1 कुरिन्थियों 1:7 - लाहौली बाइबिल

⁷ दिए वहज़ा तोह कि पवित्र आत्माज़ि केतिंङ दू भत्ते वरदान रांहषी ततो अतु केतिंङ ज़रूरत तोह, देर तचेक कि केरे हेंदु प्रभु यीशु मसीहू वापिस अपिमी थल्जी रूमज़ा तोतोंई।

1 कुरिन्थियों 1:7 Iomraidhean Croise

मत्ती 25:1

दंङ यीशुज़ि एनोह चेला तु हखा कुहतो, अपेहल गेह मीहू योह वापिस अपोग, दोहपल स्वर्र्गो राज दुह सा ब्याह माह लहसी मेच़मीतु ठ्रोह शोतो अरी मशाल कुरच़ा ब्याहू रंङ दोहई दोऊ ब्याहू दोर्तिंङ इलिरे।

लूको 12:36

दंङ केहरे दुह मीहतु ठ्रोह बणेक्तुंई अंऊ एनोह मालिको इंतज़ारंङ शुहबी कि गिऊ मालिक ब्याह ओ दोरच़ी अपेहल अपतो; दंङ छना ए दुह मालिके ठुक-ठुक लोहतो दंङ ध्वांए दोऊ थल्जी पेतंङ अल्ज़ी च़रतुंई दंङ दोऊ स्वागतो थल्जी तेयार तोहई।

लूको 17:30

गेह मीहू योहऊ अचानक यच़ाह वापिस अपिमी ध्याड़ारिंङ लाह ध्यांए शोतो।

रोमियो 8:19

छना कुचे भत्ते संसार मोह्ड़े उम्मीदा रंङ साते दू टेमाबि रूमज़ा तोह, अपेहल परमेश्वरे एनोह कटुरे प्रगट लोहतो।

रोमियो 8:23

सिर्फ धोंण ए मशत, पर हेनरे ला, अतिंङ शुहबिमी महिमा बे तुहई स्वादो रूपारिंङ पवित्र आत्मा बसेक्पा। एनोह अंदरेग ए अंदरेग क्रिम्बातोर। हेंतेग ञेंरे दू ध्याड़ा बि रुमज़ा तोतोंई अपेहल परमेश्वर हेंदिंङ एनोह गोद लेहपसी कटुतु रूपारिंङ भत्ते अधिकार रें च़रपोतो। मतलब हेंदिंङ खरकोई फुक रें हेंदु फुक आज़ाद लेह च़रपोतो।

1 कुरिन्थियों 4:5

झांह लेह अपेहल तचेक प्रभु दोबारा वापिस माह अपा दू मुक्का तचेक अतुला न्याय थालंही। छना कुचे प्रभु साफ तरीका रंङ साते दू भत्ते विचार कम्बोतो, अंऊ मीहतु अंदरेग तोह, अतु पाहठी ऊई अच़िला माह ञेंओर। दू दोतु इरादा बि प्रगट लोहतो अंऊ दोतु सेहमरिंङ तोह, दोहपल परमेश्वरे दोतु षटणा शोतो।

2 कुरिन्थियों 12:13

केरे अंऊ गप्पारिंङ ए ऊई कलीसिया बे कम तोईनी, सिर्फ इच्च़ा ए गप्पो थल्जी अंऊ गेह ऊई कलीसिया तंङ साते लाहतग दंङ केतंङ साते माहलग, गेह केहतु दोरच़ी घेंङौ ज़रुरतो थल्जी ढबाह माह पेट्रातग, केहतु दि सोचेक्सी गलत शुह कि गेह झांह लहच़ी केहतु विरोधा रिंङ गलत लहरिग।

गलातियों 5:5

गेह झांह कुट्री तरच़ातग छना कुचे हेंदिंङ पवित्र आत्माओ दोरच़ी पूरा भरोसा तोह कि परमेश्वर हेंदिंङ धर्मी रूपारिंङ ग्रहण लोहतो छना कुचे हेनर यीशु मसीहू टोहकठे विशवास लहज़ातंई।

फिलिपियों 3:20

पर हेंदु देश स्वर्ग शुह, दंङ हेनर हेंदु उद्धार लहज़ा प्रभु यीशु मसीहू स्वर्गंङ ज़ि वापिस अपिमी थल्जी रुमज़ा तोतोंई।

कुलुस्सियों 3:4

अपेहल मसीह अंऊ केतिंङ खरकोई जीवन रंड्रा, दि धरतीऊ टोहकठे वापिस अपतो, दंङ केरे लाह अपोंई दंङ दोऊ महिमारिंङ सहभागी शोंई।

1 थिस्सलुनीकियों 1:10

दंङ दोच़ी कुट्रातोर कि केरे छना परमेश्वरो योह स्वर्गो दोरच़ी वापिस अपिमी उम्मीद लहज़ातंई, अतिंङ परमेश्वरे सिऊ दोतु बिचंङ श्रींङमी लहरी, मतलब यीशु बि, अंऊ हेंदिंङ परमेश्वरो दुह न्यायो दोरच़ी बचाएच़ा अंऊ अपिमी तोह।

2 थिस्सलुनीकियों 1:7

अंऊ दुख केहच़ी हेंतेग सहन लहज़ी लेहकी तोतोंई, केतिंङ ए अंऊ ञेंतिंङ तस्सली रमतो, दि दुह मुक्का शोतो अपेहल प्रभु एनोह सामर्थी दूतातंङ साते, महस मेहू बिचंङ स्वर्गो दोरच़ी अपतो।

2 तीमुथियुस 4:8

दंङ हेंतेग जीतो दुह मुकुट गिऊ थल्जी रुमज़ा, छना कुचे गेह घेंङौ जीवनो दोरच़ी परमेश्वराबि खुश लहतेग। प्रभु अंऊ धर्मिकताओ कम रंङ साते भत्ते मीहतु न्याय लहज़ा दुह, दुह ध्याड़ा गिह्बी दुह मुकुट रमतो अपेहल न्याय लहज़िमी थल्जी दोबारा अपतो पर दुह गिह्बी ए मशत पर दोतिंङ भत्ते दि ईनाम रमतो अंऊ दोऊ यह्च़ा अपिमी थल्जी रुमज़ा तोतोर।

तीतुस 2:13

हेनर झांह ठ्रोह व्यवहार लोंहि कि अपेहल हेनर उम्मीदा रंङ साते दुह अद्धभुत ध्याड़ा बि रुमज़ा तोंई, अपेहल यीशु मसीह अंऊ हेंदु मोह्ड़े परमेश्वर ए उद्धारकर्ता शुह, एनोह भत्ते महिमा रंङ साते धरती ऊ टोहकठे प्रगट शोतो।

इब्रानियों 9:28

ध्वांए ठ्रोह, मसीह ला भत्ते मीहतु पाप बि एनोह टोईच़ी कुरच़ा इच्च़ा फेरा बलिदान शुहचे इलि। अपेहल दू दोबारा अपतो दू मुक्का दू पापो थल्जी बलिदान शुहबी मशत पर दोतिंङ बचाएच़िमी थल्जी अपतो अंऊ दोबि रुमज़ा तोतोर।

1 पतरस 1:13

झांह लेह, केरे मीहरे सोचेक्सिमी थल्जी तेयार शुचि इलांई। खबरदार बंङज़ुंई दंङ केनातु उम्मीद पूरा ठ्रोह दुह मोह्ड़े दाह ओ टोईच़ी लगाके तंही, अंऊ यीशु मसीहू प्रकट शुहबिमी मुक्का केतिंङ खोकसोतो।

1 पतरस 4:13

बस दिऊ पाहठी खुश तोईनी, कि केरे मसीहू दुखारिंङ सहभागी शुहचे तोईनी। झांह लेह, अपेहल मसीह भत्ते मीहतिंङ एनोह महिमा प्रगट लहज़िमी थल्जी यह्च़ा अपतो दंङ केहतु खुशी हेले रिंङ बणेंके योतो।

1 पतरस 5:4

अपेहल यीशु मसीह, दुह हेंदु मोह्ड़े पोहाल ए शुह, यह्च़ा वापिस अपतो, दोई केतिंङ इच्च़ा ईनाम रमतो, अंऊ अपेहल ला खराब माह शोतो।

2 पतरस 3:12

छना कि केरे दुह ध्याड़ा बि रुमज़ा तोतोंई अपेहल परमेश्वर संसारो न्याय लहज़िमी थल्जी अपतो, दंङ दुह ध्याड़ो युरनाह अपिमी थल्जी केनातु तरफे पुरे कोशिश लंहि। दुह ध्याड़ा, मेह भड़केगी योतो दंङ सर्गा बि नाश लेह च़रपोतो, दंङ दोऊ ठ्रोत सर्गा रिंङ भत्ते धिर रोह्चे च़रपोतो।

1 यूहन्ना 3:2

हे गिऊ प्यारे साथी विशवासी रे, हेंतेग हेनर परमेश्वरो कटुरे शुहचे तोनि, दंङ हेंतेग तचेक दिह प्रगट शुहचे माह कि हेनर छना शोंई! ञेंहच़ी दिह ञेंच़ातंई कि अपेहल यीशु मसीह प्रगट शोतो ता हेनर लाह दोऊ ठ्रोह शुहचे योंई, छना कुचे हेंज़ी दुह ध्वांए ए खमोंई छना दुह तोह।

यहूदा 1:21

केनातु थल्जी परमेश्वरो दाह महसूस लोहवा लंहि। अपेहल कि केरे हेंदु प्रभु यीशु मसीहू दि उम्मीदा रंङ साते इंतज़ार लहज़ातंई कि केतिंङ अनंत जीवन खोकसोतो। दोई झांह पक्‍का ए लोहतो छना कुचे दोई केतंङ साते दाह लहज़ा।