1 कुरिन्थियों 1:9 - लाहौली बाइबिल

⁹ परमेश्वर दि लोहतो, छना कुचे दू विशवासो जोगे तोह दंङ दोई छि कुट्रा दू ए लहज़ा, दंङ दोई केतिंङ एनोह योह, हेंदु प्रभु यीशु मसीह रंङ साते नाता तहज़िमी थल्जी बुलासी शुई।

1 कुरिन्थियों 1:9 Iomraidhean Croise

मत्ती 24:35

सर्ग ए धरती योह्सा योतो, दंङ गिऊ गप्पारे अपेहल योह्सोतो माह।

यहून्नो 17:21

कि दोरे भत्तेर इच्च़ा शुहबी जूंस; छना हे पिता परमेश्वर कांह गेरंङ तोतोन, दंङ गेह करंङ, ध्वांए दोरे ला हेन्दंङ शोहर, दिऊ थल्जी कि संसारो मीहरे विशवास लोहर कि केई ए गेह च़रसी शुगाह।

रोमियो 11:17

इस्राएलो मीहरे इच्च़ा रूठे जैतूनो बुटो ब्रन्ज़ो ठ्रोह तोह दंङ पूर्वज अब्राहम, इसहाक ए याकूब दू बुटो जड़ो ठ्रोह तोतोर। ऊई जाति बंणो जैतूनो बुटो ब्रन्ज़ेर शुरे, अंऊ कलम लहज़ी दू ट्रिक्शी ब्रन्ज़ेतु ठाहरिरिंङ दू बूटारिंङ लगाके च़रति, हेंतेग दू ब्रन दू जड़ो खुराको हकदार तोह।

रोमियो 8:28

दंङ ञेंहच़ी ञेंहच़ातोंई, कि अंऊ मीहरे परमेश्वर रंङ साते दाह लहज़ातोर, दोतु थल्जी भत्ते गप्पा ठ्रोहका शुहचे भलाई बि पैदा लहज़ा; मतलब दोतु ए थल्जी अंऊ परमेश्वरो हिटी हिसाबे अंङषी तोतोर।

रोमियो 8:30

दंङ अतु थल्जी परमेश्वरे तुहई इरादा लाहते दोतिंङ अंङे ला च़रति, दंङ अतिंङ अंङाते, दोतिंङ धर्मी घोषित लहरी, दंङ अतिंङ धर्मी घोषित लहरी, दोतंङ साते एनोह महिमा ला फाए च़रति।

रोमियो 9:24

चाहे यहुदी शुह या ऊईजाति, हेनर ए दू अंङषी मीह शुई।

1 कुरिन्थियों 1:30

पर परमेश्वरे केतिंङ यीशु मसीह रंङ साते इच्च़ा लेह च़रति, दंङ यीशु मसीहू दोरच़ी दोई हेंदिंङ एनोह ज्ञान रंड्रा। परमेश्वर हेंदिंङ एनोह नज़रारिंङ धर्मी ला साबित लहज़ा। यीशु मसीहू दोरच़ी हेनर पवित्र शुहचे तोंहि, दंङ दोई हेंदिंङ पापो दोरच़ी आज़ाद लेह च़रच़ा।

1 कुरिन्थियों 10:13

पाप लहज़िमी हिटी हेंदु भत्ते तु कछंङ ज़रुर अपा, पर परमेश्वर सच्चा तोह। दू केतिंङ झांह ठ्रोह परीक्षा रिंङ पढेक्पि माह रंड्रा, अंऊ केहतु सहन बे धकते तोह पर दू परीक्षारंङ साते बचेक्पिमी तरीका ला लोहतो कि केरे विशवासारिंङ पक्‍का शुहचे बंङज़ेंई।

1 कुरिन्थियों 10:16

अपेहल हेनर प्रभु भोज रिंङ इस्तेमाल शुचाह कोली ऊ दोरच़ी दाखो रस तुंङमातंई, अतु थल्जी हेंज़ी परमेश्वरा बि धन्यवाद लहज़ातंई, दंङ हेनर हेले रिंङ मसीहू शुहई रिंङ शामिल शुहचे य्वातंई। दंङ अपेहल हेनर रोटी खंणी लहज़ातंई दंङ दिबी ज़ोवातंई, दंङ हेनर हेले रिंङ मसीहू फुकारिंङ शामिल शवातंई।

2 कुरिन्थियों 1:18

छना ठ्रोह परमेश्वर सच्चा तोह, अंऊ ञेंहच़ी केतंङ साते कुट्रातंई दू हमेशा हेले तोह छना वोई ओ मतलब “वोई” दंङ “माह” ओ मतलब “माह” ए शुहबी।

गलातियों 2:20

गेह ञेंहनि मसीह रंङ साते क्रूसो टोईच़ी सिए इलिगा, एंतेग गेह श्रींङी माह केहश्रिगा। दंङ गेह फुका रिंङ एंतेग श्रींङी तोतोग; दंङ सिर्फ परमेश्वरो योह टोहकठे विशवास रंङ साते श्रींङे तोतोग, अंऊ दोई गेरंङ साते धोंण दाह लहज़ा कि गिऊ थल्जी एनोह जहान रें च़रति।

इफिसियों 3:6

भेद दि तोह कि यीशु मसीह रिंङ रूठे खबर दोरच़ी यहुदी तु ठ्रोह ऊईजाति ऊ मीहरे दू ए आशीष खोकपोरे, दंङ दोरे इच्च़ा ए फुको हिस्सा तोतोर, अंऊ परमेश्वरे यहुदी मीहतंङ साते लहसी तते।

कुलुस्सियों 1:24

दंङ हेंतेग गेह केहतु थल्जी अंऊ दुख सहन लहज़ातग दोऊ वहज़ा ज़ि खुश तोतोग। दंङ गेह लगातार घेंङौ फुको दुख सहन लहज़ातग, छना मसीह सहन लाहते, दंङ दि दुख गेह मसीहू कलीसियाओ थल्जी सहन लहज़ातग अंऊ मसीहू फुक शुह।

1 थिस्सलुनीकियों 2:12

ताकि केहतु चाल चलनो दोरच़ी परमेश्वराबि महस इज्ज़त खोकसोतो, अंऊ केतिंङ एनोह राज ए महिमारिंङ भागीदार शुहबिमी थल्जी बुलाएच़ा।

2 थिस्सलुनीकियों 2:14

परमेश्वरे केरे बचाएच़िमी रूठे खबरो थल्जी बुलासी ततो, अतु ञेंहच़ी केहतु बिचंङ प्रचार लहज़ातंई, ताकि केरे दुह महिमारिंङ शामिल शुहचे तरपोंई अंऊ परमेश्वरे हेंदु प्रभु यीशु मसीह बि रांहषी ततो।

2 थिस्सलुनीकियों 3:3

पर केरे परमेश्वरो टोहकठे पक्‍का विशवास लेह तरपोंई। दोई केरे पक्‍का लोहतो दंङ केहतु रक्षा लोहतो ताकि मांजी शेतान केहतु नुकसान लेह मरपोतो।

2 तीमुथियुस 1:9

अच़ि हेंदु उद्धार लहतो, दंङ हेंदिंङ पवित्र जीवन श्रींङमी थल्जी बुलासी शुई, दोई हेंदिंङ दिऊ थल्जी माह बुलाएक्तो कि हेंज़ी रूठे कम लाहतेन पर एनोह मकसद ए दुह मोह्ड़े दाह ओ हिसाबे बुलाएकते, अतु सकिम परमेश्वरे तुहई ए यीशु मसीह बि दि संसारारंङ च़रच़िमी दोरच़ी बणाकते।

2 तीमुथियुस 2:13

दंङ अगर हेनर मसीहू थल्जी वफादार माह बंङज़ोंई, तांला दुह हेंदु थल्जी वफादार बंङज़ोतो दुह हमेशा एनोह स्वभावो हिसाबे कम लहज़ा।

तीतुस 1:2

दिऊ नतीज़ा दि तोह कि, दोरे परमेश्वरारंङ साते अनंत जीवनो ओ थल्जी बंङज़िमी उम्मीद तहच़ातेर, छना कुचे परमेश्वर, अंऊ अपेहल ला हप्सी माह कुट्रा, संसारो रचना लहज़िमी तुहई वाईदा लाहते कि दोऊ मीहरे हमेशा ओ थल्जी श्रींङी बंङज़ोर।

इब्रानियों 10:23

हेंतेग हेनर बिना छा शक मेह हेंदु दू उम्मीद रिंङ अटल बंङज़ोंई, छना कुचे हेनर परमेश्वरो टोईच़ी दोऊ वाईदा पूरा लहज़िमी थल्जी विशवास लेह तरपोंई।

इब्रानियों 11:11

विशवासो दोरच़ी ए अब्राहमो मेच़ा सारा ज़ि यंङषी ते खोकटुंङ शुहबिमी सामर्थ खोकसिरी; छना कुचे दोबि पूरा भरोसा तोहई कि परमेश्वरे दू ए लोहतो अतु दोई वाईदा लहसी ततो।

इब्रानियों 2:17

झांह लेह यीशु थल्जी दि जूंशी तोहई, कि हेंदु ठ्रोह भत्ते गप्पा रिंङ बणेंके योतो, ताकि दुह परमेश्वरो तुईज़ी हेंदु दयालु ए विशवासो जोगे यहुदी महापुरोहित बणेक्पोतो। दोहपल दोई झांह ठ्रोह बलिदान चढ़ाके तरपोतो, अंऊ दोरच़ी मीहतु पाप श्ताह शुचि इबि।

इब्रानियों 3:1

झांह लेह, हे गिऊ प्यारे साथी विशवासी रे, केरे अंऊ स्वर्गा रिंङ दोरंङ साते शामिल शुहबिमी थल्जी बुलासी शुईं, मसीह यीशु टोईच़ी ध्यान रांही! दुह हेंदु थल्जी परमेश्वरो रूठे खबरो प्रेरित यहुदी महापुरोहित शुह।

इब्रानियों 3:14

अगर हेनर हेंदु तुहई कि विशवासा बि थल मुक्का तचेक पक्‍का बणाके तोहनि, दंङ हेनर मसीहू सहभागी शुहचे योंई।

इब्रानियों 6:18

दंङ देर यह्च़ा झुह्ट गप्पो ज़िकर तोह, इच्च़ा दोऊ वाईदा, दंङ अई दोऊ कसम, अंऊ अपेहल ला लेहक्सतो माह दंङ अतु पाहठी परमेश्वर अपेहल ला हप्सी कुट्री मरपोतो। झांह लेह अंऊ हेनर परमेश्वरो कछंङ सुरक्षा खोकसिमी थल्जी अंज़े शुहई दंङ अंऊ उम्मीद दोई हेंदिंङ रांहषी ततो, दोबि चुमज़ा बंङज़ा तोंहि, दंङ हेनर महस खुश तोतोंई।

1 पतरस 5:10

हेंतेग परमेश्वर अंऊ भत्ते तरीका रंङ मोह्ड़े दाह ए पिंङषा तोह, दोई हेंदिंङ यीशु मसीह रंङ साते हेंदु नाता ओ थल्जी स्वर्गा रिंङ दोऊ अनंत महिमा ओ थल्जी सहभागी शुहबिमी थल्जी हेनर अंङे च़रति। केहतु थोड़े टेमो दुख सहन लहज़िमी थल, परमेश्वर केतिंङ रूठे बणाके च़रपोतो ताकि केहतु अंदरेग ला छल्ले शुहबी मेस दंङ परमेश्वर केतिंङ पक्‍का लोहतो ताकि केहतु विशवास पक्‍का शोतो।

1 यूहन्ना 1:3

ञेंहच़ी यीशु मसीहू पाहठी छिल्ला ञेंहच़ी तंङातेंई या रेहशी तातंई दोऊ गवाही केतिंङ रंड्रातंई, झांह लेह कि ञेंतंङ साते केहतु संगति शुहबी जूंस। दंङ ञेंहतु दिह संगति बाह परमेश्वरा रंङ साते ए दोऊ योह यीशु मसीह रंङ साते तोह।

1 यूहन्ना 1:7

अगर हेनर सही तरीका रंङ जीवन श्रींङमोंई, छना परमेश्वर सिद्ध रूपा रिंङ हेले तोह ध्वांए हेनर ला हेलेरिंङ श्रींङमोंई, दंङ इदि-अईदिरंङ साते संगति तहज़ातंई। दंङ परमेश्वरो योह यीशु मसीहू शुहई हेन्दिंङ भत्ते पापो दोरच़ी शुद्ध लहज़ा।

1 यूहन्ना 4:13

दिरंङ ए ञेंहच़ी ञेंच़ातंई, कि हेनर दोरंङ बड़ेकी बंङज़ातंई, दंङ दुह हेन्दंङ; छना कुचे दोई पवित्र आत्मो दोरच़ी हेन्दिंङ रांहषी ततो।

प्रकाशित वाक्य 19:11

दंङ गेह स्वर्गा बि अलसी तंङरिगा, दोर्तिंङ गिऊ तुईज़ी छंङसी रहंङ तोह; दंङ दोऊ टोईच़ी इच्च़ा सवार तोह, अंऊ परमेश्वरो विशवासो जोगे ए सच्चा सेवक शुह; दंङ धर्मिक हिसाबे दोई दोऊ बैरीतु फेंसला लहज़ा दंङ दोतु खिलाप लड़ाई लड़ेक्पा।