1 कुरिन्थियों 4:1 - लाहौली बाइबिल

¹ हेले ता दि शोतो कि मीहरे हेंदिंङ यीशु मसीहू सेवक ए परमेश्वरो भंडारी ए ञेंओर, अतिंङ रूठे खबरो ब्याके सच्चाई बि समझाएक्सिमी कम रांहषी तोह।

1 कुरिन्थियों 4:1 Iomraidhean Croise

मत्ती 13:11

दोई जुबाब रेंई, “केतिंङ परमेश्वरो स्वर्गो राजओ पाहठी समझ रांहषी तोह, पर दोतिंङ माहतोर।

मत्ती 24:45

दिऊ थल्जी इच्च़ा वफादार, समझदार परगर दुह शुबी, अतिंङ दोऊ मालिके दोबि एनोह ऊई चुंङो परगरातु ध्यान तहच़ि ए दोतिंङ बगत रंड्रीमी ज़िम्मेवारी रेह तरच़ी।

मरकुसो 4:11

दंङ यीशुज़ि दोतंङ साते कुतोह, “केतिंङ ता परमेश्वरो राज्यों राज ओ पाहठी समझ रांहषी तोह, पर दोतु थल्जी अरी गिऊ टोहकठे विशवास माह लहज़ा दोतु थल्जी भत्ते गप्पा कथारिंङ ए शोतो।

लूको 1:2

छना कि दोच़ी ठीक ध्वांए च़ेआतो अंऊ ञेंतिंङ दुह मीहतु दोरच़ी कांहषी तोहई, अच़ि दोबि यीशु सेवकाईओ शुरुवात बेहच़ी खांषी तातेर दंङ अंऊ थले परमेश्वरो बचनो सेवक बणेंक इलिर।

लूको 12:42

प्रभु ज़ि दोबि जुबाब रेंई, “दुह विशवासो जोगे ए समझकार परगर अरी शुह, अतु मालिके दोबि ऊई नोकरा तु टोईच़ी मुख्या नियुक्त लोहतो कि दोतिंङ टेमा रिंङ बगत रमतो।”

लूको 8:10

दोई कुतोह, “केतिंङ ता परमेश्वरो राज्यों राज ओ पाहठी समझ रांहषी तोह, दंङ ऊईतिंङ कथारिंङ ए कुट्रिमी तो दिऊ थल्जी कि: दोच़ी-दोच़ी खांई ते ला माहखांइरे, दंङ दोतिंङ शुङसी मादी रेड्रा ला रेहड्रोंई ता ला माह समझेक्ती।”

रोमियो 11:25

हे गिऊ प्यारे साथी विशवासी रे, गेह माह जुंज़ातग कि केरे दि भेदो दोरच़ी अंजान बंङज़ेंई झांह शुहबी मेस कि केरे केनातु टोहकठे घमण्ड लोंहि, दि हेले तोह कि इस्राएलो रें मीहरे विशवास लेह तेयार माह तोतोर, पर अपेहल परमेश्वरो टोहकठे विशवास लहज़ा ऊईजाति मीहतु गिनती पूरे शुहचे योतो, दंङ इस्राएलो मीहरे विशवास लोहर दंङ परमेश्वरो कछंङ वापिस अच़ा अपोर।

रोमियो 16:25

हेंतेग केतिंङ गिऊ रूठे खबर यीशु मसीहू पाहठी तोह, केतिंङ प्रचार लहज़ा विशवास रिंङ पक्‍का लहज़ा। छना कुचे दि रूठे खबर महस जुग बेहच़ी प्याक्सी तहरेर।

1 कुरिन्थियों 2:7

पर अंऊ ज्ञानो हेंज़ी गप्पा लहज़ातंई दू ज्ञान परमेश्वरो ज्ञान शुह अंऊ ब्याके तोहई। हेंतेग तचेक अरिला दिबी माह ञेंहच़ाते। परमेश्वरे धरती बणाषी बे तुहई ए फेंसला लहज़ी चरच़ाते कि दोऊ ज्ञान हेंदिंङ महिमा रमतो।

1 कुरिन्थियों 3:5

दंङ अरि शुह अपुल्लोस ए दंङ अरि शुह पोलुस? छि सिर्फ सेवक, अतु दोरच़ी केहच़ी विशवास लहरिन। हर इच्चे प्रभु दोरच़ी रांहषी ज़िम्मेवारी निभाके च़रतिर।

1 कुरिन्थियों 4:13

मीहच़ी ञेंहतु निन्दा लहज़ातोर दंङ ञेंरे नम्रता रंङ साते दोतंङ गप्पा लहज़ातंई। मीहरे हेंतेग ला हेंदंङ साते झांह ठ्रोह बर्ताब लहज़ातोर, माना कि हेनर संसारारंङ भत्ते चीज़ो जगत्रको ठ्रोह तोतोंई।

1 कुरिन्थियों 4:2

छना भंडारी बि कम रांहषी ततो, दोऊ दोरच़ी दि उम्मीद लेह तरपोंई कि दुह विशवासो जोगे शुहबी जूंस।

2 कुरिन्थियों 11:23

छि दोरे ए मसीहू सेवक शुरे आ? (गेह बमजी बराबर कुट्रातग) गेह दोतु बे बढ़कर शुगाह! गेह दोतु बे महस मेहनत लाहतग, दोतु बे महस कैदी बणेंके इलिगा, महस फेरा तेंङसी शुगाह, महस फेरा गिह्बी मौतो सामना लहज़ी लेहती।

2 कुरिन्थियों 12:6

छना कुचे अगर गेह घमण्ड लेह जुंज़ातग तांला गेह मुर्ख माह शोहग, छना कुचे हेले कोहग; पर गेह घेंङा बि झांह ठ्रोह घमण्ड लहच़िमी दोरच़ी रोकेक्च़ातग, झांह शुहबी मेस कि छना अच़िया गिह्बी खंड्रातोर या गिह्बी रेड्रातोर, गिह्बी दोबि ला बढ़कर ञेंहच़ी जूंस।

2 कुरिन्थियों 4:5

छना कुचे हेनर हेंदिंङ मशत, पर यीशु मसीह बि प्रचार लहज़ातंई, कि यीशु मसीह ए प्रभु शुह; दंङ हेंदु पाहठी दि कुट्रातंई कि ञेंरे यीशु वहज़ा ज़ि केहतु सेवक शुई।

2 कुरिन्थियों 6:4

पर हर इच्च़ा गप्पारिंङ ञेंहच़ी दि साबित लहज़ातंई कि हेनर परमेश्वरो सच्चा सेवक शुई। हेनर हेंदु रूठे गुण कंङे ते, दुख, मुसीबत, गरीबी ए दंङ महस मुसीबत ला मोह्ड़े हिम्मतारंङ साते सहन लहज़ातंई।

इफिसियों 1:9

परमेश्वरे एनोह हिटी ओ भेद हेंदु टोहकठे एनोह रूठे इरादो थल्जी प्रकट लहसी ततो, अंऊ दोई तुहई ए मसीहू दोरच़ी पूरा लहज़िमी ठानेगी च़रसी तहरे।

इफिसियों 6:19

दंङ केरे गिऊ थल्जी ला प्रार्थना लंहि अंऊ कुट्री मुक्का गिह्बी झांह बचन रंड्री जूंस कि, गेह याहब रंङ साते दू रूठे खबरो भेद कंज़े तरपोग।

कुलुस्सियों 2:2

गेह मेहनत दिऊ थल्जी लहतेग ताकि दोतु विशवास बणेक्पोतो दंङ दोरे दाह रंङ साते ऐनातु बिचंङ बणेंके बंङज़ोर, गेह जुंज़ातग कि दोतिंङ पूरा भरोसा शुहबी जूंस छना कुचे दोतिंङ परमेश्वरो गुप्त योजना ओ पूरा समझ तोह अंऊ ऐनाह ए मसीह तोह।

कुलुस्सियों 4:3

दंङ दिरंङ साते ए ञेंहतु थल्जी प्रार्थना लोहवा लंहि कि परमेश्वर हेंदु थल्जी प्रचार लहज़िमी मोका रमतो, कि हेनरे मसीहऊ दुह भेदो पाहठी समझाके तरपोंई, अतु वहज़ा ज़ि गेह कैदारिंङ तोतोग,

1 तीमुथियुस 3:16

दंङ दिरिंङ छल्ले शक माह कि हेंदु विशवासरिंङ पक्‍का भेद तोह, मसीह इच्च़ा मीहू रूपारिंङ प्रगट शुई, दंङ पवित्र आत्माज़ि दुह परमेश्वरो योह साबित लहरी, दंङ स्वर्गदूता ज़ि दुह तंङातेर, दंङ परमेश्वरे दुह स्वर्गंङ रैंज़ा शिली। चेलाज़ि भत्ते ठाहरिरिंङ दोऊ प्रचार लहरिर। दंङ संसारो मीहच़ी दोऊ टोहकठे विशवास लहरिर।

1 तीमुथियुस 3:6

दुह इच्च़ा पक्‍का विशवासी शुहबी जूंस, माह ता शुहबी तरपोतो कि दुह घमण्डी शुहचे योतो, दंङ दोबि दुह सज़ा खोकसोतो अंऊ शेतान बि खोकसते।

1 तीमुथियुस 3:9

पर दोऊ समझ साफ शुहबी जूंस, छना दोरे लगातार दुह सच्चाई ऊ शिक्षा ओ टोहकठे विशवास लहज़ातोर, अंऊ परमेश्वरे प्रगट लहसी ततो।

तीतुस 1:7

छना कुचे कलीसिया ओ मुख्या बि परमेश्वरो खज़ान्च़ीज़ि शुहबीरंङ साते बेकसूर शुहबी जूंस; माह ज़िद्दी, माह रोहष, माह पियक्कड़, माह मारपीठ लहज़ा, माह ढबाहो लालची शुहबी जूंस।

1 पतरस 4:10

हर इच्च़ा मीहबी परमेश्वरो दोरच़ी वरदान खोकसा तोह दंङ दोतिंङ दू वरदानो इस्तेमाल ऊईतु मदत लहज़िमी थल्जी लेह जूंशी तोह। दोतिंङ परमेश्वरो रूठे सेवको रूपा रिंङ एनोह वरदानो इस्तेमाल रूठे रंङ लहज़ी जूंशी तोह।