Romaindjé 9:3 - Mbede Lə Luba Kone Gə Sigi

³ Mba m-njinga kar ꞌma ja ɓa kugu uwa-m ngaɓa kar ꞌma ja m-um naa gə Kirisi ang mba may lə ngan ko̰-m, njenujije lə-m gə ɗəw darɔ gə,

Testament ke Siki 1960 (Kabba Laka)

³ Mbata mem ndiki ke ma ndja minga tadji ke ta kaim ke Christ mbata ngakömdjé ke to gel koudjoum.

Romaindjé 9:3 Iomraidhean Croise

Koula 13:26

Ngan ko̰-mje, sisəy gə gəl kuji Abəraham gə ngaɓa nje ꞌɓəəl Luba horo-si gə, tar kaji nee le, sijee ja ɓa Luba ula-a ne ar-si.

Koula 22:5

Buba njekapolo kara to njetar naji lə-m tɔ ngaɓa ngatɔgəje tɔ̰y nəm, ɓa ꞌɗa mbede d-un ne ɗəw d-ar-m ɔji dɔ ngan ko̰ naaje gə mə ɓe gə Damasə, mba kar-m m-aw kəne ɓo m-tɔ-je m-ɗe gə je Jerujalɛm mba kar ꞌbɛ̰ ta-je.

Koula 28:21

Be ɓa ꞌtəl d-ila-a kəne na: J-inga mbede kara gə ḭ dɔ nangə gə Jude ɗe pa tar gə ɔji dɔ-i ang ngaɓa dəw kara horo ngan ko̰-si gə gə un tar lə-i ɗe ne ose pa tar gə kṵra̰y dɔ-ɛ gə ang baa.

Romaindjé 1:3

ɔji dɔ ngon-e gə d-uji-e gəl kuji gə lə Dabidi, ɗəw darɔ gə,

Romaindjé 11:1

M-dəji tar na: Luba mbadə dəw mə ɓeje lə-a wa? N-mbadə-je ang! Mba ꞌma kara, m-to Ijirayɛl tɔ, gə gəl kuji Abəraham gə, gə gəl ka gə lə Bɛnjamɛ̰.

Romaindjé 11:14

mba kar ɗəw to nama nje gə horo gəl kuji-m gə d-ḭ ꞌnər mə ngaɓa gə mba kaji ne nje gə kara-kara horo-je gə.

Romaindjé 16:11

Oje Erɔdiyo̰ ar-mje, n-to njenuji lə-m. Oje nje gə kəy lə Narəsis gə to nje kar Mbayɓe ar-mje.

Romaindjé 16:21

Timoce gə to nje baa kula lə-m, na m-o-si m-ar ne, ngaɓa Lusiyus, Jaso̰ je gə Sosipatɛr, gə to njenujije lə-m kara na m-o-si tɔ.

Romaindjé 16:7

Oje Andoronikus je gə Juniyas ar-mje, ꞌjejee gə to njenujije lə-m ngaɓa ꞌto njebakuwaje lə-m, gə ꞌto njeriɓarje gə may horo njeka̰ykulaje gə, ngaɓa ꞌto nje kar Kirisije kede no-m ꞌma gə.

Romaindjé 9:2

mə-m gangə man to gə boy ngaɓa ɓəngərə-m ti mbidi gə kede-kede.

1 Corinthiendjé 12:3

Gəl-e gə nee ɓa m-pa m-ar-si dəw gə Njil lə Luba nay sə-a a kasə pa na: Kugu uwa Jeju, a pa be ang, ngaɓa dəw gə Njil Njerɔsangə nay sə-a ja ɓa a pa na: Jeju to Mbayɓe.

1 Corinthiendjé 16:22

Dəw gə ɓo njigi Mbayɓe ang nama may kar ndɔɔl uwa dɔ-ɛ! Maranata, m-e na Mbayɓe, ꞌɗe.

2 Corinthiendjé 12:15

Ɔji dɔ-m ꞌma ɗaa a to nerɔləl lə-m mba kar m-a tuji ne dɔ-si gə nəm ngaɓa darɔ ꞌma ja kara m-a nunga kadə mba təbə lə-si. To gə ɓo m-njigi-si al dɔ lo be le, sisəy a njigi-mje njɛ̰ baa ja wa?

Galatedjé 1:8

Ngaa to gə ɓo, to gə sijee ja ose anji gə dara ɓa pa Tar gə May gə ɗangə or-e ne mbo kar ye gə j-a pa j-ar-si nama, may kar ndɔɔl uwa dɔ dəbe nee le!

Galatedjé 1:9

M-təl m-pa m-ar-si to gə j-a pa ne tar-ɛ kede le ɓi: to gə ɓo dəw ila mbərə Tar gə May gə ɗangə or-e go ꞌye gə sisəy ingaje rɔ-sijee gə nama, may kar ndɔɔl uwa dɔ dəbe nee le!

Galatedjé 3:10

Dəwje tɔ̰y gə d-ila kuji dɔ torondu gə ɓa mba kinga ne kaji le, ndɔl uwa dɔ-je, mba Mbede pa na: Dəw gə ɗa-ɗa gə ila kuji dɔ tar tɔ̰y gə ɗa mə mbede torondu gə ang, mba ɗa kul-ɛ ang nama ndɔɔl uwa dɔ-ɛ.

Galatedjé 3:13

Kirisi uga dɔ-si gəl ndɔɔl gə lə torondu, təl to ne ndɔɔl mba tar lə-si. To gə Mbede pa na: Ndɔɔl uwa dɔ dəw gə ꞌɓər-e kagə.

Ephésiendjé 6:5

Ngan lokisije ilaje kuji dɔ ꞌɓəə-sijee gə ɗəw darɔ gə, gə ꞌɓəəl gə kisa gə mə gə dana gadə, to gə ꞌɗaje ne gə Kirisi be tɔ;