1 कुरिन्थियों 1:5 - लाहौली बाइबिल

⁵ मतलब दि कि केहतु मसीह रंङ साते इच्च़ा शुहबिमी वहज़ा ज़ि परमेश्वरे केतिंङ दू भत्ते महसे रंङ साते रांहषी ततो अतु केतिंङ ज़रूरत तोह। खास लहज़ी, दोई केतिंङ परमेश्वरो खबर ए एनोह बचनो ज्ञान ऊईतिंङ कंड्रिमी थल्जी महस पाहठी आत्मिक वरदान रांहषी ततो।

1 कुरिन्थियों 1:5 Iomraidhean Croise

प्रेरित 2:4

दंङ दोरे भत्ते पवित्र आत्मा रंङ साते पिंङषा इलिर, दंङ छना पवित्र आत्माज़ि दोतिंङ कुट्रिमी वरदान रेंई, दोऊ दोरच़ी दोरे ऊहई-ऊहई भाषा कुट्री लेहतिर।

रोमियो 11:12

झांह लेह अगर इस्राएलो मीहतु अविश्वास ऊईजाति तु मीहतु भलाई वहज़ा बणेक्पा, दंङ इस्राएलो मीहतु परमेश्वरो कछंङ यहच़िमी थल्जी ऊई जाति ओ दोतिंङ महस रूठे शुचि शोतो।”

रोमियो 15:14

हे गिऊ प्यारे साथी विशवासी रे, गिह्बी पूरा विशवास तोह कि, केरे भलाई रंङ साते पिंङे तोंई दंङ केहच़ी दि रूठे रंङ ञेंच़ातंई कि केतिंङ छि लेह जूंशी तोह। दंङ इदि-अईदि बि सिखाएच़ा लोह।

रोमियो 15:4

अंयों गप्पा तुहई बेहच़ी पवित्रशास्त्रारिंङ च़ेहसी तोह, दू हेंदु ए शिक्षा ओ थल्जी च़ेहसी तोह, ताकि हेनर धीरज़ ए पवित्रशास्त्रो दोरच़ी छि याहब ओ दोरच़ी उम्मीद लोंहई, कि पवित्रशास्त्रे छि वाईदा लाहते, दू पूरा लोहतो।

1 कुरिन्थियों 12:10

अतिंङ आ सामर्थो कम लहज़िमी वरदान; दंङ रें तिंङ भविष्यवाणी लहज़िमी वरदान, दंङ रें तिंङ आत्मा परखेक्च़िमी वरदान, दंङ रें तिंङ महसे पाहठी भाषा कुट्रीमी वरदान; दंङ रें तिंङ भाषा ओ अर्थ कंड्रिमी वरदान रंड्रा।

1 कुरिन्थियों 12:8

छना कुचे परमेश्वरो आत्मा इच्च़ा मीह बि बुद्धिऊ गप्पारे कुट्रीमी वरदान रंड्रा, दंङ दू ए आत्मा ऊईतिंङ ज्ञानो गप्पा कुट्रीमी वरदान रंड्रा।

1 कुरिन्थियों 13:2

दंङ अगर गेह भविष्यवाणी लेह तरपोग, दंङ भत्ते भेद ए भत्ते पाहठी ज्ञान समझेक्पोग, देर तचेक कि अगर गिह्बी परमेश्वरो टोईच़ी पूरा विशवास तोह कि गेह गोह बि थलका लेह तरपोग, दंङ ऊईतिंङ साते दाह माह तहज़ातग, दंङ गेह छल्ले माह शुगाह।

1 कुरिन्थियों 13:8

दू टेम अपतो अपेहल मीहरे परमेश्वरो खबरो प्रचार माह लोहर, या ऊई पाहठी भाषा माह कोहर, दंङ परमेश्वरो पाहठी डुह्गे ज्ञानो वरदान ए परमेश्वरो रूठे खबरो प्रचार लहज़िमी काबिलियत अधूरे तोह।

1 कुरिन्थियों 14:26

हे गिऊ प्यारे साथी विशवासी रे, रेड्रुंई, छि लहच़ी जूंस? अपेहल केरे अराधना ओ थल्जी ठ्रोका शवातंई, दंङ केहतु बिचंङ अरिया ता गीत कुट्रा, शवातोंई, दंङ रैहच़ी उपदेश रंड्रातंई, अरिया एनोह टोहकठे प्रगट लहसी हेले कंड्रा, अरिया शत्‌ह भाषारिंङ गप्पा लहज़ा दंङ रैहच़ी दोऊ अनुवाद लहज़ातोर; दि भत्ते गप्पो मकसद दि शुहबी जूंस कि कलीसिया बि विशवासरिंङ पक्‍का शुहबिमी थल्जी मदत लेह तरपोर।

1 कुरिन्थियों 8:11

झांह लेह कांह ज्ञानो ओ दोरच़ी अंऊ विशवासी न्वा विशवासरिंङ कमज़ोर तोह दू मसीह रिंङ विशवास लहज़ी बन्द लेह केओतो, अतु थल्जी यीशु मसीह ज़ि एनाबि बलिदान लेह च़रति।

2 कुरिन्थियों 4:6

झांह लेह कि परमेश्वरे कुहते, “हंयारो दोरच़ी छंङी चमकेक्पोतो,” दंङ परमेश्वरे छंङी ठ्रोह हेंदु सेहमरिंङ समझ रें च़रति, ताकि हेनर परमेश्वरो महिमा बि खंड्री तरपोंई अंऊ यीशु मसीह रिंङ प्रगट शवाह।

2 कुरिन्थियों 6:10

हेंदु कछंङ हेंदु टेम तोहई, पर हमेशा खुश बंङज़ातंई। हेनर कंगाल तोतोंई, पर महस मीहतिंङ आत्मिक तरीका रंङ साहुकार बणाके चरच़ातंई। हेनर झांह तोतोंई कि हेंदु कछंङ छल्ले माह, तांला हेंदु कछंङ भत्ते धिर तोह।

2 कुरिन्थियों 8:7

पर छना भत्ते गप्पारिंङ मतलब विशवास, बचनो प्रचार लहज़िमी थल्जी, ज्ञान ए भत्ते पाहठी ओ कोशिशो थल्जी, दंङ दू दाह रिंङ, अंऊ हेंदंङ साते तहज़ातंई, बढ़ेक्पा लाहतंई, ध्वांए गरीब विशवासी ओ थल्जी दि दानो कम रिंङ बढ़ेक्पा लंहि।

2 कुरिन्थियों 9:11

केरे भत्ते पाहठी आशीषित शोंई, दंङ झांह लेह केरे हमेशा सेहमे रंड्रीमी जोगे शोनि। दंङ अपेहल केहतु उदारता रंङ साते रांहषी दान बि ज़रूरतमंद मीहतिंङ रमोर, दंङ दोरे मीहरे परमेश्वरो धन्यवाद लोहर।

इफिसियों 1:17

गेह प्रार्थना लहज़ातग कि परमेश्वर हेंदु प्रभु यीशु मसीहू महिमामय बाह, केतिंङ पवित्र आत्मा रमतो, अंऊ केतिंङ बुद्धिमान बणाके च़रपोतो दंङ परमेश्वरा बि केहतु टोहकठे प्रगट लोहतो, ताकि केहच़ी दू ञेंई तरपोंई।

इफिसियों 2:7

परमेश्वर झांह दिऊ थल्जी लहरी ताकि अंजा ध्याड़ा रिंङ दू संसारो मीहतिंङ कंङे तरपोतो कि दोऊ मोह्ड़े दाह अंयों महान तोह। छिल्ला धिर दोई ञेंहतु थल्जी लहरी ञेंतिंङ दि मोह्ड़े दाह कंङातो अंऊ मसीह यीशु ऊ एकता रिंङ तोतोर।

इफिसियों 3:8

गेह परमेश्वरो भत्ते मीहतु बिचंङ कवचि शुगाह, पर परमेश्वरो मोह्ड़े दाह गिऊ टोहकठे शुई, कि गेह ऊईजाति मीहतिंङ मसीहू महसे आशीषो पाहठी रूठे खबर सुनाएपोग। दि आशीष अंऊ मसीहू दोरच़ी खोकसा, दुह मीहतु समझ बे धकते तोह।

इफिसियों 6:19

दंङ केरे गिऊ थल्जी ला प्रार्थना लंहि अंऊ कुट्री मुक्का गिह्बी झांह बचन रंड्री जूंस कि, गेह याहब रंङ साते दू रूठे खबरो भेद कंज़े तरपोग।

फिलिपियों 1:9

दंङ गेह दि प्रार्थना लहज़ातग, कि इदि-अई दिऊ थल्जी केहतु दाह, सच्चाई ओ ज्ञान ए दंङ भत्ते पाहठी विचार ऊई ला बेहसा लोहतो,

कुलुस्सियों 2:3

छना कुचे दुह, दुह ए शुह अच़ि परमेश्वरो बुद्धि ए ज्ञानो पहचान लहज़ा अंऊ दुह, दुह ब्याके खज़ानो ठ्रोह तोह अंऊ ब्याके तोहई।

कुलुस्सियों 3:10

दंङ हेंतेग केहच़ी खरकोई स्वाभाव धारण लेह केहतंई, दिह खरकोई स्वाभाव महसे बे महसे एनोह सिरजनहारो ठ्रोह शुहबी लेहकी तोह दंङ दोबि रूठे रंङ समझेक्पोतो।

याकूब 3:13

केहतु बिचंङ ज्ञानवान ए समझदार अरि तोह? अगर केरे तोतोंई ता, केतिंङ दि रूठे जीवन श्रींङमी रंङ साबित लेह जूंशी तोह दंङ भत्ते नम्रता रंङ साते अंऊ केहतु ज्ञान बुद्धि रंङ साते अपा रूठे कमो दोरच़ी साबित लेह जूंशी तोह।

2 पतरस 3:18

पर केतिंङ हेंदु प्रभु ए उद्धारकर्ता यीशु मसीहू मोह्ड़े दाह बि ऊई महसे बे महसे महसूस लेह जूंशी तोह, दंङ दोऊ थल्जी हेंदु समझा रिंङ बढ़ेक्पि जूंशी तोह। दोऊ महिमा हेंतेग हमेशा थल्जी शुहबी जूंस। अमीन।