Tite 3:2 - Mbede Lə Luba Kone Gə Sigi

² kar d-o̰ dəwje yom-yom ang, gə ꞌto nje tɔsə tarje ang, d-a to njekula nuji naa gə je, d-a kul gə dəwje tɔ̰y gə kul ja yururu.

Testament ke Siki 1960 (Kabba Laka)

² Ta pa tar ke madjang dò doou té kada ang, ta mbeté kòlna, ta kisi dèkèkè, ke ta da mè madji ke dooudjé toï.

Tite 3:2 Iomraidhean Croise

Matiye 11:29

ꞌTaje jugu lə-m ɓo ar-mje tɔji-si ne mba m-to nje məmay gə kula dɔ to mə-m gə, ngaɓa a kingaje lo kuwa kɔr lə kəm lə-si.

Koula 23:5

Ngaɓa Pɔl təl ila kəne na: Ngan ko̰-mje, m-gərə to gə to buba njekapolo ang, mba ꞌɗa mə mbede gə na: ꞋI a pa tar gə kṵra̰y dɔ mbay gə lə dəw mə ɓeje lə-i ang.

1 Corinthiendjé 6:10

nje ɓogoje nəm, nje gə ɓo neje uwa-je ɓərə gə nəm, mbə kodoje nəm, njetaji kilje ose njekunda bagəraje, ꞌjejee tɔ̰y nee le, d-a kuwa ɓeko̰ lə Luba gə nenduba ndɔ kara ang.

1 Corinthiendjé 9:19

Mba dəw kara kara o̰ dɔ-m ang ngaa m-ɗa rɔ-m gə ɓərə lə dəwje tɔ̰y, ɓa gə mba kinga ne nje gə kɔr-je bula al dɔ lo.

2 Corinthiendjé 10:1

ꞌMa Pɔl gə dɔ-m ja, gə dəwje pa tar ɔji dɔ-m na lo gə m-ga̰ gə si naa gə ɗaa, m-ula dɔ-m ngulum, a ɓo m-isi əw nama m-ɗa singa dɔ-si gə le, m-ndəji-si ɗəw kaw yururu gə gə ɗəw məmay gə lə Kirisi,

2 Corinthiendjé 12:20

Mba m-ɓəəl mba kar logə m-ce ɓə lə-si nama, m-inga-si to gə m-njigi le ang baa, ngaɓa sisəy kara kar inga-mje to gə ꞌnjigije le ang tɔ; m-ɓəəl mba kar neje gə to nee a kḭ to: Mbadə tar ta naa gə, nər mə, wungu mbə, kəji mə bo, pa gə naa, pa tar gə to, kunda kar ngaɓa neje gə wɔr-wɔr.

Galatedjé 5:22

Ngaa kandə Njil le ɓa nee: Njigi, rɔləl, ɗɛgɛgɛ, kore ur, məmay, ɗa may, takagə,

Galatedjé 6:1

Ngan ko̰-mje, to gə ɓo dəw gə d-uwa dɔ neɗa gə kṵra̰y nama, sisəy gə Njil ɔr no-si baa ɓi le, ꞌgəd-eje gə kəji gə yururu. ꞌI ja kara unda kəm karə dɔ rɔ-i gə, na bayɛ̰, ꞌi kara, a koso dan nekərə gə tɔ.

Galatedjé 6:10

Gəl-e gə nee ɓa, ɗəw to kar j-a ɗaje may gə dəwje tɔ̰y, ngaa to may kar j-a ɗa gə njetakagəje ja ɓa.

Ephésiendjé 4:2

ulaje dɔ-si ngulum, awje yururu ngaɓa ilaje mə-si dɔ mar-ɛ gə po̰-po̰ tɔ. Oreje ur-si dɔ naa gə gə yo gə nee gə njigi,

Ephésiendjé 4:31

May kar ꞌtɔrəje neje gə to nee le horo-si gə gə ɗangə: Rɔ kadə gə ɗa-ɗa, kəji lə daje, wungu, kunda ndu, pa gə naa ngaɓa məndul gə ɗa-ɗa kara nəm.

Philippiendjé 4:5

May kar dəwje tɔ̰y ꞌgərə kila mə dɔ mar-ɛ gə lə-si. Mbayɓe nay dəb baa.

1 Thessaloniciendjé 2:7

Mba j-a to njeka̰ykulaje lə Kirisi le ɗaa, kəm kar j-a ɗa rɔ-sijee gə dəwje ja to ɓəəl horo-sisəy gə ja, ngaa j-o rɔ-si gə ne ang baa horo-sisəy gə, to to gə ko̰ nganje tɔsə ne kəm-e dɔ ngan-ɛ gə be.

1 Timoce 3:11

Ɗəw kara baa, jeneje kara d-a to dəwje gə d-a kila ngon kuji dɔ-je gə, d-a to nje kunda tarje ang, d-a ɗa mə bo nekusa ang, d-a to dəwje gə kula ɗa-je a to dana gadə-gadə.

1 Timoce 3:3

N-a to ɓərə lə kodo ang, n-a to nje tɔsə tar ang, ngaa n-a to dəw gə kul lom ngaɓa n-a to dəw nuji, n-a to dəw gə ɓo lar a ɗ-ɛ ang.

Jacques 3:17

Ngaa, kəm karə gə ḭ dara le, kede dɔngɔr, to arə ngadə, ngaɓa kul lom, aw yururu, gɔl nuji, kəmtondoo ɗusu m-e, ngaɓa kandə neje gə may gə ɔr kəm dəw ang nəm, pa tar mula ang nəm tɔ.

Jacques 4:11

Ngan ko̰-mje, ꞌpaje tar gə kṵra̰y dɔ naa gə ang. Dəw gə pa tar gə kṵra̰y dɔ ngon ko̰-e gə ose gangə tar dɔ-ɛ nama pa tar gə kṵra̰y dɔ torondu ngaɓa gangə tar dɔ torondu gə tɔ. A to gə ɓo, ꞌgangə tar dɔ torondu gə nama, ꞌto nje ɗa kula gə torondu ang, ngaa to gə nje gangə tar dɔ-ɛ gə.

1 Piyɛr 2:1

Ne ja gə ne gə kṵra̰y nama ɔsə-je ngərəng, ngaɓa kərə dəw, tar mula, ɗa mal ne gə pa tarje gə kṵra̰y dɔ dəw gə.

1 Piyɛr 3:10

Dəw gə ɓo njigi kisi gə təbə gə gə maj-ɛ Ngaɓa kuba may gə ndɔ-ndɔ, Nama, may kar ngom t-ɛ dɔ tar gə kṵra̰y gə, gə dɔ tarje gə kar kərə dəwje gə;

1 Piyɛr 3:8

Ɗudu tar gə m-a pa ɓa nee: Ar-je kəji lə-si um go naa gə, umje mə-si naa gə, ꞌnjigije naa gə ngan ko̰ naaje ja, ꞌɗaje məmay gə naa, ulaje dɔ-si ngulum.

1 Piyɛr 4:4

Logə d-o to gə a̰yje gə je ngɔdə dɔ-si gə lo neɗaje gə kṵra̰y gə al dɔ lo le ang ɗaa d-o gə ne gə sigi, ɗaa ꞌtəlje ꞌpaje tar gə kṵra̰y dɔ-si gə.

2 Piyɛr 2:10

ꞌJejee gə gə go mal neje gə mina, ꞌsangə ne go rɔləl gə darɔ gə ɗaa ꞌdabə ne singamongə lə Mbayɓe dasəra ja ɓa a kədərə gə je. ꞌTo nje mə bo nekusaje, nje gasəraje, ꞌɓəəl taji nekundaje gə dara gə riɓar to dɔ-je gə ang,

Jude 1:10

Ngaa dəwje gə kən le, ne gə ꞌgərə ang kara ꞌtaji nəm, ngaɓa ꞌdole go kəji lə-je to gə daje gə mu gə kore dɔ-je godo be, ꞌtuji ne rɔ-je pugudu.

Jude 1:8

Be ja kara, dəɓ-eje nee le ꞌtuji rɔ-je pugudu ɗəw kəjije gə lə-je, ꞌdabə nee singamongə lə Mbayɓe, ꞌtaji nee njeriɓarje gə mə dara gə nəm tɔ.