Tatatai 21:4 - Label

⁴ Pa ir sah sen a luru matanla rop. Bel ta minat ulak ma, bel ta bal maris, bel ta tinangis pa bel ta kankan ma, anasa a ututnala tagun nating la ka rorom.”

Tatatai 21:4 Iomraidhean Croise

Matiu 24:35

A langit pa a rakrakan hanua diar rop, ika anuka warwarala bel ir rop.

1 Korin 15:26

A ararop a hirua ning ir kamari, a minat.

1 Korin 7:31

Pa la ning la titol ana ututnala ning kane lapiu, lar laun larning bel la nuknuk kol sur na ututnala ning. Anasa a rakrakan hanua ne dala laun onoi, ka rorom amon.

2 Korin 5:17

Ning tik ir laun o e Karisito, i a tona akakes. Anuna toltol tagun nating ka rop. Oroi, a tona lalaun ka hanot.

2 Korin 6:17

Pa Leklek i atongi otleng mang, “Mulor purum kusun la, pa mulor kes masik kusun la. Pa gong mulo tuk a dur a ututnala. Pa iau ar gas pas mulo.” Ais 52:11

Hibru 12:27

Ning e God i atongi mang ir kunran muntakai ulaki, i asangani mang ir kepsen a ututnala ning i gulgule ka, a ututnala ning ka akes tar la. Ir kepsen la sur a ututnala ning bel dir kunran sot pas la, lar kes ot.

2 Pita 3:10

Ika a pukakiar anuna Leklek ir hanot arlar ana tena kinkinau. A bakut ir rorom ana tnan unga, pa na akakes kanisaot onoi lar laulau ana tnan iah, pa a rakrakan hanua pa a ututnala rop ning kaning ia, lar rorom.

1 Jon 2:17

A rakrakan hanua pa a laulau a nuknukna lar rarop ka, ika esining i mur a nuknuk ane God, ir laun tikin.

Tatatai 20:13

A puka tasi i saran ulak a minatla ning la mat salatasi. A minat pa Hedes, a hanua anunla ning la mat, diau otleng dia saran ulak a minatla ning kaning on diau. Di warkurai la taktakai arlar ot ana anunla na titol.

Tatatai 20:14

Lamur di minggen purum sen a minat pa Hedes ting na tnan tung a iah. A tung a iah ning, a munaur a minat.

Tatatai 21:1

Lamur a oroi a tona langit pa tona rakrakan hanua, anasa a ningnigo na langit pa a ningnigo na rakrakan hanua dia ka rorom, pa bel ma ta puka tasi.

Tatatai 22:3

A laulau a ututnala ning a balakut ane God i kes ono, bel ulak ma dir oroi tari. A keskes a king ane God pa anuna Nat a Sipsip ir kes ting na hanua ning, pa na tena titol oros otleng ane God lar lotu teteki.

Tatatai 7:17

Anasa a Nat na sipsip ning i kes na arpotor a keskes a king, ir hanot anunla a tena tai alar. Ir nigon la sur na matmatana malum a lalaun. Pa e God ir sah sen na luru matanla rop.”