1 कुरिन्थियों 1:6 - लाहौली बाइबिल

⁶ दू खास वरदान अंऊ दोई केतिंङ रांहषी ततो दि साबित लहज़ातोर कि यीशु मसीहू पाहठी रूठे खबर हेले शुह।

1 कुरिन्थियों 1:6 Iomraidhean Croise

मरकुसो 16:20

दोऊ थल प्रभु यीशु ऊ चेलाज़ि दोहरची इलजी भत्ते ठाहरीरिंङ रुठे खबर सुनाएची लेहतिर। दंङ प्रभु यीशुज़ि दोतु दोहरची हेरानी ऊ कम लहज़ातेर। झांह लेह मीहतिंङ पता लेहती कि रुठे खबर सच्चे शुह। आमीन। (ध्वांए शुहबी जूंस)

प्रेरित 11:17

दिऊ थल्जी अपेहल परमेश्वरे दोतिंङ ला दुह ए दान रेंई अंऊ ञेंतिंङ प्रभु यीशु मसीहू टोहकठे बिशवास लहज़िमी दोरच़ी खोकसी तोह; ता गेह अरी तोईगा अंऊ परमेश्वर बि चेहच़े तरच़ातेग?”

प्रेरित 11:21

दंङ प्रभु ऊ सामर्थ दोतु टोईच़ी तोहई, दंङ महसे ऊईजाति ऊ मीहज़ी दोतु रूठे खबरो टोईच़ी बिशवास लहरिर दंङ दोरे यीशु मसीहू हखा किरच़ा इलिर।

प्रेरित 18:5

अपेहल सीलास ए तीमुथियुस मकिदुनिया प्रदेशंङ ज़ि बिरिया शहरो ज़ि कुरिन्थस शहरा रिंङ अतिरे, दोहपल पोलुसे तम्बू बणाएट्रिमी कम बंद लेह चरच़ाते दंङ पोलुस बचन सुनाएच़िमी धुना रिंङ यहुदी तिंङ गवाही रंड्री लेह्की तोहई कि यीशु ए मसीह शुह।

प्रेरित 20:21

गेह यहुदी मीहरे ए ऊईजाति मीहतिंङ शिक्षा रेंईगा, दुह भत्ते तंङ साते कुईगा कि दोरे एनोह पापो दोरच़ी सेहम किरच़ी च़रतुंई, दंङ ञेंहतु प्रभु यीशु मसीहू टोईच़ी विशवास लंहि।

प्रेरित 20:24

पर गिह्बी दि गप्पो छल्ले फर्क माह पढेक्पा, कि मीहच़ी गिह्बी घाह केट्रातोर, अगर गेह तुहई बेहच़ी दुह कम पूरा लोहग अंऊ प्रभु यीशु ज़ि गिह्बी लहज़िमी थल्जी कुहषी ततो। दोई गिह्बी मीहतिंङ रूठे खबर सुनाएच़िमी थल्जी अंङषी ततो। परमेश्वरे हेंदु थल्जी दुह कम लहज़ा हेंदिंङ बचाएच़ा अंऊ दोऊ हेनर जोगे माह तोईनि।

प्रेरित 22:18

गेह यीशु दर्शन खंणीगा अच़ि गिऊ हखा कुट्री लेहती, युरनाह लोह दंङ यरूशलेम शहरंङ च़ि युरनाह अच़ा इला; छना कुचे अंऊ मीहरे देर्तिंङ तोतोर, गिऊ पाहठी कांह गवाही माह मनेक्पोर।

प्रेरित 23:11

दू ए रातारिंङ प्रभु यीशु ज़ि पोलुस कछंङ खड़े शुहचे कुई, “हे पोलुस, याहऊ तौऊ; छना कुचे, छना ठ्रोह केई यरूशलेम शहरंङ गिऊ गवाही रांहषी तातन, ध्वांए कनिंङ रोम शहरारिंङ ला गवाही रंड्री लेह्पोतो।”

प्रेरित 28:23

दोहपल दुह यहुदी ज़ि पोलुसो थल्जी इच्च़ा ध्याड़ा ठहराति। दुह ध्याड़ा महस मीहरे दोऊ ठहरि ठ्रोहका शुहचे इलिर, दंङ पोलुस मुंजे बेहच़ी योंकले तचेक परमेश्वरो राजो पाहठी गवाही रंड्री लेहती, दंङ मूसाऊ कानूने ए भविष्यवक्तातु कताबंङ ज़ि यीशु पाहठी रूठे रंङ कंड्री लेहती।

रोमियो 15:19

पवित्र आत्माओ गिह्बी रांहषी सामर्थो दोरच़ी गेह अद्धभुत कम ए चमत्कार लहज़ातग झांह लेह अंऊर ला गेह यरूशलेम शहरो दोरच़ी इलिरिकुम प्रदेश तचेक अच़ा इलिग, गेह दोर भत्ते मीहतिंङ, यीशु मसीहू पाहठी रूठे खबर सुनाएतिग।

2 कुरिन्थियों 12:12

सच्चा प्रेरिता तु लक्षण ला केहतु बिचंङ भत्ते पाहठी ओ धीरज़ रंङ साते निशानी, दंङ अद्धभुत कम, ए सामर्थो कमो दोरच़ी कंड्रिरी।

गलातियों 3:5

परमेश्वर महस रंङ साते केतिंङ पवित्र आत्मा रंड्रा। दंङ केतिंङ चमत्कार ला लहज़ा, छि दि दिऊ पाहठी तोह कि केहच़ी मूसा ओ कानूनो भाषे लहज़ातंई, या दि दिऊ पाहठी तोह कि केहच़ी मसीहू रूठे खबर थाशातेंई दंङ दोऊ टोहकठे विशवास लहज़ातंई।

2 थिस्सलुनीकियों 1:10

दि दुह ध्याड़ा शोतो, अपेहल प्रभु यीशु मसीह एनोह मीहतु बिचंङ महिमा खोकसिमी ए दुह भत्ते विशवासी तु बिचंङ हेरान लहज़िमी थल्जी अपतो; केरे ला दि मंडली रि ठ्रोहका शोंई छना कुचे केहच़ी दुह खबरो टोहकठे विशवास लहज़ातंई अंऊ दुह ञेंहच़ी केतिंङ दोऊ पाहठी कंङाते।

1 तीमुथियुस 2:6

अच़ि पाप ए सिमी शाक्ति ओ दोरच़ी भत्ते मीह तिंङ आज़ाद लेह च़रच़िमी थल्जी एनाबि बलिदान लेह केहई दोऊ मौतो दोरच़ी, परमेश्वरे ठीक टेमारिंङ दि सबूत रें च़रति कि दुह भत्ते मीहतिंङ बचाएच़ी जुंज़ा।

2 तीमुथियुस 1:8

झांह लेह ऊई मीहतिंङ हेंदु प्रभु यीशु मसीहू पाहठी कंड्रिमी शर्मिन्दा था शुई, दंङ माह ए कनिंङ दि गप्पो दोरच़ी षेहपि जूंस कि गेह परमेश्वरो सेवा लहच़िमी रंङ साते कैदारिंङ तोतोग। पर कनिंङ दुह सामर्थो इस्तेमाल लेह जूंशी तोह अंऊ परमेश्वर कनिंङ रंड्रा, दंङ रूठे खबरो थल्जी गेरंङ साते दुखा रिंङ साथी शुई।

प्रकाशित वाक्य 1:2

झांह लेह, गेह दुह भत्ते धिर चेआतग अंऊ गेह तंङातग। गेह दि लेख रिंङ परमेश्वरो वचन ए सच्चाई ओ शिक्षा चेआतग अतु जानकारी गिह्बी यीशु मसीह रांहषी ततो।

प्रकाशित वाक्य 1:9

“गेह यूहन्ना, केहतु साथी विशवासी, दंङ यीशु रंङ साते केहतु एकता ओ वहज़ा ज़ि गेह केतंङ साते परमेश्वरो राज रिंङ, दुखा रिंङ, दंङ दुह सहन लहज़िमी शाक्ति रिंङ सहभागी तोतोग, गिह्बी पतमुस टापूरिंङ कैदी बणाके चरच़ि छना कुचे परमेश्वरो खबर ए यीशु दोरच़ी प्रगट लहसी सच्चाई ओ प्रचार लहज़ा।”

प्रकाशित वाक्य 12:11

“हेंदु विशवासी ज़ि शेतान यहरच़े चरच़तो। दोच़ी दोबि कुरच़ो शुहई दोरच़ी यहरच़े चरच़तो, अंऊ दोतिंङ दोतु पापो दोरच़ी छुड़ाएच़िमी थल्जी सिए इलि। दोच़ी दोबि यहरच़े च़रतिर छना कुचे दोच़ी दि अंगीकार लेह जारी तहरिर कि दोतु कुरच़ा परमेश्वर तोहई। हालांकि दोतिंङ सताच़ी ला शुह देर तचेक कि सच़ी ला च़रतिर, पर दोरे एनोह दुह अंगीकारो दोरच़ी थलका माह शुईरे।”

प्रकाशित वाक्य 12:17

दोहथर अजगर महसे रोषेक्च़ा इलि। झांह लेह दोई मेच़िमी ओ खानदानो थल्जी लड़ाई ओ घोषणा लहरी। मतलब दुह मीहतु खिलाप अंऊ परमेश्वरो हुकुमो भाषे लहज़ातोर दंङ यीशु दोरच़ी सिखाएसी शिक्षारे हिद लहज़िमी थल्जी पक्‍का शुहचे बंङज़ातोर।

प्रकाशित वाक्य 19:10

अपेहल गेह रेड्रीगा ता गेह दुह मीहू तुईज़ी कोंङा शुहचे इलिगा अंऊ गेरंङ साते गप्पा लहज़ी लेहकी तोहई, छना कुचे गेह दोऊ अराधना लहज़ातेग। दोई गिऊ हखा कुई, “गिऊ अराधना थालोहू। परमेश्वरे ए तोह अतु कनिंङ अराधना लेह जूंशी तोह। छना कुचे गेह ला ध्वांए इच्च़ा परमेश्वरो सेवक शुगाह, छना काह तोतोन दंङ ध्वांए छना इच्च़ा ए अंगीकार लहसी कनु भत्ते साथी विशवासी तोतोर, अंऊ दोच़ी ञेंहच़ातोर कि यीशु ए दोतु प्रभु शुह। दिए सच्चाई अंऊ यीशु ज़ि प्रगट लहसी ततो, दोबि घोषणा लहज़िमी थल्जी पवित्र आत्मा मीहतिंङ दोऊ जोगे बणाएच़ा।”

प्रकाशित वाक्य 6:9

अपेहल कुरच़े पांचवीं मुहर युप्ति, दंङ गेह वेदी ऊ योंहने च़ि खंईगा, दोर दुह मीहतु आत्मा तोहई अंऊ सच़ी च़रसी तोईरे छना कुचे दोच़ी परमेश्वरो वचन प्रचार लहसी तरेर दोच़ी यीशु बि प्रभु कुचे गवाही रेंईर।