A Pas ane Pol tetek a tarai Rom 4:2 - Label

² Ngandek ning e God i atong e Abaram mang i tostos anasa ana wakak a titol ning i toli, i topasi sur e Abaram ir iaunan pasi ot onoi. Ika bel i tolsot pas sur ir iaunan pasi namatana e God.

A Pas ane Pol tetek a tarai Rom 4:2 Iomraidhean Croise

A Pas ane Pol tetek a tarai Rom 15:17

O e Karisito Iesu, a gas kol ana nuka titol tetek e God.

1 Korin 1:29

I toli larning sur gong tik i iaunani namatana e God.

1 Korin 1:31

I maining dalar toli larning di ka tumus tari ting na Buk Tabu mang, “Esining i mang sur ir iaunani, ir iaunan asaning a Leklek ka tol tari.” Jer 9:24

1 Korin 4:7

Esining i atongi mang u wakak tan ta halinla? Asa anumi ning e God bel i saran tari tam? Ning e God ka saran tar na ututna tam, sur asa ning u iaunan pas u onoi?

1 Korin 9:16

Ning a warawai ana Wakak a Warwara, bel a iaunan iau onoi. Anasa e God ka saran tar a titol na warawai tak, pa bel ar tolsot pas sur ar manah onoi. Pa ir laulau kol tetek iau ning bel ar warawai ana Wakak a Warwara.

2 Korin 11:12

Ar tol liknan a ututnala ne a toli, sur la ning la atong la mang na aposel, lar tasmani mang anunla a titol bel i arlar ana numila a titol. I maining bel ta kamkamna sur lar iaunan la ana nunla titol.

2 Korin 11:30

Ning ar iaunan pas iau, ar iaunan pas iau ka ana ututnala ning i apuasa i mang, belal rakrakaik.

2 Korin 5:12

Bel mila mang sur milar aleklek pas mila tetek mulo. Ika mila mang sur mulor iaunan mila, pa mulor keles la ning la sira iaunan la ana saning miting na palaonla ning a tarai la oroi i, ika bel la nuknuk sur a balanla ir totoh.

Galesia 3:22

Ika a Buk Tabu i atong puasai mang, a taraila rop te na rakrakan hanua la kes ana dodot ana nunla toltol laulau. Manglarning, la ka ning la tortorot o e Iesu Karisito lar kibas pas a artabar ning e God i lele tar onoi.

Epeses 2:9

Bel i alaun pas mulo kamkamna ana wakak a titolla ning mulo toli, sakana tik ir aitna pas i ot ono.

Pilipai 3:9

pa ar kes taum ono. Pa bel a tena tostos anasa a mur na warkurai. A tena tostos anasa a tortorot o e Karisito. I momol, e God i atong dala na tena tostos anasa dala tortorot o e Karisito.