1 कुरिन्थियों 2:4 - लाहौली बाइबिल

⁴ दंङ गिऊ शिक्षा ए गिऊ प्रचार संसारिक ज्ञान ए लालचो गप्पा माह, पर पवित्र आत्माज़ि केतिंङ इच्च़ा सामर्थो शाक्ति रंङ साते कंङातो कि अंऊ खबर केतिंङ कंङातग दू हेले तोहई।

1 कुरिन्थियों 2:4 Iomraidhean Croise

प्रेरित 20:27

छना कुचे गेह केतिंङ दोहर भत्ते धिर कंङे चरच़ातग, अंऊ परमेश्वरे चेहच़ा कि केहच़ी ञेंहनि।

प्रेरित 26:28

दोहपल अग्रिप्पे पोलुसरंङ साते कुई, “छि केई गिह्बी थोड़े अरे समझाएक्ची रंङ साते केहच़ी गिह्बी मसीह बणाएषी थल्जी मज़बूर लेह जुंज़ातंई आ?”

रोमियो 15:13

गेह प्रार्थना लहज़ातग कि परमेश्वर अंऊ उम्मीदो दाता तोह, केतिंङ विशवास लहज़िमी भत्ते पाहठी खुशी ए शांति रंङ साते पिंङे च़रपोतो, कि पवित्र आत्माओ सामर्थो दोरच़ी केहतु उम्मीद बणेंके योतो।

रोमियो 15:19

पवित्र आत्माओ गिह्बी रांहषी सामर्थो दोरच़ी गेह अद्धभुत कम ए चमत्कार लहज़ातग झांह लेह अंऊर ला गेह यरूशलेम शहरो दोरच़ी इलिरिकुम प्रदेश तचेक अच़ा इलिग, गेह दोर भत्ते मीहतिंङ, यीशु मसीहू पाहठी रूठे खबर सुनाएतिग।

रोमियो 16:18

छना कुचे झांह ठ्रोह मीहरे हेंदु प्रभु मसीहू माह शुरे, पर एनोह फायदा ओ थल्जी सेवा लहज़ातोर; दंङ दिरे मीहरे मीठे-मीठे गप्पा लहज़ी सीधे-साधे सेहमो मीहतिंङ बहकाके चरच़ातोर।

1 कुरिन्थियों 1:17

छना कुचे मसीह गिह्बी बपतिस्मा रंड्रीमी थल्जी मशत, बल्कि रूठे खबर सुनाएच़िमी थल्जी चरच़ि शुगाह, दंङ अपेहल गेह रूठे खबरो प्रचार लहज़ातग दंङ गेह कुट्रीमी थल्जी संसारो गप्पो इस्तेमाल माह लहज़ातग माह ता मीहरे गिऊ टोईच़ी सिर्फ संसारिक ज्ञानो वहज़ा ज़ि विशवास लोहर, दंङ दोरे क्रूसो टोहकठे मसीहू मौतो सामर्थ माह ञेंहच़ार।

1 कुरिन्थियों 2:1

हे गिऊ प्यारे साथी विशवासी रे, अपेहल गेह परमेश्वरो पाहठी रूठे खबर सुनाच़ी केहतु कछंङ अतिगा, गेह मोह्ड़े-मोह्ड़े शब्दा तु इस्तेमाल माह लहरिगा, दंङ गेह समझदार शुहबिमी कोशिश ला माह लहरिग।

1 कुरिन्थियों 2:13

दंङ झांह लेह हेनर दि गप्पार ऊईतिंङ कंड्रातंई, दंङ हेनर दि शब्दा तु इस्तेमाल माह लहज़ातंई, अंऊ मीहतु ज्ञानो दोरच़ी खोकसा, पर हेनर दू शब्दा तु इस्तेमाल लहज़ातंई अंऊ परमेश्वरो आत्माओ दोरच़ी खोकच़ातंई, अंऊ आत्मिक ज्ञानो दोरच़ी आत्मिक गप्पा समझाएक्च़ा।

1 कुरिन्थियों 4:20

छना कुचे परमेश्वरो राज सिर्फ महसे गप्पा लहज़ी माह शुह; पर परमेश्वरो सामर्थो दोरच़ी श्रींङमी तोह।

2 कुरिन्थियों 6:6

पर ञेंहच़ी हेंदिंङ पवित्र तहसी तातंई, दंङ ज्ञानवान, सहनशीलता ए दाह कंज़े तोईरे। पवित्र आत्मो हाज़िरी ञेंहतंङ साते तोहई।

गलातियों 1:10

साफ तरीका रंङ, गेह मीहतिंङ खुश लहज़िमी कोशिश माह लहज़ातग, पर गेह बाह परमेश्वरा बि खुश लहज़ी तातग। अगर गेह एंतेग तचेक मीहतिंङ ए खुश लहज़ा शुचंङ ता गेह मसीहू सेवक माह शुचंङ।

कुलुस्सियों 2:4

दि गेह दिऊ थल्जी कुट्रातग, कि केतिंङ दोतु हप्सी शिक्षा रिंङ विशवास लहज़िमी थल्जी राजी लेह धोखा रंड्री माह जूंस।

1 थिस्सलुनीकियों 1:5

छना कुचे हेंदु यीशु मसीहू पाहठी रूठे खबर केहतु कछंङ माह सिर्फ कुट्री रंङ साते ए पर पवित्र आत्मो सामर्थे ए भत्ते याहबा रंङ अंजा कि दि रूठे खबर हेले शुह, केहच़ी ञेंच़ातंई कि अपेहल ञेंरे केतंङ साते तोईनी दंङ ञेंहच़ी केहतु भलाई ऊ थल्जी छना ठ्रोह जीवन श्रींङज़ातंई।

1 पतरस 1:12

पर परमेश्वरे दि भविष्यवक्ता तिंङ कंड्रिरी कि दोतु खबर दोतु एनातु थल्जी मशत पर केहतु थल्जी तोहई। दू खबर यीशु मसीहू पाहठी रूठे खबर शुह अंऊ केहच़ी हेंतेग रेड्रातंई। परमेश्वरे स्वर्गंङ ज़ि एनोह पवित्र आत्मा चरच़तो कि केतिंङ रूठे खबर प्रचार लहज़िमी थल्जी मीहतु मदत लोहतो। दि भत्ते धोंण अद्धभुत तोह कि देर तचेक कि स्वर्ग दूत कि स्वर्गदूत ला खुशी रंङ दि चीज़ा बि खंड्रातोर।

2 पतरस 1:16

अपेहल ञेंहच़ी प्रेरिता ज़ि केतिंङ हेंदु प्रभु यीशु मसीह सामर्थ ए वापिस अपिमी पाहठी कंङाते, दंङ ञेंरे केतिंङ चालाकी रंङ साते बणाशी दुह कथा माह कंड्रातंई। पर, ञेंहच़ी मसीहू महिमा हेंदु टिरे खांहषी तरेनि।

2 पतरस 2:18

अपेहल दोरे मीहतिंङ धोखा रंड्रातोर, दंङ दोरे शुह्के ए घमण्डो शब्दा तु इस्तेमाल लहज़ातोर। दोच़ी मीहतिंङ कंड्रातोर कि दोच़ी दुह षेह्द अपिमी जोगे कम लेह तरच़ातोर अंऊ दोतु फुक लेह जुंज़ा दंङ दोरे दुह मीहतिंङ यह्च़ा पाप लहज़िमी थल्जी भरमाके केट्रातोर, अंऊ हेंतेग-हेंतेग झांह ठ्रोह मदम कमो दोरच़ी बचेके हुंच़ा तोतोर।