1 कुरिन्थियों 1:12 - लाहौली बाइबिल

¹² गिऊ कुट्रिमी मतलब दि तोह कि, केहतु बिचंङ ज़ि अरिया ता एनाबि, “पोलुसो चेला,” दंङ रें “अपुल्लोसो चेला,” रे कैफा “पतरसो,” दंङ रे “मसीहू चेला” कुट्रातोर।

1 कुरिन्थियों 1:12 Iomraidhean Croise

मत्ती 23:8

पर केरे गुरु थशुंहई, छना कुचे केहतु इच्चे गुरु तोह, केरे भत्ते न्वारे-रिंङरे शुई।

यहून्नो 1:42

अन्द्रियासे शमौना बि यीशु कछंङ हति यीशु ज़ि दुह खांई कुहतो, “कांह यूहन्ना ओ योह शमौन शुनाह, कांह कैफा मतलब पतरस कहलाएपोन।”

प्रेरित 18:24

अपुल्लोस मिंदंङ इच्च़ा यहुदी, अतु जन्म सिकंदरिया शहरा रिंङ शुहचे तोहई, अंऊ विद्वान मीह तोहई दंङ पवित्रशास्त्र रुठे रंङ ञेंच़ाते, इफिसुस रिंङ अति।

प्रेरित 19:1

अपेहल अपुल्लोस कुरिन्थुस शहरा रिंङ तोहई, दंङ पोलुस तोरिंङ खी भत्ते प्रदेशंङ च़ि शुहचे इफिसुस नगर रिंङ अति। दंङ दोहर थोड़े अरे चेला तंङ दोहरी,

1 कुरिन्थियों 1:11

छना कुचे हे गिऊ प्यारे साथी विशवासी रे, खलोए ओ टबरातु मीहच़ी गिह्बी कांह पाहठी कंङातेर, कि केहतु बिचंङ झगड़ा शुहबी लेहकी तोह

1 कुरिन्थियों 15:5

दुह पतरस (कैफा) ए ऊई सनी चेला तिंङ तंङरि।

1 कुरिन्थियों 15:50

हे गिऊ प्यारे साथी विशवासी रे, गेह दि कुट्रतग, दि संसारारिंङ हेंदु फुक षाह ए शुहई ऊ बणेंके तोह; हेनर स्वर्गा रिंङ परमेश्वरो रजा रिंङ हेंदु दि फुका रंङ साते इबी मरपोंई। हेनर स्वर्गारिंङ हेंदु झांह ठ्रोह फुकारंङ साते बंङज़ी मरपोंई अंऊ सिए यवात, छना कुचे दोर्तिंङ अपेहला सिए माह।

1 कुरिन्थियों 16:12

दंङ साथी विशवासी अपुल्लोसरंङ साते गेह महसे विनती लहरिगा कि ऊई विशवासी तंङ साते अतंई अंऊ केतंङ साते दोहई अंदेर, पर दोई दि मुक्का इबिमी छल्ले हिटी माह लहरी, पर अपेहल सही टेम शोतो, दोहपल अच़ा अपतो।

1 कुरिन्थियों 4:6

हे गिऊ प्यारे साथी विशवासी रे, गेह अपुल्लोस ए घेंङौ ज़िकर दिऊ थल्जी लहरिगा ताकि केतिंङ हेंदु उदाहरणो दोरच़ी छा शिक्षा खोकसोतो दंङ केरे दिऊ अर्थ सिखेकतुंई अंऊ दोई कुट्रा, “पवित्र शास्त्र रिंङ छि च़ेहसी तोह दोऊ तुंखा थाशुह।” दि रूठे माह अगर केरे इदिऊ आदर लहज़ातंई, दंङ अईदि बि नीचा कंड्रातंई।

1 कुरिन्थियों 7:29

हे गिऊ प्यारे साथी विशवासी रे, गेह दि कुट्रातग, कि मसीहू वापिस अपिमी ध्याड़ा महस माह झांह लेह चाहे केहतु मेच़ा तोह या माह, दि पाहठी महस चिंद लहज़िमी ज़रूरत माह। पर प्रभु सेवा लहज़िमी पाहठी सोचेक्सा लंहि।

1 कुरिन्थियों 9:5

छना कुचे हेंदु बिचंङ भत्तेतिंङ विशवासी मेच़िमी कटु रंङ साते ब्याह लहज़िमी ए दोबि केनातंङ साते शिल्ज़िमी अधिकार तोह, छना कि ऊई प्रेरित ए प्रभु न्वा याकूब ए यूहन्ना ए कैफा (पतरस) एनोह मेच़ा बि एनारंङ साते रैंज़ा शिलज़ातेर।

2 कुरिन्थियों 10:7

केरे धकते कि दिखावट खंड्रातंई, अंऊ टिरो तुईज़ी तोह, अगर अतुआ एनोह टोईच़ी दि विशवास तोह, कि गेह मसीहऊ शुगाह, दंङ दोई दि ला ञेंए च़रतु, कि छना दू मसीहऊ शुह, ध्वांए ञेंरे ला मसीहू शुई।

2 कुरिन्थियों 9:6

पर गप्पा ता दि तोह, कि अंऊ दोई थोड़े एचाह, दोई थोड़े ब्लज़ोतो ला; दंङ अंऊ दोई महसे एचाह, दोई महसे ब्लज़ोतो।

गलातियों 2:9

अंऊ मीहरे कलीसिया ओ अगुवा समझेक्च़ातंई, मतलब याकूब, बरनबास, कैफा ए यूहन्ना, दोच़ी मोह्ड़े दाह ओ दू वाईदा सेहच़ी चरच़ातोर अंऊ गिह्बी खोकसा तोह। दोच़ी हेंदंङ साते गुह्ट्र मिलाके दि कंङातोर कि दोरे हेंदंङ साते राजी तोईरे। दोरे दि गप्पो थल्जी राजी शुईरे कि हेनर ऊईजाति तु कछंङ रूठे खबर सुनाएच़िमी थल्जी योंई दंङ दोरे यहुदी तु कछंङ।

गलातियों 3:17

अंऊ गेह कुट्रातग दोऊ मतलब दि तोह कि, “परमेश्वरे अब्राहमा रंङ साते वाईदा लहसी तहरे दोबि पुरा लहज़िमी कसम लहसी तहरे। वाईदा लहज़िमी पि राह ए निंज़ो सा सालो थल मूसा ओ कानूने माह ता परमेश्वरो वाईदा योह्च़ी तरपोतो दंङ माह ए परमेश्वरो वाईदा बि ध्यांए लेह च़रच़ा।”