Ngwïbrü 11:3 - Laru

³ Ämnï gwe Ngwaalu a lïlïngïdï ndi ari dïdlä ꞌdar dïgïꞌtïnä ngwujaꞌri ngwe ngwudi Ngwaalu. No ngwong ꞌdar gïdïdlä ngwanni ngwenggana, ngwügïꞌtïnä ngwong ngwanni ngwaꞌti enggana.

Ngwïbrü 11:3 Iomraidhean Croise

Yuwana 1:3

Yiꞌral ꞌdar yïgïꞌtïnä nginde gwe. A yiꞌral yere yaꞌti ju yïgïꞌtïnä, yaꞌti gïꞌtïnä nginde gwe.

Yiiru 14:15

“Ngwüjï ngaa larra ma aang ärrï yiꞌral giyee? Änyängä liru ꞌto ngwüjï ngwümnä nono nga nga. Läpïjä je ngwujaꞌri ngwanni ngwujaw ar je ondaci nunnu ngaa gwurla giyiꞌral giyee yiru ꞌtur ngaa oꞌraca Ngwaalinga ngwanni ngwumidu, ngwanni ngwugeꞌta gere aar geꞌte dïyängü na yaw na ngwony ꞌdar ngwanni ngwo gu.

Yiiru 17:24

Ngwuje ci, “Ngwaalu ngwanni ngwugeꞌta dïdläyü aar geꞌte ngwony ꞌdar ngwanni ngwo gïdïdlä, ngwuru Deleny didi gere na dïyäng, Ngwaalu ngwanni ngwati ꞌti ju ngwuꞌdunanu ngwodana ngwuy ngwe ngwudi dïjï dümnä.

Ngwïbrü 1:2

a be giyomon giyee yidi gwodaning, gwuminje be ükäcä Gïjü güngün aar nje ondaci ngwujaꞌri ngwüngün, ganni giming ätädä yuꞌrina yidi yiꞌral ꞌdar, na ganni gigeꞌteng ge dïdläyü.

Ngwïbrü 6:5

ngwanni ngwuma ngille jaying gwani ngwujaꞌri ngwudi Ngwaalu na gwani yiima yidi Ngwaalu gïdïdlä didi gwodaning,

ꞌTäälü 4:11

“Gwani Deleny diru Ngwaalu ngwärï a gwädï gu ndi aar ang näjï, aar ang denya aar ang gwäꞌräcï yiima, ndi ari nga gwuru gwugeꞌta yiꞌralalu ꞌdar, a bupi gwe gwunga, yïgïꞌtïnä aar ji yimidu.”