1 कुरिन्थियों 1:4 - लाहौली बाइबिल

⁴ गेह केहतु पाहठी घेंङौ परमेश्वरो धन्यवाद हमेशा लहज़ातग, छना कुचे दोई केतिंङ यीशु मसीह रंङ साते केहतु एकता ओ वहज़ा ज़ि महस आशीष रांहषी ततो।

1 कुरिन्थियों 1:4 Iomraidhean Croise

मत्ती 19:11

यीशुज़ि दोतंङ कुहतो, “भत्तेज़ि दिह वचन ग्रहण लेहई मरच़ि सिर्फ दोतिंङ ए अतिंङ दिह दान परमेश्वरो दोरच़ी खोकसी तोह।

यहून्नो 10:30

गेह ए गिऊ पिता परमेश्वर इच्च़ा शुई।”

यहून्नो 14:14

अगर केहच़ी गिऊ मिन्ज़ी छा पेट्रोनी ता गेह दुह लोहग।

यहून्नो 14:16

दंङ गेह पिता परमेश्वरारंङ साते बिनती लोहग, दंङ दोई केहतु थल्जी हमेशा साते बंङज़ा इच्च़ा मदतगार बि रमतो।

यहून्नो 14:26

पर केहतु मदतगार मतलब दुह पवित्र आत्मा अतिंङ पिता परमेश्वरे गिऊ अधिकारंङ च़रपोतो, दुह पवित्र आत्मा ए केतिंङ भत्ते गप्पा सिखाएपोतो, दंङ छिला धिर गेह केतंङ साते कुहषी तातग, दुह भत्ते धिर केतिंङ हिद दिलाएपोतो।”

यहून्नो 15:26

गेह पिता परमेश्वरो दोरच़ी केहतु थल्जी इच्च़ा मदतगार च़रपोग। दुह अरी पवित्र आत्मा तोह दंङ अंऊ सच्चाई तोह दोबि प्रगट लाह। अपेहल दुह अपतो ता दोई केतिंङ गिऊ पाहठी कंबोतो।

प्रेरित 11:23

अपेहल बरनबास दोर्तिंङ पिचे इलि, दंङ दोई ञेंई च़रति कि परमेश्वरे दाह रंङ अन्ताकिया ओ विशवासी तंङ साते व्यवहार लहसी ततो दंङ दुह दि खांई खुश शुचि इलि; दंङ भत्ते तिंङ शिक्षा रेंई कि ध्यान मन रंङ साते प्रभु रिंङ पक्‍का तोंई।

प्रेरित 21:20

अपेहल दोच़ी दि रेड्रा दंङ दोच़ी परमेश्वरो तारीफ लहरिर, दोहपल पोलुसे कुई, हे न्वा, केतिंङ पता तोह, कि यहुदी मीहतु बिचंङ च़ि अंयों हज़ार मीहज़ी प्रभु यीशु टोईच़ी बिशवास लहज़ातोर, दंङ केहच़ी दि ला ञेंहच़ातंई कि दोरे भत्ते मूसा ओ कानूनो भाषे रूठे रंङ मनेक्च़िमी थल्जी महस पक्‍का तोतोर।

रोमियो 1:8

भत्ते बे तुहई गेह केहतु भत्ते तु थल्जी यीशु मसीहू दोरच़ी घेंङौ बाह परमेश्वरो धन्यवाद लहज़ातग, छना कुचे यीशु मसीहू टोहकठे केहतु विशवासो पाहठी महस ठाहरीरिंङ मीहच़ी गप्पा लहज़ी लेहकी तोतोर।

रोमियो 6:17

केरे पापो गुलाम तोईनी, पर हेंतेग केहच़ी दुह शिक्षा ओ भाषे लहज़ातंई, अंऊ केतिंङ खोकसिरी। झांह लेह गेह परमेश्वरो धन्यवाद लहज़ातग।

1 कुरिन्थियों 1:3

गेह प्रार्थना लहज़ातग कि हेंदु बाह परमेश्वर, ए प्रभु यीशु मसीह केतिंङ मोह्ड़े दाह ए शांति रम्मा लोहतो।

1 तीमुथियुस 1:14

दंङ हेंदु प्रभु मोह्ड़े दाह दुह विशवास ए दाह रंङ साते अंऊ मसीह यीशु रिंङ तोह, महसरंङ साते शुई।