Tite 3:5 - Mbede Lə Luba Kone Gə Sigi

⁵ ɗaa mba kula ɗa-si gə gadə-gadə ɓa n-aji ne si ang, ngaa to gə məmay lə-a gə n-togo-si ne ɗəw kuji gə sigi gə ngaɓa gə go Njil Njerɔsangə gə ar-si təbə gə sigi.

Testament ke Siki 1960 (Kabba Laka)

⁵ Nè nadjidjè mbä, a to mbata koula ke gaté gaté ke djèdjè nda ang, to mbata mè madji la ndja, deo tar toko té ke koudjoudjè ke siki, ke dadjè to ke siki deo Ndil té ke madji toï.

Tite 3:5 Iomraidhean Croise

Matiye 3:11

ꞌMa m-ɗa-si batɛm mə man gə, ɔji dɔ turu kəji, ngaa dəw gə njekore go-m le singamong-ɛ nday-m, ngaɓa m-asə kɔr sabɔgɔ gɔl-ɛ gə ang. ꞌNe ɓa n-a ɗa si batɛm lə Njil Njerɔsangə gə pər.

Lugu 1:50

Ngaɓa, məmay lə-a to gə ɓal-ɓal Dɔ dəwje gə ꞌɓəəl Luba gə

Lugu 1:54

N-la gə Ijirayɛl, ngon njekula lə-a, Mə Luba uy dɔ məmay gə lə-a ang,

Lugu 1:72

Be ɓa, Luba ɗa ne məmay gə ka-sijee Cibi m-e ole ne dɔ kone lə-a gə to gə losang-ɛ.

Lugu 1:78

Luba lə-si to njemənuji nəm ngaɓa to nje məmay gə bo nəm tɔ. N-a kar lo kar gə taar ndogo dɔ si to gə ndogo lə kar gə ce be.

Romaindjé 11:14

mba kar ɗəw to nama nje gə horo gəl kuji-m gə d-ḭ ꞌnər mə ngaɓa gə mba kaji ne nje gə kara-kara horo-je gə.

Romaindjé 11:6

Be ɓa, to gə ɓo to gə mənuji nama, ɗəw tura go kula ɗaje godo; ɓo be ang nama mənuji to mənuji ang. Ngaɓa to gə ɓo gə kula ɗaje nama, to gə mənuji ang, be ang nama, kula ɗa kara to kula ɗa ang tɔ.

Romaindjé 12:2

May kar-si ꞌndajije pa neɗa lə dəwje gə d-aw ɗa dɔ nangə nee ɓisine ang ngaa ḭya̰je rɔ-si yag arje kəji negərə lə-si turu to gə sigi, mba kar-si ꞌgərəje ne mə njigi lə Luba, ne gə may, gə ta kəm-e ngaɓa may pɛdə.

Romaindjé 3:20

Mba dəw kara ja gə a to gadə-gadə no Luba gə go kila kuji dɔ torondu gə ang, mba torondu le ɔr ta ɗəw ar dəwje ꞌgərə ne neɗa gə kṵra̰y.

Romaindjé 3:28

Mba sijee j-əji to gə d-o dəw gə dəw gə gadə-gadə gə go takagə, lal kula ɗaje gə gə go torondu.

Romaindjé 4:5

Kar dəw gə kula ɗ-ɛ godo ngaa takagə Luba gə o dəw gə ɓəəl-e ang gə dəw gə gadə-gadə nama gə go takagə lə-a ja d-a tura ne gə dəw gə gadə-gadə.

Romaindjé 9:11

mba logə nganje le d-uji-je ang ja ɓi ngaɓa ꞌgərə ne gə kṵra̰y gə ne may ang ɓi ja ngaa mba kar ne gə Luba ɔji mba ɗa le aw ne lo-e gə,

Romaindjé 9:16

Be ɓa ɔji go mə njigi lə dəw ang nəm ɔji dɔ singa gə n-unda dɔ mar-ɛ gə ang, ngaa gə go məmay lə Luba.

Romaindjé 9:30

Ɗi ɓa ja pa ɓi wa? Dəwje gə to Jiibije ang gə ꞌsangə go gadə-gadə ang ja, d-inga-a, gadə-gadə gə ɗe gə go takagə,

1 Corinthiendjé 6:11

Ngaɓa ye ja, to neje gə nje gə kɛm horo-si gə, ꞌɗa kede ja tɔ. Ngaa ꞌtogo-si, ngaa d-unda si gə losang-ɛ, ngaa ꞌturu-si gə dəwje gə gadə-gadə gə ri Mbayɓe Jeju Kirisi ngaɓa gə ɗəw Njil Luba gə lə-sijee nəm tɔ.

Galatedjé 2:16

To gə be ɓa, Luba o dəw gə dəw gə gadə-gadə ɔji dɔ kuji gə kila dɔ torondu gə ang ngaa ɔji dɔ takagə Jeju Kirisi. Sijee kara j-a ta kagə Jeju Kirisi mba kar Luba o ne si gə dəwje gə gadə-gadə ɗəw ta kagə Kirisi gə, ɓo dəw a to gadə-gadə ɗəw kila kuji dɔ torondu gə ang, mba dəw kara gə Luba a ko-e gə dəw gadə-gadə gə go kuji gə kila dɔ torondu le godo.

Ephésiendjé 2:4

Ngaa Luba le to gə baw nje ko kəmtondoo, mba njigi gə n-njigi-si le gad-e dum tura.

Ephésiendjé 4:23

ɓo ar-je Njil mbəl kəji negərə lə-si to gə sigi,

Ephésiendjé 5:26

n-tog-e ne gə man gə to gə tar, mba kunda-a gə losang-ɛ

Colossiendjé 3:10

Be ɓa unje pa nja gə sigi gə aw dɔ-ɛ gə kede-kede mba kun ne ndaji njekunda gəl-e mə-si gə mba kar ꞌgər-eje ne ɔr njal.

2 Timoce 1:9

Luba ja aji-si cibi ɓa ɓar-si gə ɓar gə arə ngadə, ɓo gə go kula ɗa si ang ngaa gə go mənuji ɓa n-gɔl ne to gə be ɗəw gə lə Jeju Kirisi kede ləw nam ɓa n-unda dara je gə dɔ nangə ɓi.

Tite 3:4

Ngaa logə Luba gə njekaji-si kila ɗa may lə-a gə njigi lə-a gə ɗaga ɔji dɔ dəwje tɔ̰y,

Ebərəje 10:22

Gəl-e gə nee ɓa, j-ulaje kudu-si gə kede gə mə gə tɔ joo ang, ngaa gə takagə gə tɔgərɔ, gə mə gə ꞌtogo kəji gə kṵra̰y kəne ngaɓa gə darɔ gə ꞌtogo gə man gə arə ngadə tɔ.

Ebərəje 4:16

Be ɓa j-ulaje kudu-si gə kede gə ɓəəl ang, gə mbɔr ngəndəng mbay mənuji gə, mba kinga ne məmay, gə mənuji ngaɓa mba kar logə ne dum dɔ-si nama, n-la gə si kəne.

Ebərəje 6:6

ɓa ꞌtəl d-oso le, ɗəw gə ɗangə gə d-a təl turu ne kəji lə-je to gə sigi le godo. Mba ꞌtəl ꞌɓərə ngon lə Luba kagə dəsə gə to gə sigi gə kar-jejee ja cibi ngaɓa d-unda-a gə ne taji gadəmagay gə.

1 Piyɛr 1:3

Ndu tɔr to dɔ Luba gə Bɔ Mbayɓe lə-si Jeju Kirisije gə, gə go məmay lə-a gə boy ɓa uji si ne to gə sigi, ɗəw ce buwa yo gə lə Jeju Kirisi horo nje gə d-uy gə, mba kar j-unda ne mə-si dɔ kisi kəm baa gə,

1 Piyɛr 2:10

Sisəy gə kede ꞌtoje dəwje gə d-aw baa gə nangə əng ngaa ɓisine ꞌtoje dəwje lə Luba; Luba o kəmtondoo lə-si ang, ngaa ɓisine ɗaa n-o kəmtondoo lə-si ngaa.

1 Piyɛr 3:21

To ndaji batɛm gə aji-si ɓogəne, gə to ɗəw gə ꞌtogo ne neje gə mina darɔ dəw gə ɗaga ang, ngaa, to kun gə dəw un rɔ-ɛ gə kəji gə may ar Luba, ɗəw ce buwa yo gə lə Jeju Kirisi.