1 कुरिन्थियों 1:2 - लाहौली बाइबिल

² गेह दि डाक कुरिन्थुस शहरो विशवासी तु थल्जी च़ेहसी लेहकी तोतोग। अतिंङ परमेश्वरे एनोह पवित्र मीहरे शुहबिमी थल्जी अंङे चरच़ाते, ध्वांए ए छना दोई दू भत्ते मीहतिंङ अंङे चरच़ाते अंऊ भत्ते ठहरिंङ हेंदु प्रभु यीशु मसीहू अराधना लहज़ातोर, छना कुचे दू हेंदु भत्ते तु प्रभु शुह।

1 कुरिन्थियों 1:2 Iomraidhean Croise

प्रेरित 10:36

केतिंङ दुह रूठे खबरो पाहठी पता तोह, अंऊ परमेश्वरे ञेंहतु थल्जी मतलब इस्राएल देशो मीहतिंङ रंदे। दोई शांति ऊ पाहठी रूठे खबर सुनाएती अंऊ मीहतिंङ यीशु मसीहू टोहकठे बिशवास लहज़िमी दोरच़ी खोकसी तरपोतो। दि मीह यीशु सिर्फ इस्राएली मीहतु प्रभु माह शुह पर दुह भत्ते मीहतु प्रभु शुह।

प्रेरित 15:9

दोई ञेंहतु ए दोतु बिचंङ छल्ले भेद-भाव माह लहरी छना कुचे विशवासो दोरच़ी दोई दोतु सेहम शुद्ध लेह च़रति।

प्रेरित 18:1

दिऊ थल पोलुस एथेंस शहर केट्रा कुरिन्थुस शहरो हखा अति।

प्रेरित 22:16

हेंतेग छिल्ले झाड़ा लहज़ातन? अहच़ु, बपतिस्मा लेहप्तु, दंङ दोऊ मिन लेहपच़ा केनोह पापो माफी ओ थल्जी, माफी पेट्रु।

प्रेरित 26:18

कि केरे दोतिंङ दि समझेक्सिमी थल्जी मदत लंहि कि छि सही शुह, कि दोरे हंयारो दोरच़ी छंङीरिंङ किरज़ा योर, दंङ शेतानो अधिकारो अधीन बेहच़ी परमेश्वरो अधिकारो अधीन बंङज़ी शुरू लेह तरपोर; दोहपल परमेश्वर दोतु पाप माफ लेह च़रपोतो, दंङ दुह दोतिंङ दुह भत्ते मीहतंङ विरासत रमतो अंऊ गिऊ टोईच़ी विशवास लहज़ातोर। दिए गप्पा यीशु ज़ि गिऊ हखा कुई।

प्रेरित 9:13

हनन्याह ज़ि जुबाब रेंई, हे प्रभु यीशु, गेह दिह मीहू पाहठी महसे तु आहच़ि रेड्री तातेग कि दिह यरूशलेम शहरंङ कांह कनु मीहतंङ साते अंयों मदम लहसी ततो।

प्रेरित 9:14

दंङ देर्तिंङ अपिमी थल्जी ला दोबि यहुदी मोह्ड़े पुरोहिता तु दोरच़ी अधिकार खोकसा तोह, कि अंऊ मीहरे कांह टोहकठे बिशवास लहज़ातोर दोतिंङ बन्दी बणाएतु।

प्रेरित 9:21

दंङ भत्ते रेड्रा दोरे हेरान शुहचा ते कुट्री लेहतिर, “छि दिह दुह हे मीह माह शुह आ अंऊ यरूशलेम शहरा रिंङ दोतिंङ नाश लहज़ाते अंऊ मसीह यीशु ऊ बिशवासी तोईरे, दंङ देर्तिंङ ला दिऊ थल्जी अंज़े तोहई, कि दोतिंङ बन्दी लहज़ा यहुदी मोह्ड़े पुरोहिता तु कछंङ रेंज़ा शोतो?”

रोमियो 1:7

गेह दि डाक रोम शहरो दुह भत्ते मीहतु थल्जी च़ेहसी लेहकी तोतोग, अंऊ परमेश्वरो प्यारे तोतोर, दंङ अतिंङ परमेश्वरे एनोह मीहरे शुहबिमी थल्जी अंङषी ततो; हेंदु बाह परमेश्वर ए प्रभु यीशु मसीहू दोरच़ी केतिंङ मोह्ड़े दाह ए शांति खोकसा लोहतो।

रोमियो 10:12

यहुदी मीहतु बिचंङ ए ऊईजाति तु मीहतु बिचंङ छल्ले भेद माह, झांह लेह कि परमेश्वर भत्ते तु प्रभु शुह; दंङ दू भत्ते तिंङ बचाएपोतो, अंऊ दोबि मदतो थल्जी हाऊष रंड्रातोर।

रोमियो 3:22

अपेहल हेनर यीशु मसीहू टोहकठे विशवास लहज़ातंई, दंङ हेनर परमेश्वरो दोरच़ी धर्मी शुहचे य्वातंई, अंऊ कि भत्ते विशवास लहज़ा तु थल्जी तोह। परमेश्वर भत्ते तंङ साते इच्च़ा ठ्रोह व्यवहार लहज़ा।

रोमियो 8:28

दंङ ञेंहच़ी ञेंहच़ातोंई, कि अंऊ मीहरे परमेश्वर रंङ साते दाह लहज़ातोर, दोतु थल्जी भत्ते गप्पा ठ्रोहका शुहचे भलाई बि पैदा लहज़ा; मतलब दोतु ए थल्जी अंऊ परमेश्वरो हिटी हिसाबे अंङषी तोतोर।

1 कुरिन्थियों 1:30

पर परमेश्वरे केतिंङ यीशु मसीह रंङ साते इच्च़ा लेह च़रति, दंङ यीशु मसीहू दोरच़ी दोई हेंदिंङ एनोह ज्ञान रंड्रा। परमेश्वर हेंदिंङ एनोह नज़रारिंङ धर्मी ला साबित लहज़ा। यीशु मसीहू दोरच़ी हेनर पवित्र शुहचे तोंहि, दंङ दोई हेंदिंङ पापो दोरच़ी आज़ाद लेह च़रच़ा।

1 कुरिन्थियों 10:32

गेह भत्ते तिंङ खुश लहज़िमी कोशिश लहज़ातग, गेह घेंङौ भलाई ओ पाहठी माह सोचेक्च़ातग, बल्कि भत्ते तु भलाई ओ पाहठी सोचेक्च़ातग, ताकि दोरे उद्धार खोक्शे तरपोर। ध्वांए केरे ला झांह ठ्रोह बंङज़ेंई कि यहुदी या ऊईजाति तु परमेश्वरो कलीसिया ओ थल्जी छा परेशानी या ठोकर पैदा शुहबी मेस।

1 कुरिन्थियों 12:27

ध्यांए ठ्रोह केरे भत्तेर ठ्रोहका शुहचे ते मसीहू फुक शुई, दंङ केहतु बिचंङ हर इच्च़ा दोऊ शुई, दोऊ फुको अंङों बराबर।

2 कुरिन्थियों 1:1

गेह, पोलुस दि डाक च़ेहच़ी लेहकी तोतोग। गेह परमेश्वरो हिटी रंङ यीशु मसीहू प्रेरित शुगाह। दंङ हेंदु साथी विशवासी तीमुथियुसो तरफे परमेश्वरो दू कलीसिया बि च़ेहच़ी लेहकी तोतोग अंऊ कुरिन्थुस नगरंङ तोह, दंङ परमेश्वरो भत्ते मीहतिंङ अंऊ अखाया ओ नगरंङ बंङज़ातोर।

2 कुरिन्थियों 4:5

छना कुचे हेनर हेंदिंङ मशत, पर यीशु मसीह बि प्रचार लहज़ातंई, कि यीशु मसीह ए प्रभु शुह; दंङ हेंदु पाहठी दि कुट्रातंई कि ञेंरे यीशु वहज़ा ज़ि केहतु सेवक शुई।

गलातियों 1:2

गेह दि गेरंङ साते देरतिंङ अंयों विशवासी न्वा-रिंङ रे तोतोर, गलातिया प्रदेशो भत्ते कलीसिया ओ भत्ते विशवासी तिंङ नमस्कार कुट्रातोर।

इफिसियों 5:26

ताकि दोरे कलीसिया बि परमेश्वरो बचनो ति रंङ च़िए शुद्ध लेह पवित्र बणाके तरपोर।

1 थिस्सलुनीकियों 1:1

दि डाक पोलुसे सिलवानुस ए तीमुथियुसो तरफे। ञेंहच़ी दि डाक थिस्लुनीकियो शहरो कलीसियाबि च़ेहसी लेहकी तोतोंई, अंऊ हेंदु बाह परमेश्वर ए प्रभु यीशु मसीहरिंङ तोह। ञेंहच़ी प्रार्थना लहज़ातंई कि परमेश्वर केतिंङ मोह्ड़े दाह ए शांति रमतो।

1 थिस्सलुनीकियों 4:7

छना कुचे परमेश्वरे हेन्दिंङ अशुद्ध शुहबिमी थल्जी मशत, पर पवित्र ज़िंदगी श्रींङमी थल्जी बुलासी शुई।

2 थिस्सलुनीकियों 1:1

दि डाक पोलुस सिलवानुस ए तीमुथियुस तरफे। ञेंहच़ी दि डाक थिस्लुनीकियो शहरो कलीसियाबि च़ेहसी लेहकी तोतोंई, अंऊ हेंदु बाह परमेश्वर ए प्रभु यीशु मसीहू तोतोर।

1 तीमुथियुस 2:8

गेह जुंज़ातग कि हर सभारिंङ गंङमी अंऊ रूठे जीवन श्रींङमातोर, रोहष मेह ए झगड़ा मेह केनातु गुह्ट्र खेका लहच़ी प्रार्थना लोहवा लंहि।

1 तीमुथियुस 3:15

कि अगर गिह्बी अपिमी ख्राह शोतो, दंङ केतिंङ दि गप्पो खबर शुहबी जूंस कि परमेश्वरो टबरातु बिचंङ छना ठ्रोह बरताव शुहबी जूंस। परमेश्वरो टबर श्रींङी परमेश्वरो कलीसिया शुह; दि ध्वांए ठ्रोह हेले शिक्षा ओ साथी रंड्रातोर दंङ दोतिंङ बणाके तहच़ातेर, छना मुयांद ए थम्मे घरबारा बि सहारा रंड्री दंङ दोबि पक्‍का लेह।

2 तीमुथियुस 1:9

अच़ि हेंदु उद्धार लहतो, दंङ हेंदिंङ पवित्र जीवन श्रींङमी थल्जी बुलासी शुई, दोई हेंदिंङ दिऊ थल्जी माह बुलाएक्तो कि हेंज़ी रूठे कम लाहतेन पर एनोह मकसद ए दुह मोह्ड़े दाह ओ हिसाबे बुलाएकते, अतु सकिम परमेश्वरे तुहई ए यीशु मसीह बि दि संसारारंङ च़रच़िमी दोरच़ी बणाकते।

2 तीमुथियुस 2:19

तांला परमेश्वरो मीहतु विशवास पक्‍का मुयांदो ठ्रोह बणेंकी बंङज़ा, दंङ दोऊ टोईच़ी झांह ठ्रोह शब्द च़ेहसी तोतोर, “कि प्रभु ज़ि ञेंहच़ा कि दोऊ मीहरे अरि शुहरे” दंङ दि ला कि “अच़िला परमेश्वरो अराधना लहज़ा दोबि बुराई लेह बंद लहज़ी जूंस।”

2 तीमुथियुस 2:22

दुह मांजी चीज़ा तु दोरच़ी शत्‌ह बंङज़ु अंऊ जवान मीहच़ी लेह जुंज़ातोर अंऊ मीहच़ी शुद्ध सेहमे प्रभु मिन लेहपच़ातोर, दोतंङ साते धर्मिकता, विशवास ए दाह, मेल मिलाप ओ पीछा लोह।

इब्रानियों 13:12

झांह लेह, यीशु ज़ि ला मीहतिंङ एनोह ए शुहई ओ दोरच़ी पवित्र लहज़िमी थल्जी यरूशलेम शहरो धकते दुख सहन लहरी दंङ सिए इलि।

इब्रानियों 2:11

छना कुचे अंऊ मीहतिंङ दोतु पापो दोरच़ी शुद्ध लहज़ा, दंङ अंऊ मीहरे दोतु पापो दोरच़ी शुद्ध लेह चरच़ि, दू भत्ते तु इच्च़ा ए बाह तोह; झांह लेह यीशु बि दोतिंङ एनोह युंङ रिंङ बणाएच़िमी थल्जी षेह्द माह अपा।

यहूदा 1:1

गेह, यहूदा, अंऊ यीशु मसीहू इच्च़ा सेवक ए याकूबो कवचि न्वा शुगाह, केतिंङ दि डाक चेहच़ातग, अंऊ दोतिंङ परमेश्वरे एनोह टोईच़ी विशवास लहज़िमी थल्जी बुलासी ततो। हेंदु परमेश्वर बाह केतंङ साते दाह लहज़ा दंङ केतिंङ यीशु मसीह रिंङ बचाके तहज़ा।

प्रकाशित वाक्य 19:16

दंङ दोऊ चोगा ए पुष्टू टोईच़ी दि मिन च़ेहसी तोह: “रज्ज़ा तु रज्ज़ा ए प्रभु तु प्रभु।”