Tite 2:2 - Mbede Lə Luba Kone Gə Sigi

² ꞌPa ar dəwje gə tɔgə ar-je ꞌɗa mə bo nekusa ang, ɓo d-ila ngon kuji dɔ rɔ-je gə nəm, gə kar ꞌgərə pa tar tɔgə nəm, kar takagə lə-je mbɔr-ɛ ang nəm ngaɓa ꞌtɔji njigi gə tɔgərɔ ngaɓa kar d-uwa gədərə nəm tɔ.

Testament ke Siki 1960 (Kabba Laka)

² Epa are bouka dingaodjé ta to boo ke da ròdè té, ta kisi dèkèkè ke kedji ke madji, ke ko mè té ke gaté gaté, ke ndiki, ke mè ke enge ang.

Tite 2:2 Iomraidhean Croise

Marəke 5:15

ꞌƊe rɔ Jeju gə ɗaa d-inga dəw gə njilje gə kṵra̰y bula ce m-e gə le, isi nangə, ula kubu rɔ-ɛ gə, ngaɓa kəji lə-a to gə maj-ɛ, ɗaa ɓəəl unda-je badə gangə-je.

Lugu 8:35

Dəwje ꞌce budu-budu d-aw d-o ne gə nday le. Logə ꞌɗe rɔ Jeju gə ɗaa d-inga dəw gə njilje gə kṵra̰y ce m-e gə le, isi no Jeju gə, ula kubu rɔ-ɛ gə ngaɓa kəji lə-a to gə maj-ɛ. Ɓəəl unda-je badə gangə-je.

Koula 24:25

Ngaa logə Pɔl pa tar gə ɔji dɔ neɗa gə gadə-gadə, gə ko̰ dɔ rɔ ngaɓa gangə tar gə dɔ ndɔ gə bara ɗaa ɓəəl unda Pilis badə gang-e ar pa ar-ɛ na: Dɔ kar gə nee ɗaa, aw mbum ɗaa logə m-inga dɔ kar ɗaa m-a təl ɓar-i ɓi.

Romaindjé 12:3

Be ɓa m-pa m-ar-si gə go nuji gə d-uwa sə-m le ɗaa, mba kar dəw kara ja kəji lə-a to kəji kəsə tar gə kəji dɔ godo ang, ngaa kar kəji tar lə-a to gə maj-ɛ gə go ɗəb-e, na-na kara gə go singa takagə gə Luba ar-ɛ.

1 Corinthiendjé 15:34

ꞌNdolje dɔ rɔ-si gə to gə tɔgərɔ ngaɓa undaje ngangə ɗa neɗa gə kṵra̰y, mba nje gə kɛm ꞌgərə Luba ang, m-pa m-ila ne rɔ kul dɔ-si gə.

1 Corinthiendjé 9:25

Dəw gə njeka̰y ngɔdə gə ɗa-ɗa kara sangə rɔ-ɛ dɔ neje gə tɔ̰y, ngaa ꞌjejee nee le ꞌɗa be mba kinga ne dɔ gugu gə a tuji pugudu baa, ngaa kar-sijee le ɗaa to dɔ gugu gə a tuji ang.

2 Corinthiendjé 5:13

Be ɓa, to gə ɓo sijee ja to mbəje nama, ja to mbəje lə Luba, ose sijee ja to njekəm karəje nama, ja to njekəm karəje lə-sisəy.

Galatedjé 5:23

kaw yururu, kuwa mə ngangə; neje gə nee le, torondu ila tar dɔ-ɛ gə ang.

Philippiendjé 4:8

Ɗudu tar ɗaa, ngan ko̰-mje, may kar ne gə tɔgərɔ, ne gə kəm ɗɔy, ne tɔ̰y gə gadə-gadə, ne tɔ̰y gə arə ngadə, ne gə kəm njigi, ne tɔ̰y gə kar dəw njigi go-e gə, ne tɔ̰y gə may ta kəm dəwje gə ngaɓa asə pidi, kar ye ɓa to mə kəjije gə lə-si.

1 Thessaloniciendjé 5:6

J-a cibi to gə nje gə kɛm ang, ngaa ar-si j-isije kəm baa ngaɓa j-undaje kəm karə dɔ rɔ-si gə.

1 Thessaloniciendjé 5:8

Ngaa sijee gə ja to nje nja dan kara-je le, j-undaje kəm karə dɔ rɔ-si gə: J-ulaje kubu ɗɔ gə ngira king-king kar takagə, gə kar njigi ngaɓa jɔgə kar kunda mə lə kaji.

1 Timoce 1:10

bula jagədaje, jingawje gə njeto gə naaje gə jeneje gə njeto gə naaje, dəwje gə njeɗabə ɓərəje, njeɗəgərəje, njetuga najije ngaɓa mba dəwje gə ɗa ne gə tila kəm nendo gə tɔgərɔ.

1 Timoce 1:14

Ngaa mənuji lə Mbayɓe lə-si gə ɔji dɔ-m le al dɔ-m, m-ta kag-e ngaɓa m-inga njigi ḭ rɔ Kirisi Jeju gə nəm tɔ.

1 Timoce 1:2

ɓa m-ɗa mbede nee m-ar-i, Timoce, ꞌi gə m-o-i to gə ngon njigi lə-m gə tɔgərɔ gə ɗəw takagə gə. M-dəji Luba gə Bɔ je gə Kirisi Jeju gə to Mbayɓe lə-si mba kar d-ar-i mənuji, ꞌɗa sə-i məmay ngaɓa d-ar-i ɗɛgɛgɛ tɔ.

1 Timoce 1:5

ꞌI a kun ndu nee le mba kar dəwje njigi naa gə yoo gə nee, njigi gə ḭ mə gə arə ngadə, kəji gə to gə maj-ɛ ngaɓa gə takagə gə tɔgərɔ.

1 Timoce 3:11

Ɗəw kara baa, jeneje kara d-a to dəwje gə d-a kila ngon kuji dɔ-je gə, d-a to nje kunda tarje ang, d-a ɗa mə bo nekusa ang, d-a to dəwje gə kula ɗa-je a to dana gadə-gadə.

1 Timoce 3:2

Be ɓa, may kar nje ka dɔ lo kuwa dɔ naa le tar a kuwa dɔ-ɛ ang, n-a to nje jene gə kara, n-a ɗa mə bo nekusa ang, n-a kunda kəm karə dɔ rɔ-ɛ gə, n-a to njekuwa nuji, n-a to nje kuwa mbaje cibi n-a kasə mba tɔji ne dəwje.

1 Timoce 3:4

N-a to dəw gə a kasə ngom mə kəy lə-a gə maj-ɛ ngaɓa ngan-ɛje d-a koso kul no gɔl-ɛ gə maj-ɛ pɛdə.

1 Timoce 3:8

Ɗəw kara baa, diyakərəje d-a to dəwje gə d-a kila ngon kuji dɔ rɔ-je gə gə maj-ɛ, ndu-je a kḭ joo ang, d-a toje gə ɓərə lə kodo ang ngaɓa d-a mbɔl-ɛ lar ang tɔ.

1 Timoce 5:1

Əw rɔ-i mba ndangə dəw gə tɔgə, may pa sə-a tar to gə bɔ-ije be, ar tar ndəji ngan basa̰ to gə to ngan ko̰-ije be ja tɔ.

Tite 1:13

Tar naji lə-a le to tar gə tɔgərɔ ja ɗaa gəl-e gə ne ɓa ꞌsiri-je gə maj-ɛ mba kar ꞌtɔgəje ne ɗəw takagə gə dɔ gɔl-ɛ,

Tite 1:8

ꞌne n-a to njekuwa mbaje, n-a njigi neɗa gə may, n-a to dəw gə gadə-gadə, n-a sangə rɔ-ɛ mba Luba ngaɓa n-a ko̰ dɔ darɔ-ɛ,

Tite 2:7

dan neje gə tɔ̰y le, ꞌi ja un rɔ-i gə ne kɔji mar-ɛ ɗəw ɗa kulaje gə may gə, ngaɓa ꞌtɔji tar gə tɔgərɔ ja, gə a kasə kəm ta ji joo

Pilimo 1:9

m-njigi koso kul no-i gə ri njigi, m-dəji ne kara. ꞌMa Pɔl, gə m-tɔgə ngaɓa mə kar gə ne ɗaa m-to kəy kula gə lə Kirisi Jeju,

1 Piyɛr 1:13

Gəl-e gə nee ɓa, ilaje ɓərə-si kagə, undaje kəm karə dɔ rɔ-si gə ngaɓa undaje mə-si dɔ mənuji gə d-a kar-si dɔ ndɔ gə Jeju Kirisi a kila rɔ-ɛ gə ɗaga.

1 Piyɛr 4:7

Ɗudu neje nay njɛ̰ baa, ɗaa ꞌcibije dɔ rɔ-si gə ang ngaɓa undaje kəm karə dɔ rɔ-si gə ɗəw dəji Luba gə.

1 Piyɛr 5:8

Undaje kəm karə dɔ rɔ-si gə, ꞌcibije dɔ rɔ-si gə ang, njeba̰a̰ lə-si, ꞌSɛ̰ngərɛ̰ uwa mii hər-hər gugu ne si kɔrɔrɔ-kɔrɔrɔ to to gə ꞌnam be, sangə ne dəw gə a kore kuwa-a;

2 Piyɛr 1:6

ko̰ dɔ darɔ ɔsə kudu negərə, kuwa gədərə ɔsə kudu ko̰ dɔ darɔ, kila kuji dɔ ne gə lə Luba ɔsə kudu kuwa gədərə,