1 कुरिन्थियों 1:11 - लाहौली बाइबिल

¹¹ छना कुचे हे गिऊ प्यारे साथी विशवासी रे, खलोए ओ टबरातु मीहच़ी गिह्बी कांह पाहठी कंङातेर, कि केहतु बिचंङ झगड़ा शुहबी लेहकी तोह

1 कुरिन्थियों 1:11 Iomraidhean Croise

1 कुरिन्थियों 1:10

हे गिऊ प्यारे साथी विशवासी रे, गेह केतंङ साते हेंदु प्रभु यीशु मसीहू मिंदंङ साते दि बिनती लहज़ातग, केरे भत्तेर इदि-अई दिरंङ साते सहमत शुहबी जूंस दंङ केहतु बिचंङ फूट इबि मेस पर केरे इच्च़ा ठ्रोह विचार तहज़िमी दोरच़ी दंङ इच्च़ा मकसद रंङ साते इदि-अई दिरंङ साते मिलेकी बंङज़ुंई।

1 कुरिन्थियों 1:12

गिऊ कुट्रिमी मतलब दि तोह कि, केहतु बिचंङ ज़ि अरिया ता एनाबि, “पोलुसो चेला,” दंङ रें “अपुल्लोसो चेला,” रे कैफा “पतरसो,” दंङ रे “मसीहू चेला” कुट्रातोर।

1 कुरिन्थियों 11:18

छना कुचे भत्ते बे मुण्डो गप्पा दि तोह, गेह दि रेड्री तातग, कि अपेहल केरे कलीसिया रिंङ अराधना लहज़िमी थल्जी ठ्रोहका शवातंई, दंङ केहतु बिचंङ ठुक्शी शवाह, दंङ गिह्बी विशवास तोह कि दोतु गप्पा रिंङ छा सच्चाई तोह।

1 कुरिन्थियों 3:3

छना कुचे हेंतेग तचेक केनातु पापी हिटी रिंङ तोतोंई। झांह लेह अपेहल कि केरे जलन ए लड़ाई ए झगड़ा तोह, छि दिरंङ दि साबित माह शवाह कि केरे केनातु पापी स्वाभावो दोरच़ी काबू शवातंई? दंङ केरे झांह ठ्रोह मीहतु ठ्रोह श्रींङमातंई अंऊ प्रभु माह तोर।

2 कुरिन्थियों 12:20

दंङ गिह्बी दिला बेह्द तोह, कि झांह शुहबी मेस, कि गेह अंज़े छना जुंज़ातग, ध्वांए केतिंङ माह खोकपोग; दंङ गिह्बी ला छना केहच़ी माह जुन्ज़ातंई ध्वांए खोकपोंई, दंङ गिह्बी दि ला बेह्द तोह कि केहतु बिचंङ झगड़ा, जलन, रोहष, विरोध, चुगली, घमण्ड ए बखेड़ा लहज़िमी ठ्रोह स्वाभाव खोकपोग।

गलातियों 5:15

पर अगर केरे लगातार इदि-अई दिरंङ साते झगड़ा लहज़ातंई दंङ इदि-अईदि बि परेशान लहज़ातंई ता दंङ खबरदार शुहचे इलांई, केरे केनातिंङ बर्बाद लेह च़रपोंई।

गलातियों 5:20

मुर्तिऊ पूजा, जादू टोना, दुश्मनी, झगड़ा, जलन, रोहष, स्वार्थ, फूट केट्री, विधर्म,

गलातियों 5:26

हेंदिंङ घमण्ड लेह माह जूंस, दंङ माह ए हेंदिंङ इदि-अई दिरंङ साते जलन लहज़ी जूंशी तोह।

फिलिपियों 2:14

दंङ भत्ते कम बिना कुड़कुड़ ए बिना झगड़ा लोहवा लंहि,

1 तीमुथियुस 6:4

दंङ दुह घमण्डी शुह, दंङ छल्ले माह ञेंहच़ा; झांह ठ्रोह मीह बहसबाज़ी ए बेकारो गप्पारिंङ झगड़ा लहज़ी जुंज़ा, अतु नतीज़ा जलन, ए झगड़ा, निन्दा ओ गप्पा ए मदम शक लहज़ी,

तीतुस 3:9

पर मुर्ख गप्पो बहसो दोरच़ी शत्‌ह बंङज़ु, बाह-मेमेतु लम्हें सुचि थल्जी टेम बरबाद थालंही, बैर विरोध ए दुह झगड़ो दोरच़ी, अंऊ मूसा ओ नियम कानूनो पाहठी शोतो, दोतंङ बचेके तोंई, छना कुचे दुह गप्पो छल्ले फायदा माह दंङ माह ए अतुआ मदत लहज़ी।