Marəke 9:1 - Mbede Lə Luba Kone Gə Sigi

¹ Jeju təl pa ar-je ja cibi na: Tɔgərɔ, m-pa m-ar-si, nje gə kɛm gə d-ar horo-si gə nee d-a kuy ang saar, d-a ko ɓeko̰ lə Luba gə a ɗe gə singamongə gə kəm-je.

Testament ke Siki 1960 (Kabba Laka)

¹ Nè mpa naredè, Tokoro ma mpa maresè, ke horodè té ke darr nèn, maredjé ke arr nèn da naa kwoei ang dongor dèdè do béh ko lo Allah dé ke singa.

Marəke 9:1 Iomraidhean Croise

Matiye 16:28

Tɔgərɔ, m-pa m-ar-si, nje gə kɛm gə d-ar horo-si gə nee d-a kuy ang saar d-a ko-m ꞌma gə Ngon lə dəw gə m-a ɗe gə Mbay gə boy gə kəm-je.

Matiye 24:30

Be ɓa, dəwje d-a ko ne gə a tɔji ɗe lə ꞌma gə Ngon lə dəw ɗang-ɗang mə dara gə, gəl kujije tɔ̰y gə dɔ nangə nee d-a kunda kar-je no ne, ngaɓa d-a ko Ngon lə dəw a kar dɔ kil gə lə nji gə dara mba ɗe gə singamongə ngaɓa gə ndogo lə-a gə boy.

Matiye 25:31

Ndɔ gə ꞌma gə Ngon lə dəw, m-a ɗe gə riɓar gə anjije tɔ̰y naa gə le, m-a kisi dɔ ngəndəng riɓar gə lə-m.

Marəke 13:26

Be ɓa, d-a ko-m ꞌma gə Ngon lə dəw gə m-a ɗe mə kil gə lə nji gə singamongə gə boy ngaɓa dan rɔnduba gə.

Marəke 13:30

Tɔgərɔ ja m-pa m-ar-si to gə gəl kuji dəwje gə ɓogəne d-a kuy ɗunga ang ja neje tɔ̰y nee le a ɗe.

Lugu 2:26

ngaɓa Njil Njerɔsangə pa ar-ɛ kede na: ꞌI a ko Kirisi lə Mbayɓe gə kəm-i nam ɓa a kuy bi.

Lugu 22:18

M-pa m-ar-si to gə un kud-e ɓogəne le, m-a kay gə si man bḭyə̰ nee ang gə dɔbo̰ ja saar ndɔ gə ɓeko̰ lə Luba a ɗe.

Lugu 22:30

Be ɓa, a kusaje gə a kayje sə-m naa gə kara baa mə ɓeko̰ gə lə-m, ngaɓa a kisije dɔ ngəndəngje gə mba gangə tar dɔ gəl kuji Ijirayɛlje gə dɔg gə gir-e gə joo.

Lugu 9:27

Tɔgərɔ, m-pa m-ar-si, nje gə kɛm gə d-ar horo-si gə nee d-a kuy ang saar d-a ko ɓeko̰ lə Luba gə kəm-je.

Jean 21:23

Lo-e gə nee ɗaa, tar ḭ bib oso horo ngan ko̰ naaje na ngon njenendo gə nee le a kuy ang. Bənəng ja kara, Jeju pa ar-ɛ na n-a kuy ang ɓa m-pa bənəng ang baa; ngaa pa na: To gə ɓo m-njigi kar-ɛ n-aw kəm baa saar kar-m m-təl ɗe, ngaa se ɔs-i kəne na ɗi wa?

Ebərəje 2:9

Ngaa nje koso kul no anjije gə kur-e əw ɓəəl baa le, Jeju gə j-o rɔnduba gə d-ula dɔ gə, gə ɗɔy gə ꞌɗɔy-ɛ, mba ꞌməsərə yo gə n-o, be ɓa gə go mənuji lə Luba ɓa n-o ne yo gə rɔ-ɛ mba-si tɔ̰y.