1 कुरिन्थियों 12:3 - लाहौली बाइबिल

³ झांह लेह गेह जुंज़ातग कि केरे ञेंई च़रतुंई, कि अंऊ ला परमेश्वरो आत्माओ अगुवाईरंङ साते कुट्रा, दोई म कुट्रा कि यीशु शापित तोह; दंङ माह अरिया पवित्र आत्मा बे कुट्री तरपोतो कि, “यीशु ए प्रभु शुह।”

1 कुरिन्थियों 12:3 Iomraidhean Croise

मत्ती 22:43

दोई दोरे रूहकातो, “दंङ दाऊद आत्मारिंङ शुहचे दोबि प्रभु छिले कुट्रा?

मरकुसो 9:39

यीशुज़ि कुतोह, “दोबि मना थालांई; छना कुंई साते ता झांह अरीला मा अंऊ गिऊ मिन्दिंङ सामर्थो कम लहज़ा, दंङ युरनाह गिह्बी मांजी कुट्री तर्पोतो,

यहून्नो 13:13

केहच़ी गिह्बी गुरु ए प्रभु कुट्रातन, दंङ केहच़ी छि कुट्रातन दुह सही शुह छना कुचे गेह केहतु प्रभु ए गुरु शुगाह।

यहून्नो 13:14

अगर गेह प्रभु ए गुरु शुहचे केहतु कोंज़ा शुहल्ज़ातग; ता केतिंङ ला केनातिंङ नम्र लेह इदिऊ अईदिऊ कोंज़ा शुहल्ज़ी जूंस।

यहून्नो 15:26

गेह पिता परमेश्वरो दोरच़ी केहतु थल्जी इच्च़ा मदतगार च़रपोग। दुह अरी पवित्र आत्मा तोह दंङ अंऊ सच्चाई तोह दोबि प्रगट लाह। अपेहल दुह अपतो ता दोई केतिंङ गिऊ पाहठी कंबोतो।

प्रेरित 8:37

फिलिप्पुस ए कुंई, अगर कांह पूरे सेहम रंङ साते विशवास लहज़ा तोन ता बपतिस्मा लेहपच़ी तरपोन, दोई जुबाब रेंई, गेह विशवास लहज़ातग कि यीशु मसीह ए परमेश्वरो योह शुह।

रोमियो 10:9

उद्धारो थल्जी, अगर केई केनोह आहच़ि यीशु बि प्रभु ञेंए मीहतु तुईज़ी अंगीकार लोहन, कि परमेश्वरे दोबि सिमी दोरच़ी श्रींङमी लहरी, दंङ परमेश्वर पक्‍का ए कांह उद्धार लोहतो।

1 कुरिन्थियों 16:22

हे ञेंहतु प्रभु, अता।

2 कुरिन्थियों 11:4

अगर अरिया केहतु कछंङ अंज़े ते, ऊई अरिया यीशु प्रचार लोहतो, अतु प्रचार ञेंहच़ी माह लोहनि या ऊई छा आत्मा केतिंङ खोकसिरी; अंऊ तुहई खोकसी माह तोहई; या ऊई छा रूठे खबर अतिंङ केहच़ी तुहई मनेक्च़ी तातंई, केरे दू शिक्षा ग्रहण लहज़िमी थल्जी गलत तोतोंई।

2 कुरिन्थियों 3:5

हेंज़ी दि माह कुट्रातंई कि हेंदु कछंङ हेंदु दोरच़ी छा लहज़िमी काबलियत तोह; पर परमेश्वर हेंदिंङ दि काबलियत रंड्रा।

गलातियों 3:13

मसीह हेंदु थल्जी क्रूसो टोईच़ी सिए इलि दंङ दोई शाप एनोह टोहकठे कुरच़े हेंदिंङ मूसा ओ कानूनो शापो दोरच़ी मुक्त लेह च़रति। छना कुचे पवित्र शास्त्रारिंङ दि च़ेहसी तोह कि “शापित तोह दू अंऊ क्रूसो टोहकठे सच़ी चरच़ातोर।”

प्रकाशित वाक्य 1:10

गिह्बी आरामो ध्याड़ारिंङ अईतवारे अंऊ परमेश्वरो ध्याड़ा तोह गेह परमेश्वरो आत्मा च़ि एनोह वशारिंङ लहरी, दंङ गेह घेंङौ थल्जी ऊईतिंङ दि कुट्री रेड्रीगा, अंऊ सुरमेऊ ठ्रोह जोरे संङा सगरंङ साते दि कुट्राते,