Tite 2:11 - Mbede Lə Luba Kone Gə Sigi

¹¹ Mənuji lə Luba gə to gəl kaji lə dəwje tɔ̰y le kila rɔ-ɛ gə ɗaga.

Testament ke Siki 1960 (Kabba Laka)

¹¹ Mbata tokou mè madji lo Allah téh daka ta kadji dooudjé toï.

Tite 2:11 Iomraidhean Croise

Matiye 28:19

Awje, ɓo ꞌturuje gəl kuji dəwje tɔ̰y gə ngan njenendoje ngaɓa ꞌɗaje-je batɛm gə ri Bɔ, gə Ngon, gə Njil Njerɔsangə,

Marəke 16:15

Ngaɓa, n-pa n-ar-je na: Awje gə lo tɔ̰y dɔ nangə nee, ilaje mbərə Tar gə May ar-je dəwje tɔ̰y.

Lugu 24:47

Ɗaa, d-a kila mbərə turu kəji gə kar kɔr tar neɗa gə kṵra̰y gə ri-a dɔ gəl kuji dəwje gə tɔ̰y, a kun kud-e mə ɓe gə Jerujalɛm gə.

Lugu 3:6

Gəl-e gə nee ɓa, dəwje kara kara tɔ̰y d-a ko kaji gə Luba ula ne le.

Jean 1:14

Tar le təl rɔ-ɛ gə dəw, cibi ɓa isi horo-si gə mənuji gə tar gə tɔgərɔ ɗusu m-e tub-tub, ngaɓa sijee j-o rɔnduba lə-a, to to gə rɔnduba kar Ngon kara gə inga rɔ Bɔ-ɛje gə.

Jean 1:9

Lokarə le to gə lokarə gə tɔgərɔ gə ɗe ndogo dɔ nangə gə nee, mba kar dəw gə ɗa-ɗa kara o ne lo.

Koula 11:23

Logə n-ce Antiyos gə to gə n-o mənuji lə Luba ɗaa n-ɗa rɔləl ngaɓa n-ula jingaw mə-je gə mba kar d-um mə-je dɔ Mbayɓe gə.

Koula 13:43

ngaa logə mbo̰ naa unda ngang-ɛ ɗaa Jiibije bula gə njetəl Jiibije njekila kuji dɔ ne gə lə Lubaje ꞌndole go Pɔl je gə Barənabas, ꞌto̰ gə je tam ngaɓa d-ula jingaw mə-je gə mba kar d-uwa tar mənuji lə Luba gədərə.

Koula 13:47

Mba Mbayɓe ja ɓa un ndu-e ar-si to gə be na: M-unda-i gə ne kɔji mar-ɛ lə Gəl kuji dəwje, Mba kar aw gə tar kaji saar ꞌce ne ko̰ nangə gə.

Koula 17:30

Luba le, ḭya̰ go neje gə dəw ɗa dɔ kar mbə gə ɗaa ɓogəne ila mbərə ar dəwje gə lo tɔ̰y ja mba kar ꞌturu kəji lə-je,

Koula 20:24

Ngaa kara ja kara m-o təbə lə-m gə ne gə to ɓəəl ta kəm gə ang, may kar m-tɔl ta ngɔdə lə-m ngaɓa ta kula gə m-inga ji Mbayɓe Jeju gə, gə to kila mbərə Tar gə May kar mənuji lə Luba.

Romaindjé 10:18

Ngaa m-pa na: Ko ɓa d-o ang wa? Ngaa gə Ndu-je ta lo dɔ nangə nee tɔ̰y le, Ngaɓa tarje gə ꞌpa le ɔr sṵra̰ dɔ nangə njal.

Romaindjé 5:15

Ngaa, ne mənuji gə d-ar baa le asə naa gə kal tar ang, mba to gə ɓo kal tar lə dəw kara baa ɓa dəwje d-uy ne nama mənuji lə Luba bo unda kal tar, ngaɓa nekarə baa gə ɗe ɗəw gə lə dəw kara baa, Jeju Kirisi mba dəwje bula le to ɓəəl ya̰ ja cibi.

Romaindjé 5:2

mbɔr dɔ-ɛ ꞌne ɓa gə go takagə ɗaa j-inga ne mənuji gə j-ar kəne njang, ngaɓa j-unda mə-si dɔ rɔnduba gə Luba a kar-si j-inga sə-a gə gə rɔləl.

2 Corinthiendjé 6:1

Mba sijee ja ɗa kula naa gə kara baa gə Luba, ja ndəji-si mba mənuji lə Luba gə ingaje le, kar oje gə ne gə baa ang.

Galatedjé 2:21

ꞌMa, m-mbadə mənuji lə Luba ang, mba to gə ɓo dəw a to dəw gə gadə-gadə ɗəw gə torondu nama, Kirisi uy baa ja.

Ephésiendjé 2:5

Sijee gə j-uy ɗɔdə mba neɗa-sijee gə gə dɔ gɔl-ɛ ang le n-ar-si ja təl j-isi kəm baa gə Kirisi naa gə – mbɔr dɔ mənuji ɓa sisəy ajije ne kəbərə.

Ephésiendjé 2:8

Be ɓa, mbɔr dɔ mənuji ɓa sisəy ajije ne kəbərə ɗəw takagə gə. Sisəy ɓa ngira kaji nee le ḭ rɔ-si gə ang, to nekarə baa lə Luba,

Colossiendjé 1:23

Ne kara baa le ɗaa, may kar ar-je dɔ takagə gə, ꞌɓərəje ngira-si kəne, gə ar-je njang, awje əw gə kunda mə gə Tar gə May pa tar-ɛ ar-si le ang. Tar gə May gə ꞌpa d-ar nekundaje tɔ̰y gəl dara gə, ngaɓa ꞌma Pɔl m-təl m-to nje kul-ɛ tɔ.

Colossiendjé 1:6

Tar gə May gə nee le aw ce ɓə lə-si, ɗəw kara baa to gə kand-e to ngaɓa ta dɔ nangə tɔ̰y ja to to gə to ne horo-sisəy gə kede ləw dɔ ndɔ gə oje ne tar mənuji lə Luba gə dɔgɔr-ɛ ja ngaɓa ꞌgərəje tar mənuji nee le to gə tar gə tɔgərɔ ja,

2 Thessaloniciendjé 2:16

May kar ꞌne gə Mbayɓe lə-si Jeju Kirisi je gə Bɔ-sijee Luba gə njigi-si ɓa ula jingaw mə-si gə gə ndɔ gə ndɔ ngaɓa ar-si ne kunda mə gə gə may pɛdə ɗəw mənuji gə le,

1 Timoce 1:14

Ngaa mənuji lə Mbayɓe lə-si gə ɔji dɔ-m le al dɔ-m, m-ta kag-e ngaɓa m-inga njigi ḭ rɔ Kirisi Jeju gə nəm tɔ.

1 Timoce 2:4

ꞌNe gə n-njigi kar dəwje tɔ̰y d-inga kaji ngaɓa kar dəwje ꞌtəl gərə tar gə tɔgərɔ.

2 Timoce 1:10

Ɓisine ɗaa Luba tɔji mənuji nee le gə ɗaga ɗəw gə lə Njekaji-si Kirisi Jeju. Mba Kirisi Jeju ɗe guru singamongə yo rug-rug cibi ɓa ɗe gə Tar gə May mba kar dəwje d-inga nee təbə gə ɗəw Njil gə a ndum ang, ɗəw Tar gə May gə.

2 Timoce 4:17

Ngaa Mbayɓe ja to dər gəl-m ngaɓa ar-m singa m-pa ne tar lə-a m-ar gəl kuji dəwje gə ꞌgərə Luba ang d-o mba kar aw ne lo-e gə. Mbɔr dɔ singamongə lə Luba ɓa m-ce ne ta tobḭ gə.

Ebərəje 12:15

May kar-si oje gə maj-ɛ mba kar mənuji lə Luba lal dəw kara ang, mba kar dəw təl to riya gə adə, mba riya gə adə le oso mə mar-ɛ gə nama a tuji mar-eje tɔ̰y ɗaa dəw a kusa ang.

Ebərəje 2:9

Ngaa nje koso kul no anjije gə kur-e əw ɓəəl baa le, Jeju gə j-o rɔnduba gə d-ula dɔ gə, gə ɗɔy gə ꞌɗɔy-ɛ, mba ꞌməsərə yo gə n-o, be ɓa gə go mənuji lə Luba ɓa n-o ne yo gə rɔ-ɛ mba-si tɔ̰y.