Pilimo 1:17 - Mbede Lə Luba Kone Gə Sigi

¹⁷ To gə ɓo, o-m gə nje baa kula lə-i nama uwa Onejim gə rɔ-i gə to gə ꞌma ja be tɔ.

Testament ke Siki 1960 (Kabba Laka)

¹⁷ Tokou ban, tokou i wom tokou ndjè koumai, etèè deo kadaba tokou i a taam.

Pilimo 1:17 Iomraidhean Croise

Matiye 10:40

Dəw gə uwa-si gə rɔ-ɛ gə nama ꞌma ja uwa-m gə rɔ-ɛ gə əng, a ɓo dəw gə uwa-m gə rɔ-ɛ gə nama uwa Luba gə njekula-m gə rɔ-ɛ gə tɔ.

Matiye 18:5

Cibi dəw gə uwa ngon gə njɛ̰ kara to gə ye gə ar nee gə rɔ-ɛ gə gə ri-m nama, ꞌma ja uwa-m gə rɔ-ɛ gə əng.

Matiye 25:40

Ɗaa Mbay le a təl kila-je kəne na: Tɔgərɔ ja, m-pa m-ar-si, lo gə ɗa gə ja ɓa ꞌɗaje məmay gə dəw kara baa ja horo ngan ko̰-mje gə nee ɗaa, to ꞌma ja ɓa ꞌɗaje sə-m kən.

Koula 16:15

Logə ꞌɗ-ɛ batɛm gə njeməkəyje lə-a ɗaa n-ɗa-si kɔgərɔ na: To gə ɓo o-mje gə njetakagə Mbayɓe to gə tɔgərɔ nama ꞌɗe andəje kəy lə-m isije kəne. Ɗaa n-ɗa n-ar j-a njigi go-e.

2 Corinthiendjé 8:23

Be ɓa, Titə le to nje baa lo kaw lə-m nəm ngaɓa to nje baa kula lə-m horo-si gə. Ye gə ɔji dɔ ngan ko̰-sijee ɗaa, ꞌto njeka̰ykulaje lə Mbo̰ naaje lə njetakagəje, gə to riɓar lə Kirisi.

Ephésiendjé 3:6

ɗəw gə lə Kirisi Jeju ɗaa, nje gə ꞌto gə Jiibije ang le, ꞌtəl ꞌto gə nje kuwa nendubaje gə ꞌtəl ꞌto gə darɔ gə kara baa, ngaɓa ne gə Luba uwa dɔ gɔl-ɛ le kara to ɔji dɔ-je naa gə kara baa gə Jiibije ɗəw Tar gə May gə.

Philippiendjé 1:7

To gə dɔ gɔl-ɛ ja mba kar ꞌma m-əji tar gə to gə be dɔ-si gə tɔ̰y, mba mə-m uy dɔ-si ang, mba m-ar njang ngaɓa m-ɗa ɗɔ mba Tar gə May gə m-ila mbər-e le ɗaa ɓogəne gə m-to kəy kula gə kara sisəy ingaje sə-m mənuji lə Luba naa gə kara baa.

1 Timoce 6:2

Ngaa ɓo ɓərəje gə ꞌɓəə-jeje ꞌto gə njetakagəje nama, may kar d-ila ngon kuji dɔ-je gə mba ꞌto ngan ko̰ naaje gə mə Njil gə. Ngaa may kar ꞌɗa kula gə singa-je d-ar ꞌɓəə-jeje, mba ꞌɓəə-jeje ꞌto njetakagəje gə Luba njigi-je tɔ. Ɓo mba to gə ꞌto gə ngan ko̰ naa gə mə Kirisi gə baa ang. Ye ɓa to neje a tɔji ngaɓa a kula ne jingaw mə-je gə.

Pilimo 1:10

m-oso kul no-i mba ngon-m Onejim gə m-uj-e kəy kula gə,

Pilimo 1:12

M-təl m-ula-a gə ɓə lə-i, ꞌne gə to dəbə rɔ-m ꞌma ja.

Pilimo 1:18

Ngaa to gə ɓo n-ɗa sə-i ne gə kṵra̰y ose ɓangə lə-i to dɔ-ɛ gə nama ꞌi ḭya̰ mə ji-m gə.

Ebərəje 3:1

Gəl-e gə nee ɓa, ngan ko̰-mje gə njerɔsangəje, sisəy gə Luba ɓar-si gə njeba kulaje le, may kar oje Jeju gə j-a gər-eje ɗang-ɗang le, to gə Luba ja ula-a gə njeka̰ykula ngaɓa gə buba njekapolo le, ꞌne ja n-to gəl takagə lə-si.

Ebərəje 3:14

Mba sijee le j-a to njeba-ɛje lə Kirisi, to gə ɓo j-ar njang dɔ məkunda gə lə-si gə dɔngɔr,

Jacques 2:5

Ngan ko̰-mje gə m-njigi-si ya̰, ꞌtugaje mbi-si oje: Se Luba ja ɓa mbərə nje gə ꞌto gə njendooje kəm dəwje gə dɔ nangə nee ɓa mba kar ꞌtəl to gə bawje ɗəw takagə, ngaɓa gə nje kuwa nendubaje gə mə ɓeko̰ gə lə-a, gə n-uwa dɔ gɔl-ɛ n-ngəbə nje gə ꞌnjigi-e le ang wa?

1 Piyɛr 5:1

M-ndəji ngatɔgəje gə horo-sisəy gə, ꞌma gə m-to ngatɔgə to to gə ꞌjejee be tɔ, m-to njetar naji ꞌməsərəje lə Kirisi ngaɓa rɔnduba gə a kila rɔ-ɛ gə ɗaga le kara m-a kar dan-ɛ gə tɔ.

1 Jean 1:3

Ne gə j-o gə kəm-si ngaɓa ne gə j-o tar-ɛ gə mbi-si le, j-ila mbər-e j-ar-si mba kar-sisəy kara ore-je gə si naa gə dɔ mə kara tɔ-si naa gə. Ngaa mə kara lə-sijee le ga̰ rɔ Bɔ dəwje gə je gə Ngon-e Jeju Kirisi.