1 कुरिन्थियों 10:4 - लाहौली बाइबिल

⁴ दू भत्ते ज़ि दू ए ती तुंङरिर, अंऊ परमेश्वरे दोतिंङ रंदे। दोच़ी इच्च़ा चट्टानो दोरच़ी हुंच़ा ती तुंङरिर, दंङ दू चट्टानो तुलना मसीह रंङ साते लहज़ातोर अच़ि दोतंङ साते बंङज़ा दोतिंङ जीवन रांई।

1 कुरिन्थियों 10:4 Iomraidhean Croise

यहून्नो 7:37

तम्बू त्याहरो योहसिमी ध्याड़ा रिंङ, अंऊ मोह्ड़े ध्याड़ा शुहबी, यीशु ज़ि खड़े शुहचे मीहतु हखा हाऊष रेंई कुंई, “अगर अरीया तिस्कररिंङ तोह ता गिऊ कछंङ अतंई दंङ तुंङ।

यहून्नो 4:14

पर अच़िला दुह तिऊ दोरच़ी तुंङमतो अंऊ गेह दोबि रामोग, दंङ दोबि अनंत जीवन तचेक तीस्कर माह अपतो; अंऊ ती गेह दोबि रामोग, दोऊ अंद्रेग दुह तिऊ मुर्ति शुहचे योतो अरी अनंत जीवन तचेक बहेक्एपोतो।”

यहून्नो 4:10

यीशु ज़ि दोबि जुबाब रेंई, “केई माह ञेंहच़ातन कि परमेश्वरे कनिंङ छि रंड्री ततो, दंङ केई माह ञेंहच़ातन कि अरी कांह दोरच़ी ती पेट्री लेहकी तोह। अगर कनिंङ पता शुंईयां ता केई गिऊ दोरच़ी दिह पेट्री तोहई दंङ गेह कनिंङ जीवनो ती रेंईयां अच़ि जीवन रंड्री।”

कुलुस्सियों 2:17

छना कुचे दि कानून सिर्फ इच्च़ा सिलमोग ठ्रोह तोह, पर पक्‍का सच्चाई ता मसीह शुह।

प्रकाशित वाक्य 22:17

परमेश्वरो आत्मा ए ब्याहुत्री जबाब रेंई, “अता!” अरिला दि सग रेड्रा, दोबि ला कुट्री जूंशी तोह, “अता!” अरिला तिस्करे तोह, दुह देर अपतो। दुह ती तुंङरेंई अंऊ दोई जीवन रंड्रा, अंऊ कि दुह भत्ते तिंङ मुफ्ता रिंङ खोकसा अंऊ दिबी तुंङमी तातोर।

इब्रानियों 10:1

मूसा ओ दोरच़ी रांहषी कानून सिर्फ दू रूठे चीज़ तु इच्च़ा सिलमोग शुह अंऊ भविष्य रिंङ अपिमी तोह, दि हेले माह। झांह लेह कानूनो अधीन बंङज़ा मीहरे हर साल इच्च़ा बराबर बलिदान चढ़ाएच़ा तोर, पर दि बलिदान दू मीहतिंङ अपेहल ला सिद्ध बणाके मरपोतो अंऊ परमेश्वरो अराधना लहज़िमी थल्जी दोऊ कछंङ अपातोर।

गलातियों 4:25

हाज़िरा सीने गोह बि दर्शाएच़ा अंऊ अरब देशा रिंङ तोह। दू तोंखी यरूशलेम शहरो ठ्रोह तोह अंऊ कि मीहरे मूसाओ कानूनो भाषे लहज़िमी दोरच़ी गुलाम तोतोर।