिंङ हिद लोहतो दि दू टेमो ठ्रोह शोतो अपेहल धातु परखेक्च़िमी थल्जी मेहू बिचंङ केट्री। दोई दि खमतो कि हर इच्च़ा मज़दूरे छि-छि लहतो, दंङ दोई कंबोतो कि दि रूठे तोह या बेकार।

1 कुरिन्थियों 3:14

अगर दू कम अंऊ इच्च़ा मज़दूरे मुयांदो टोईच़ी बणाएक्तो, दू रोहषी माह जूंस, दंङ दू मज़दूर परमेश्वरो दोरच़ी ईनाम खोकपोतो।

1 कुरिन्थियों 3:8

गेह केतिंङ रूठे खबर सुनाएकातग दंङ परमेश्वरो बचन सिखासी शुरू लाहतग दंङ अपुल्लोसे केतिंङ सिखासी जारी ततो पर ञेंहकु झुल्लो मकसद इच्च़ा ए तोह, दंङ हर इच्च़ा मीह एनोह मेहनतो हिसाबे परमेश्वरो दोरच़ी इनाम खोकपोतो।

2 कुरिन्थियों 10:18

छना कुचे अंऊ दोई एनोह षटणा लहज़ा, दू मशत, पर अतु बढ़ाई प्रभु ज़ि लहज़ा, दू ए प्रभु नज़रा रिंङ रूठे तोह।

2 कुरिन्थियों 10:9

दि गेह दिऊ थल्जी कुट्रातग, कि डाकतु दोरच़ी केतिंङ बेई लहज़ा माह ठहरेसोग।

2 कुरिन्थियों 4:2

पर हेंज़ी षेह्द अपिमी जोगे ए गुप्तो कम छोड़ेके चरच़ातंई, दंङ माह ए चालाकी रंङ साते ज़ोवातंई, दंङ माह परमेश्वरो बचना रिंङ मिलावट लहज़ातंई, पर हेनर परमेश्वरो तुईज़ी सिर्फ हेले कंड्रातंई। परमेश्वरो तुईज़ी हर इच्च़ा गवाही रंड्री तरपोतो कि दि हेले तोह।

2 कुरिन्थियों 5:10

छना कुचे ज़रूरी तोह कि हेंदु भत्ते तु मसीहू दोरच़ी फेंसला शोतो, कि हर इच्च़ा मीह एनोह-एनोह रूठे ए मदम कमो दोरच़ी अंऊ दोतु फुको दोरच़ी शुहचे तोह, दोऊ बदला खोकपोर।

1 थिस्सलुनीकियों 5:2

केहच़ी केनाच़ि ठीक ञेंच़ातंई कि छना राता रिंङ चोर अचानक अपा ध्वांए दुह ध्याड़ा अपतो अपेहल प्रभु यीशु वापिस अपतो।

इब्रानियों 4:13

दंङ संसारो अंऊ ला चीज़ परमेश्वरो दोरच़ी ब्याके माह, पर छिल्ला हेंज़ी हेंदु जीवनो दोरच़ी लहसी तातंई, हेंदिंङ दोबि भत्ते कमो हिसाब रंड्री लेह्पोतो। दोऊ तुईज़ी भत्ते चीज़ारे अलसी ए प्रगट तोह।

याकूब 4:11

हे गिऊ प्यारे साथी विशवासी रे, इदि-अईदिऊ बदनामी थालंही, अंऊ एनोह न्वाऊ बदनामी लहज़ा, या न्वाऊ टोहकठे दोष लगाईचा; अपेहल केहच़ी नियम ए कानूनो टोहकठे दोष लगाएच़ातंई, दंङ काह नियम ए कानूनो माह मनेक्च़ा शुनाह, पर केनाह कानूनो न्याय लहज़ा बणेंके यवातन।

याकूब 5:7

झांह लेह हे गिऊ प्यारे विशवासी साथी रे, प्रभु अपिमी तचेक ज़हके तंही। छना ज़मीनदार धरतीऊ रूठे फसलो उम्मीद तहच़ा मुण्डो ए थल मुक्को संदाण शुहबी तचेक धीरज़ा रंङ ज़हके तहच़ा।

याकूब 5:9

हे गिऊ प्यारे विशवासी साथी रे, इदि-अई दिऊ टोहकठे केनातु परेशानी रें दोष था लगाएतुंई, ताकि केरे दोषी माह शोंई; खंई न्याय लहज़ा दुह अपिमी थल्जी तेयार तोह।

1 पतरस 1:7

दि मुसीबतो मकसद दि कंड्री तोह छि केरे हेले रिंङ परमेश्वरो टोईच़ी विशवास लहज़ातंई। यीशु मसीह रिंङ केहतु विशवास ज़ंङ बे महस कीमती तोह। छना नाशवान शुहच़ा ज़ंङ मेहू बिचंङ परखेक्च़िमी थल्जी दंङ शुद्ध लेह, ध्वांए ठ्रोह अगर केहतु विशवास परखकेक्सी रंङ साते विशवास पक्‍का शुहवा, दंङ दू ध्याड़ा महस षटणा ए मोह्ड़े दाह ए आदर रमतो अपेहल यीशु मसीह यह्च़ा अपतो।

1 पतरस 5:4

अपेहल यीशु मसीह, दुह हेंदु मोह्ड़े पोहाल ए शुह, यह्च़ा वापिस अपतो, दोई केतिंङ इच्च़ा ईनाम रमतो, अंऊ अपेहल ला खराब माह शोतो।

2 पतरस 3:12

छना कि केरे दुह ध्याड़ा बि रुमज़ा तोतोंई अपेहल परमेश्वर संसारो न्याय लहज़िमी थल्जी अपतो, दंङ दुह ध्याड़ो युरनाह अपिमी थल्जी केनातु तरफे पुरे कोशिश लंहि। दुह ध्याड़ा, मेह भड़केगी योतो दंङ सर्गा बि नाश लेह च़रपोतो, दंङ दोऊ ठ्रोत सर्गा रिंङ भत्ते धिर रोह्चे च़रपोतो।

2 पतरस 3:4

दंङ दोच़ी कोहर, “दोऊ अपिमी वाईदा हेले माह! दुह अपेहल ला माह अपतो, छना कुचे अपेहल बे मसीह अगुवार सिए इलोर, अंऊ महसे तुहई बंङज़ातेर, दोहपल बेहच़ी भत्ते धिर ध्वांए तोह। चीज़ारे ध्वांए तोतोर छना दोरे हमेशा तोईरे अपेहल बेहच़ी परमेश्वरे संसारो रचना लहरी।”

यहूदा 1:14

हनोके ला अंऊ आदम बे निह्ज पीढ़ी रिंङ जेह्की तोहई, दि मीहतु पाहठी भविष्य वाणी लहसी तते, कि “खंई, प्रभु पक्‍का रूपा रिंङ एनोह महसे पवित्र स्वर्गदूता तंङ साते अपतो,

प्रकाशित वाक्य 1:7

रेड्रुं, दुह डुह रंङ साते अपिमी तोह; दंङ हर इच्च़ा मीह दोबि खमतो, देर तचेक कि अंऊ मीहरे दोऊ मौतो ज़िमेवार तोईरे, दोरे ला दोबि अपि खमोर। धरतीऊ भत्ते मीहरे जोरे-जोरे क्रपोर अपेहल दोरे दोबि खमोर। वोई झांह शोतो! अमीन।

प्रकाशित वाक्य 20:12

दंङ गेह सिए मीहतिंङ दुह सिंहासनो तुईज़ी तंङरिगा, मतलब दोतिंङ अंऊ खास ए आम मीहरे तोतोर। दोरे मीहरे अंऊ समुंद्र डुमज़े सिए इलजी तोईरे, दंङ क्रबो भत्ते सिए मीहरे, दंङ दोरे मीहरे अंऊ सिए दोतु ठहरि तोईरे, दोरे भत्ते दुह सिंहासनो तुईज़ी खड़े शुहचे इलिर। दंङ कताबर अलसा इलि, अंऊर जीवनो कताब ला शामिल तोह। दंङ कताबा रिंङ च़ेहसी गप्पो हिसाबे दोतु फेंसला शुहचे इलि, दोऊ हिसाबे अंऊ दोच़ी लहसी तरेर। दुह भत्ते तु दोतु कमो हिसाबे फेंसला शुई।