Tite 1:3 - Mbede Lə Luba Kone Gə Sigi

³ Tar gə Luba gə njekaji-si um ji-m gə le dɔ kar-ɛ asə ɗaa ye ja un ndu-e ar-m mba kar-m m-pa gə ɗaga.

Testament ke Siki 1960 (Kabba Laka)

³ Ke ndè té ke ase ntéh daka ke tar maketourou la, deo té lo tar ke ma mpa, ke Allah ndjè kadjidjè pa ta karem ngem.

Tite 1:3 Iomraidhean Croise

Marəke 1:15

N-pa na: Dɔ kar asə nam, ɓeko̰ lə Luba le nay əw ang baa. ꞌTuruje kəji lə-si, ɓo ꞌtaje kagə Tar gə May.

Marəke 13:10

Dɔngɔr-ɛ ja ɗaa may kar d-ila mbərə Tar gə May nee le d-ar gəl kuji dəwje tɔ̰y ɓa.

Marəke 16:15

Ngaɓa, n-pa n-ar-je na: Awje gə lo tɔ̰y dɔ nangə nee, ilaje mbərə Tar gə May ar-je dəwje tɔ̰y.

Lugu 1:47

Njil-m ɗa rɔləl mba Luba, Njekaji-m,

Koula 10:36

Luba ula Jeju Kirisi gə to Mbayɓe lə dəwje tɔ̰y ar-ɛ ila mbərə Tar gə May gə kar kinga ne ɗɛgɛgɛ ɗəw gə lə-a ar ngan Ijirayɛlje.

Koula 17:26

N-ɗa n-ar gəl kuji dəwje gə d-isi dɔ nangə nee gə lo-lo le, gar-je kara baa ja, n-ɔji dɔ ndɔje gə ɗəw nim ɓeje lə-je,

Romaindjé 15:19

ɗəw singamongə netɔjije gə neje dang-dang gə kəm dəw o ndɔ kara ang, ɗəw singamongə Njil, un kud-e Jerujalɛm saar ce ne Iliri ja m-ila mbərə Tar gə May lə Kirisi m-ar ta lo ya̰-ya̰.

Romaindjé 16:25

Dəw gə asə kar-sisəy singa gə go Tar gə May lə-m ngaɓa gə go tar lə Jeju Kirisi gə m-ila mbər-e, ngaɓa gə go ne gə to lokiya gə ləw baa gə ꞌkila gə ɗaga,

Romaindjé 16:26

ngaa ɓisine kila rɔ-ɛ gə ɗaga gə go mbedeje gə pajambərəje ꞌɗa, gə go ndu Luba gə nje kisi saar-saar gə no le, ꞌkila d-ar gəl kujije tɔ̰y ꞌgərə mba kar d-ila ne kɔji gə go takagə,

Romaindjé 5:6

Mba, logə sijee j-a to nje tɔgə godoje ɓi ja, dɔ kar asə ɗaa Kirisi uy mba nje ɓəəl Luba angje.

1 Corinthiendjé 9:17

To gə ɓo to kula gə ꞌma ja m-ɗa gə mə njigi lə-m nama kuga-a a ga̰; ngaa ɓo d-uwa-m gə singa nama to kula gə d-um ji-m gə gə kum.

Galatedjé 4:4

Ngaa logə dɔ kar gə d-ɔji asə ɗaa, Luba ula ngon-e. Jene ɓa uji-e, ɗaa n-tɔgə gəl torondu gə.

Ephésiendjé 1:10

gə mba ɗa, logə dɔ kar-ɛ a kasə: kuwa neje tɔ̰y dɔ naa gə ko gəl Kirisi gə, neje gə mə dara gə, gə neje gə dɔ nangə gə nee.

Ephésiendjé 2:17

N-ɗe n-ila mbərə Tar gə May gə ɔji dɔ ɗɛgɛgɛ n-ar-sisəy gə isije əw, ngaɓa nje gə d-isi dəb kara nəm tɔ;

Philippiendjé 1:13

Be ɓa, dəwje tɔ̰y gə d-aw ɗa kula kəy mbay gə, gə nje gə ɗangə tɔ̰y ja kara ꞌgərə to gə ꞌma le d-uwa-m d-ila-m kəy kula gə mba tar lə Kirisi.

Colossiendjé 1:23

Ne kara baa le ɗaa, may kar ar-je dɔ takagə gə, ꞌɓərəje ngira-si kəne, gə ar-je njang, awje əw gə kunda mə gə Tar gə May pa tar-ɛ ar-si le ang. Tar gə May gə ꞌpa d-ar nekundaje tɔ̰y gəl dara gə, ngaɓa ꞌma Pɔl m-təl m-to nje kul-ɛ tɔ.

Colossiendjé 1:6

Tar gə May gə nee le aw ce ɓə lə-si, ɗəw kara baa to gə kand-e to ngaɓa ta dɔ nangə tɔ̰y ja to to gə to ne horo-sisəy gə kede ləw dɔ ndɔ gə oje ne tar mənuji lə Luba gə dɔgɔr-ɛ ja ngaɓa ꞌgərəje tar mənuji nee le to gə tar gə tɔgərɔ ja,

1 Thessaloniciendjé 2:4

ngaa mba Luba na mə-sijee ɗaa o-si gə maj-ɛ ɓa um kula kila mbərə Tar gə May ji-si gə, be ɓa j-a pa tar mba may ne ta kəm dəwje baa ang ngaa mba may ne ta kəm Luba gə nje na mə dəwje.

1 Timoce 1:1

ꞌMa, Pɔl gə Kirisi Jeju ɗa-m gə njeka̰ykula lə-a, gə go ndu lə Luba Njekaji-si je gə Kirisi Jeju gə to ne kunda mə dɔ gə lə-si,

1 Timoce 1:11

Nendo nee le to Tar gə May kar riɓar lə Luba, gə kɔsə gaji to dɔ-ɛ gə, Luba um ji-m gə to gə tɔgərɔ.

1 Timoce 2:3

Ye gə nee le ɓa to ne gə may ngaɓa to ne gə to ngira rɔləl lə Luba, Njekaji-si.

1 Timoce 4:10

to gə ɓo ja ɗaje kula gə singa-si cibi ja ɗɔje mba j-unda mə-si dɔ Luba gə nje kisi kəm baa gə nama, ꞌne gə n-to Njekaji dəwje tɔ̰y, ngaa njetakagəje ja ɓa.

2 Timoce 4:17

Ngaa Mbayɓe ja to dər gəl-m ngaɓa ar-m singa m-pa ne tar lə-a m-ar gəl kuji dəwje gə ꞌgərə Luba ang d-o mba kar aw ne lo-e gə. Mbɔr dɔ singamongə lə Luba ɓa m-ce ne ta tobḭ gə.

Tite 2:10

gə kar ꞌmbɔlɛ ne kara gə ɓogo ang, ngaa d-a tɔji to gə ꞌto dəwje gə may, be ɓa dəwje d-a kula ne rɔnduba dɔ tar gə lə Luba gə njekaji-si.

Tite 2:13

gə mba ngina ne ndɔ gə may gə j-um mə-si kəne. To ndɔ gə Jeju Kirisi gə to Luba gə boy gə njekaji-si a ɗe ne dan rɔnduba gə.

Apocalypse 14:16

Ye gə isi dɔ kil lə nji le ila marəm lə-a dɔ nangə gə, ɗa unja ne ko gə dɔ nangə nee tɔ̰y.