1 कुरिन्थियों 10:1 - लाहौली बाइबिल

¹ हे गिऊ प्यारे साथी विशवासी रे, गेह केतिंङ हिद दिलाएच़िमी तातग, कि बणारिंङ (सुनसान ठहरि) हेंदु बाह-मेमेतंङ साते महस तुहई छि शुह्ते परमेश्वरे दू भत्ते तु इच्च़ा डुह चरच़े अगुवाई लहरी अंऊ दोतु तुईज़ी-तुईज़ी जोवते, दंङ दू भत्तेतिंङ कारच़े धरतीऊ ठ्रोह षेह्ई समुंद्रो बिचंङ च़ि सही सलामत पार लहज़ी च़रति।

1 कुरिन्थियों 10:1 Iomraidhean Croise

यहून्नो 4:20

गिऊ सामरी बाह-मेमेर दिहे गोहू टोहकठे परमेश्वरो अराधना लहज़ातेर, दंङ केहरे यहुदी मीहज़ी कुट्रातंई कि अंऊर भजन लेही जूंशी तोह दुह ठहरि यरूशलेम शहरा रिंङ तोह।”

रोमियो 1:13

दंङ हे गिऊ प्यारे साथी विशवासी रे, गेह मा जुंज़ातग कि केहच़ी ञेंई च़रतेंई कि गेह घड़ी-घड़ी केहतु कछंङ अपिमी जुन्ज़ातेग, कि गेह छना ऊईजाति तु बिचंङ लहज़ातेग, ध्वांए केहतु बिचंङ ला लोहग, पर एंतेग तचेक दिरिंङ रूकावट ए अपाते।

रोमियो 11:21

छना कुचे अपेहल परमेश्वरे मुल ब्रन्ज़े तु टोहकठे दया माह लहरी, दंङ दू केहतु टोईच़ी ला दया माह लोहतो।

रोमियो 4:11

परमेश्वरे अब्राहमा बि तुहई ए स्वीकार लेह चरच़ाते दंङ दोबि धर्मी घोषित लेह च़रति, हालांकि हेंतेग तचेक दोऊ खतना शुहसी माह तोहई। खतना ओ चिन्ह स्वीकार लहज़िमी मोहर शुह। झांह लेह, दुह, दुह मीहतु आत्मिक बाह बणेंके तोह, अच़ि विशवास लहज़ा तोर, पर दोतु खतना शुहचे माह दोरे एनोह विशवासो दोरच़ी धर्मी शुहचे इलोर।

1 कुरिन्थियों 12:1

हे गिऊ प्यारे साथी विशवासी रे, गेह जुंज़ातग कि दू सवालो पाहठी अंऊ केहच़ी आत्मिक वरदाना तु पाहठी गेरंङ साते रूहक्सी तातंई, केरे रूठे रंङ समझेक्तुंई।

1 कुरिन्थियों 14:38

पर अगर दू गिऊ शब्दो टोहकठे विशवास माह लोहर, दंङ दोतु टोहकठे विशवास थालोहू।

गलातियों 3:29

छना कुचे केरे भत्तेर यीशु मसीह रिंङ इच्च़ा शुहचे इलजी तोतोंई, दंङ हेंतेग केरे अब्राहमो परिवारो हिस्सा शुई, दंङ केतिंङ भत्ते धिर खोकसोतो, अतु परमेश्वरे अब्राहमो हखा वाईदा लहसी तहरे।

इब्रानियों 11:29

विशवासो दोरच़ी ए इस्राएली मीहरे षेह्ई समुंद्रो नुरेच़ि झांह ठ्रोह अच़ा इलिरे, छना कि करचे धरतीऊ टोईच़ी जोज़ातेर; पर अपेहल मिस्त्र देशो सेना ध्वांए ठ्रोह इबि लेहतिर ता समुंद्रो ती तुहई कि ठ्रोह बहेच़ी लेहती दंङ दोतिंङ बहाके रैंज़ा शिली।