Jems 2:20 - Label

²⁰ U a longlong! I mangasa, u mang sur ar asangani tam mang, a tortorot ning bel ta wakak a titol onoi, i utna oros ka?

Jems 2:20 Iomraidhean Croise

A Pas ane Pol tetek a tarai Rom 1:21

La tasman ot e God, ika bel la aleklek pasi larning i e God, pa bel la atong wakak otleng teteki. La nuknuk oros ka, pa a balanla i mormorom, anasa bel ta tastasman inla.

A Pas ane Pol tetek a tarai Rom 3:28

Anasa onone, dala tasmani mang e God i atong a taraila mang la tostos namatana, ana tortorot ka o e Iesu, pa bel ana mur warkurai.

A Pas ane Pol tetek a tarai Rom 9:20

Esi u ning u nuki mang ur keles a warwara ane God? U a barsan ka u. Ning tik i tol ta kuro ana piopap, mangmangasa, a kuro ning i topasi sur ir atongi tetek esaning i toli mang, “Asa kamkamna ning u tol iau larne?”

Galesia 5:6

Ning dala kes o e Karisito Iesu, ning di kot talilis tik, o bel di kot talilisi, i utna oros ka namatana e God. Ika, a utna ning i itna namatana e God, ning tik i tortorot, pa anuna tortorot i tol otnan a marmaris.

Galesia 6:3

Ning tik i nuki mang i leklek, ika bel, i ot i asongo ulak pasi.

Kolosi 2:8

Mulor tai alar mulo, sur gong tik ir dot akes mulo ana tastasman anuna tarai ka, a asasaerla oros ka, pa a asasongo ka. A tastasman ning i hanot ka miting na asaerla ana tumtubunla nating pa miting na ingun laulaula mite na rakrakan hanua, pa bel ta e Karisito.

1 Timoti 1:6

Dingla na tarai la ka han masik kusun a wakak a toltol ne, pa la mur a warwara oros kama.

Taitus 1:10

Ur aslang pas a ningnigola miting na lotu, anasa a galis a tarai na tabun longor. La awara a tarai ana ututnala oros ka pa la asongo pas la. Dingla na tarai onla, la ning la atongi mang, dir kot talilis a palaon a tarai ning bel a tarai Juda.

Jems 1:26

Ning tik ir nuki mang i a momol a tena lotu, ika bel i tumarang a laigeremna kusun a laulau a warwara, anuna lotu i utna oros ka, pa i asongo pasi ot.

Jems 2:17

Larka otleng ning ana tortorot, ning bel i han taum ana ta wakak a titol, a tortorot ning a minatna ka.

Jems 2:26

Tik ning a inguna i han kusuni, i a minatna. Larka otleng a tortorot, ning bel ta wakak a titol onoi, a minatna ka.