Aposel 26:9 - Label

⁹ “Iau otleng, nating a nuki mang i wakak ning ar toh arop tar a rakrakai a ngas sur ar sairas a taraila mang gong la tortorot ana risana e Iesu, a te Nasaret.

Aposel 26:9 Iomraidhean Croise

Jon 15:21

Lar alaulau mulo anasa mulo anuki, anasa bel la tasman esaning i sune iau ute.

Aposel 21:13

Ika e Pol i keles la mange, “Sur asa ning mulo domos, pa mulo abal maris iau? A ka saran tar iau sur lar dot iau pa dir umkol iau otleng saot e Jerusalem, anasa ana risana Leklek e Iesu.”

Aposel 22:3

“Iau a te Juda, di agon iau tumo e Taso ana papar Silisia. A barman tar ot te e Jerusalem, pa iau a kaklik a asaer ot ane Gamaliel, pa i asaer wakak iau ana Warkuraila anuna tumtubundala, pa a titol rakrakai tetek e God larotne mulo toli.

Aposel 22:4

Pa a alaulau a tarai ning la mur a Ngas ane Karisito. A umkol dingla na tarai, pa dingla na tarai taum ana gurarala otleng a tong akes la, pa a akas la ana rumai a dodot.

Aposel 22:8

Pa a dekeni mange, ‘Leklek, esi u?’ Pa i keles iau mange, ‘Iau e Iesu, a te Nasaret, ning u alaulau iau.’

Aposel 24:5

Mila oroi a barsan ne a tena tol arsakai, pa i akamtur a arsakai na arpotor a tarai Juda ana rakrakan hanua rop. Pa i a ningnigo ana asasongo na lotu di atongi mang a lotu Nasaret.

Aposel 3:17

“Na tastasikla, a tasmani mang mulo taum ana numulo na ningnigo otleng bel mulo tasman asaning mulo toli o e Iesu.

Aposel 3:6

Pa e Pita i atai mange, “Iau belal mani, ika ar tabar u ana utna ning anuki. Ana risana e Iesu Karisito, a te Nasaret, ur tur pa ur han!”

Aposel 9:1

Ana pukakiarla ning, e Sol i mang kol sur ir um amat a tarai a asasaer anuna Leklek. I han tetek a ningnigo na tena artabar tetek e God,

Aposel 9:16

Pa ar asangani mang ir kilang a galis a kankan ana risak.”

A Pas ane Pol tetek a tarai Rom 10:2

Anasa a tasmani ot mang, la mang kol sur lar agasgas e God, ika bel la talapor ana toltol ning ir gas onoi.

Pilipai 3:6

A rakrakai kol sur ar mur tostos pas a titol ane God, pa ana nuk na titol ning, a alaulau na tena tortorot ane Karisito. Ngandek ning tik ir tostos anasa i mur rop na warkurai, bel ta artitiu ir kibas iau.

1 Timoti 1:13

Nating a sira atong laulau e Iesu, a alaulau a taraila ning la tortorot pa a akadik la. Ika e God i maris iau, anasa bel a tasman a utna ning a toli, pa belot a tortorot.