Tite 3:8 - Mbede Lə Luba Kone Gə Sigi

⁸ Tar gə m-pa nee le to tar gə tɔgərɔ, ɗaa may kar ore kəm-i kəne ndəng mba ndəji ne nje gə d-unda mə-je dɔ Luba gə mba kar ꞌɗa ne kulaje gə may gə kede-kede. Ye ɓa to ne gə may gə to kəm kar njetakagə ꞌɗa!

Testament ke Siki 1960 (Kabba Laka)

⁸ To tar ke tokoro. Mam ndiki i ta pa tar nèn ngeng, baa ta kare dèdè ke do mèdè té ke Allah da ngem madji ta da koula ke madji. Mbata yèn to madji ke da madji mbata dooudjé.

Tite 3:8 Iomraidhean Croise

Matiye 20:4

be ɓa n-təl pa n-ar-je na: Sisəy kara awje ndɔ bḭyə̰ gə lə-m aw ɗaje kula nama, m-a kuga dɔ ji-si gə dɔ gɔl-ɛ ja.

Jean 12:44

Jeju pa tar gə ndu-e gə boy na: Dəw gə ta kagə-m nama, to gə ꞌma ɓa ta kagə-m ang, ngaa dəw gə njekula-m le ɓa ta kag-ɛ kən;

Jean 5:24

Tar gə tɔgərɔ ja, m-pa m-ar-si, dəw gə o tar lə-m ɓa ɓo ta kagə ye gə ula-m nama, inga təbə gə gə ndɔ gə ndɔ; a kaw lo gangə tar gə ang, ngaa ce ta yo gə mba kisi kəm baa.

Koula 12:15

Nje gə d-isi kəy le ꞌtəl d-ila kəne na: Dɔ-i godo wa? Kara n-pa gə no-ɛ ja na to ꞌne ja. Ngaa ꞌjejee nee ꞌpa na: To anji lə-a.

Romaindjé 4:5

Kar dəw gə kula ɗ-ɛ godo ngaa takagə Luba gə o dəw gə ɓəəl-e ang gə dəw gə gadə-gadə nama gə go takagə lə-a ja d-a tura ne gə dəw gə gadə-gadə.

2 Corinthiendjé 4:13

Kəji takagə lə-si le to kara baa gə ye gə ꞌɗa mə mbede gə na: M-ta kagə, gəl-e gə ne ɓa m-pa ne tar. Sijee kara, ja takagə, gəl-e gə nee ɓa ja pa ne tar.

Ephésiendjé 4:28

Dəw gə kede to gə nje ɓogo nama, may kar ḭya̰ ɓogo lə-a gə no-ɛ ngaa; ɗaa may kar ula rɔ-ɛ ndubu ɗa kula gə ji-a ye ja, gə kəji gə dana gadə mba kinga ne ne, la ne gə dəw gə ndoo ne to-e.

1 Timoce 1:15

Tar gə tɔgərɔ gə kəm ta ji joo le ɓa nee: Jeju Kirisi le ɗe dɔ nangə gə nee mba kaji njeneɗaje gə kṵra̰y, ɗaa ꞌma ja m-to dɔngɔr dəw to gə tɔgərɔ.

1 Timoce 2:8

Be ɓa, m-njigi kar dəwje pa tar gə Luba gə lo tɔ̰y, d-odo nee ji-je gə may tɔ̰y gə dara. D-a ɗa gə wungu ang nəm ngaɓa d-a kaw gə kəji tɔsə tar ang nəm tɔ.

1 Timoce 5:10

may kar neɗaje lə-a gə may to ɗaga pay-pay kəm dəwje gə: ɗəw siri ngan-ɛ gə gə maj-ɛ, ɗəw kuwa mbaje gə, ɗəw togo gɔl njetakagəje, ɗəw la gə nje gə d-isi dan nekəmtondoo gə, ɗəw ɗa ne gə may gə lo-e lo-e.

2 Timoce 1:12

Ngaɓa gəl-e gə nee ja tɔ ɓa m-o ne ꞌməsərə ngaa rɔ kul uwa-m ang, mba m-ta kagə Kirisi Jeju. Ngaɓa m-gərə gə maj-ɛ to gə n-asə ngom ne gə n-um ji-m gə le saar ndɔ gə n-a təl ne.

Tite 1:9

tar gə tɔgərɔ gə kəm ta ji joo gə ꞌtɔj-ɛ le n-a ngom to gə ngon kəm-e be, to gə be ɓa n-a kasə mba kula ne jingaw mə nje gə kɛm gə gə ɗəw netɔji gə gə dɔ gɔl-ɛ ngaɓa gə mba ndangə ne njema̰y tarje kila-je ne dana.

Tite 2:14

Kirisi ja un rɔ-ɛ uga ne dɔ-si, ɓa ɔr ne si dan neɗa gə kṵra̰y gə. N-ɗa to gə be mba mbo̰ ne si gə dəwje lə-a gə n-mbərə-je n-togo-je ngaɓa mba kar ɓo ɗa kulaje gə may-may to ne mə-si gə.

Tite 2:7

dan neje gə tɔ̰y le, ꞌi ja un rɔ-i gə ne kɔji mar-ɛ ɗəw ɗa kulaje gə may gə, ngaɓa ꞌtɔji tar gə tɔgərɔ ja, gə a kasə kəm ta ji joo

Tite 3:1

Ole mə njetakagəje tɔ̰y ar-je d-oso kul no njeko̰ dɔ dəwje gə cibi d-ila kuji dɔ njeko̰ ɓeje gə ɓo d-isi pɛrɛrɛ mba ɗa ne kula gə ɗa-ɗa gə may,

Tite 3:14

May kar njekar-sijee kara ndo ne kula ɗa gə may dɔ-je gə kede-kede mba kar ndɔ gə ne ce dɔ-je gə bus nama ꞌɗa ne, be ɓa kandə takagə lə-je a to ne.

Pilimo 1:11

kede le, n-to dəw gə baa ta kəm-i gə, ngaa ɓisine ɗaa, n-to nemay lə-si joo kɛm.

Ebərəje 10:24

J-a tɔsə-je kəm-si dɔ naa gə gə yo gə nee, j-a ndəjije naa dɔ nuji gə ngaɓa gə dɔ kula ɗaje gə may gə.

1 Piyɛr 1:21

ꞌTaje kag-e to gə Luba ar n-ce buwa yo gə horo nje gə d-uy gə ngaɓa ula rɔnduba dɔ-ɛ gə, mba kar gə go takagə lə-si ɗaa undaje ne mə-si dɔ Luba gə.