Ngwïbrü 5:5 - Laru

⁵ No Kirictu ꞌto gwaꞌti apu näjïng giligoꞌro lüngün ndi ru dirꞌdal danni diru giꞌra. A be Ngwaalu ru ngwuca nu, “Nga gwuru Gïjï güny, gwene äny gwuma ru Papa gwunga.”

Ngwïbrü 5:5 Iomraidhean Croise

Yuwana 3:16

A Yicu ari, “Ndi ari Ngwaalu ngwämnä ngwüjü ngwudi dïdlä gwulleny ꞌdi ngwududiyi Gïjü güngün ganni giru geꞌte pu ꞌdogo nunnu ngwüllä ngwayi ngene nunnu gwanni gwa ämnï ꞌdünggüngün, gwaꞌti gwa ayi ngwube mbuji miding gwudi gwurꞌtaling.

Yuwana 7:18

Gwanni gwati ondaji ngwujaꞌri ngwudi ligor lüngün, gwati ondijaji ndi näjï ligoꞌro lüngün. A be gwanni gwäpïjä ngindeng yiiru yidi näjï gwanni gwükäjä, gwuru gwanni gwuru ꞌdidanu. Yaꞌti gu yere yanni yiru yiꞌduru.

Yuwana 8:54

A je Yicu ci, “Manari äny gwati näjï ligoꞌro lüny, näjï gwüny gwa ꞌtur. A be Papa gwüny gwuru gwanni gwara gwe gwuru Ngwaalu ngwalu, gwuru gwanni gwatiny näjï.

Yiiru 13:33

Ngwaalu ngwuminje gäbïcï ngwujaꞌri ngwuma ji kaji nggee gege lanni liru yïjï yegen, ꞌdïꞌrïyï gwe Yicungalu. Anaku üllïnäär gu kitabanu gidi Mäjïmür kiꞌraany ganni giru rom (2) ndi ari, ‘Nga gwuru Gïjï güny, gwene äny gwuma ru Mbumbu gwunga.’

Ngwïbrü 1:1

Gwerre Ngwaalu ngwondaca ngwïjïrä aar ondaci ngwügürnä ngwege ngwujaꞌri ngwe ngwani Ngwaalu yomonanu yonyadu na ngway ngwe ngwonyadanu,

Ngwïbrü 1:5

Ndi ari Ngwaalu ngwaꞌti ca gïꞌrrä gere ngwujaꞌri ngwanni ngwondacung ngwe Kïjü güngün ngwuci, “Nga gwuru Gïjï güny. Gwene äny gwuma ru Papa gwunga.” Ngwoꞌre ngwari, “Äny gwa ru Papa gwüngün na nginde gwa ru Gïjï güny.”

Ngwïbrü 2:17

Ndi ari yiru giyee yanni yïgäbïcä ngindeng ngwube ru nono ngwenggen gilingeno giyiꞌral ꞌdar nunnu ngwuru dïnä na dirꞌdal danni diru giꞌra diru ligor leꞌte pu giyiiru yidi Ngwaalu nunnu a Ngwaalu düdänïjï ngwüjänü ndi ke gwegen.

Ngwïbrü 3:1

Yäy gu no ngwänggärï ngwanni ngwujuꞌru, ngwanni ngwacajidu ndi urnidi gwudi gerala gäbïcär ïrïyïng ngwäyälü gwalu ngwuji ndi Yicu, gwanni gwuru dooꞌra dükäjäär ngwuru dirꞌdal danni diru giꞌra gwanni gwati ar gwe ondaji.

Ngwïbrü 5:10

na nginde gwäbrü Ngwaalu ngwuru dirꞌdal danni diru giꞌra gïdïꞌrïny didi yirꞌdal yidi Mälïkï Jadig.