Tite 2:10 - Mbede Lə Luba Kone Gə Sigi

¹⁰ gə kar ꞌmbɔlɛ ne kara gə ɓogo ang, ngaa d-a tɔji to gə ꞌto dəwje gə may, be ɓa dəwje d-a kula ne rɔnduba dɔ tar gə lə Luba gə njekaji-si.

Testament ke Siki 1960 (Kabba Laka)

¹⁰ Aséh ta boukou ang, a ta da ke mè ndaa kaï ke tokoro toï, baa ta kare dèdè dòsou gadji tar lo Allah, ndjè kadjidjè ke né toï.

Tite 2:10 Iomraidhean Croise

Matiye 24:45

Na ɓa to ngon njekula gə to ngon kuji gə to nje kəm karə, ɓa ꞌɓəə-eje um kula ji-a gə, mba kar-ɛ ar dəwje gə mə kəy gə nekusa gə dɔ kar-ɛ kar-ɛ wa?

Matiye 5:16

Be ɓa ar-je pər lə-si ndogo no dəwje gə, mba kar d-o ne neɗa-sijee gə may-may, ngaɓa d-a kɔsə ne gaji Bɔ-sijee Luba gə isi mə dara gə.

Lugu 1:47

Njil-m ɗa rɔləl mba Luba, Njekaji-m,

Lugu 1:80

Be ɓa, ngon le tɔgə ngaɓa uba singa ɗəw njil gə. N-isi ndag lo gə saar ndɔ gə n-tɔji ne rɔ-ɛ no Ijirayɛlje gə.

Lugu 16:10

Dəw gə to ngon kuji ɔji dɔ ne gə njɛ̰ gə nama a to ngon kuji ɔji dɔ ne gə bo ja tɔ, a ɓo dəw gə to nje ɗa ne dɔ buguru ɔji dɔ ne gə njɛ̰ ang nama, a to nje ɗa ne dɔ buguru ɔji dɔ ye gə bo ang tɔ.

Jean 12:6

N-pa bənəng mba kəji gə n-əji dɔ njendooje gə to gə tɔgərɔ ang, ngaa mba n-to nje ɓogo, ngaɓa ɓɔl lar gə to ji-a gə le, n-ula ji-a n-un ne gə d-um kəne taar-taar tɔ.

1 Corinthiendjé 4:2

Ne gə ꞌnjigi ko rɔ nje ka dɔ ne gə le ɗaa, kar n-to dəw gə dana gadə.

Ephésiendjé 4:1

M-ndəji-si, ꞌma gə m-to kəy kula gə mba to gə m-to ngon njekula lə Mbayɓe le, mba kar-si ꞌnjaje pa nja gə dana gadə gə go njigi gə ꞌnjigije ta ɓar gə ꞌɓar-si gə,

Philippiendjé 1:27

Ne kara baa le ɗaa, ar-je pa nja-si uwa buwa Tar gə May lə Kirisi, gə mba kar le m-aw m-o-si ose m-godo kara kar m-o tar-ɛ to gə ar-je njang mə kəji gə kara baa, umje mə-si naa gə kara, ꞌɗɔje mba takagə gə ɔji dɔ Tar gə May,

Philippiendjé 4:8

Ɗudu tar ɗaa, ngan ko̰-mje, may kar ne gə tɔgərɔ, ne gə kəm ɗɔy, ne tɔ̰y gə gadə-gadə, ne tɔ̰y gə arə ngadə, ne gə kəm njigi, ne tɔ̰y gə kar dəw njigi go-e gə, ne tɔ̰y gə may ta kəm dəwje gə ngaɓa asə pidi, kar ye ɓa to mə kəjije gə lə-si.

1 Timoce 1:1

ꞌMa, Pɔl gə Kirisi Jeju ɗa-m gə njeka̰ykula lə-a, gə go ndu lə Luba Njekaji-si je gə Kirisi Jeju gə to ne kunda mə dɔ gə lə-si,

1 Timoce 5:17

May kar ngatɔgəje gə d-o̰ dɔ kula gə maj-ɛ le, njetakagəje d-a kila riɓar dɔ-je gə gɔl joo, nje gə d-ula rɔ-je ndubu ɗəw pa tar gə lə Luba ngaɓa ɗəw netɔji gə ja ɓa.

1 Timoce 6:1

Dəwje tɔ̰y gə jugu ɓərə to gɔbə-je gə le, may kar je d-ula dɔ-je d-ar ꞌɓəə-jeje ɓa gə mba kar dəwje taji ne ri Luba ang, ose taji ne nendo gə ꞌtɔji-je le ang tɔ.

1 Timoce 6:3

To gə dəw gə ɗa-ɗa ɓa tɔji ne gə dang baa ose nja mə tar gə lə Mbayɓe Jeju Kirisi, ose nja gə go nendo gə ɔji kila kuji dɔ ne gə lə Luba ang nama,

Tite 1:3

Tar gə Luba gə njekaji-si um ji-m gə le dɔ kar-ɛ asə ɗaa ye ja un ndu-e ar-m mba kar-m m-pa gə ɗaga.

Tite 3:4

Ngaa logə Luba gə njekaji-si kila ɗa may lə-a gə njigi lə-a gə ɗaga ɔji dɔ dəwje tɔ̰y,

1 Piyɛr 2:12

Ar-je pa nja-si to gə maj-ɛ horo dəwje gə ꞌgərə Luba ang gə, mba kar logə ꞌpa na ꞌɗaje ne gə kṵra̰y kəne nama, kula ɗa si gə may ɓa d-o kəne ngaɓa kar d-ɔsə ne gaji Luba dɔ ndɔ ɗe gə lə-a.

1 Piyɛr 3:16

ɗaa ꞌpaje gə ndu gɔsə gə kul yururu gə kila kuji, ar-je kəji gə may ɓa uwa mə-si, mba kar lo gə d-aw ꞌpa gə si kəne nama, rɔ kul ɗa ne nje pa tarje gə kṵra̰y dɔ pa nja-si gə may gə ɗəw gə lə Kirisi.

2 Jean 1:9

Dəw gə ɗa-ɗa ɓa ar əw, cibi ngom nendo lə Kirisi ang nəm nama, Luba godo m-e gə. Dəw gə ngom nendo nama Bɔ je gə Ngon d-isi m-e gə.