Marəke 5:7 - Mbede Lə Luba Kone Gə Sigi

⁷ ngaɓa n-uru ꞌkuwi ɓolong na: Se ɗi ɓa ꞌnjigi rɔ-m gə wa? Jeju, Ngon lə Luba gə sam dara gə. M-pa m-ar-i, no-gɔl Luba gə ja, əw rɔ-i kula kəm-m ndoo.

Testament ke Siki 1960 (Kabba Laka)

⁷ Nè mpa ke tarr, Di a to horodjè té, i ke ma wa, Jésus Ngon lo Allah ke wota toï? Mam ndoudji ke ri Allah, edam are säm ang.

Marəke 5:7 Iomraidhean Croise

Matiye 16:16

Simo Piyɛr ila kəne na: ꞌI ꞌto Kirisi, Ngon lə Luba gə Nje kisi kəm baa.

Matiye 26:63

Jeju ar t-ɛ munduru. Ɗaa buba njekapolo le pa ar-ɛ na: M-un ndu-m m-ar-i gə ri Luba gə nje kisi kəm baa ja, mba kar-i ꞌpa ar-si j-o, ꞌto Kirisi, Ngon lə Luba wa?

Matiye 4:3

Nje kərə dəwje le ɗe inga-a ɗaa pa ar-ɛ na: To gə ɓo ꞌto Ngon lə Luba nama, un ndu-i ar kɔr ərje gə nee le ꞌtəl mbə d-ar-i usa.

Matiye 8:29

D-uru ꞌkuwi na: Ngon lə Luba, ɗi ɓa aw njigi ji-si gə wa? ꞋI ɗe mba bɛ̰ ta-si kede nam ɓa kar ndɔ gangə tar gə Luba ɔji asə wa?

Marəke 1:24

Jeju gə Najarɛd, ɗi ɓa ꞋI njigi wa? Se ꞌi ɗe mba tuji-si ngaa wa? M-gərə to gə ꞌto Njerɔsangə lə Luba.

Marəke 14:61

Jeju ar t-ɛ munduru, ila tar gə ang. Buba njekapolo dəji-e tar to gə ɗangə na: ꞌTo Kirisi, Ngon lə Luba gə ndu tɔr to dɔ-ɛ gə le wa?

Marəke 3:11

Logə nje gə njilje gə kṵra̰y ɗa ɓe mə-je gə d-o Jeju ɗaa, d-oso nangə no gɔl-ɛ gə ngaɓa d-uru ꞌkuwi na: ꞌI to Ngon lə Luba.

Marəke 5:6

Logə n-o Jeju nay əw ɓi ɗaa, n-a̰y ngɔdə, n-um takəj-e nangə no-ɛ gə,

Marəke 5:8

Mba Jeju pa ar-ɛ kede na: Njil gə kṵra̰y, ꞌce mə dəw gə nee le gə ɗangə.

Lugu 1:32

N-a tɔgə ngaɓa d-a ɓar-ɛ na Ngon gə Dəw gə sam dara gə. Mbayɓe Luba a kar-ɛ ngəndəng mbay lə k-eje Dabidi.

Lugu 4:34

Ee, Jeju Dəw gə Najarɛd, ɗi ɓa ꞋI njigi wa? Se ꞌi ɗe mba tuji-si ngaa wa? M-gər-i, ꞌto Njerɔsangə lə Luba!

Lugu 6:35

Ngaa sisəy le, ꞌnjigije njeba̰a̰je lə-si, ꞌɗaje may ngaɓa ar-je ꞌtuna si ne lal kunda mə-si kəne. Nekuga dɔ ji lə-si a bo ya̰ ngaɓa a toje nganje lə Nje kisi sam dara gə, mba ꞌNe le n-ɗa məmay gə nje ɗa gasəraje nəm gə njeməndulje nəm tɔ.

Lugu 8:28

Logə n-o Jeju ɗaa n-oso no-ɛ gə ngaɓa n-uru ꞌkuwi ɓolong na: Jeju, Ngon lə Luba gə sam dara gə, ɗi ɓa ꞌnjigi rɔ-m gə wa? M-oso kul no-i gə, ula-m taar ang!

Jean 20:31

Ɗaa, neje gə nee le, ꞌɗa mba kar-si ꞌtaje ne kagə to gə Jeju to Kirisi, Ngon lə Luba, ngaɓa gə ɗəw takagə gə nee tɔ ɗaa ingaje ne təbə gə ri-a tɔ.

Koula 16:17

N-dole go si gə Pɔl naa gə ngaɓa n-uru ꞌkuwi na: Dəwje gə d-aw nee le ꞌto njekulaje lə Luba gə nje kisi sam dara gə ngaɓa d-aw d-ila mbərə ɗəw kaji.

Koula 19:13

Njetɔbə njilje gə kṵra̰y gə kɛm to Jiibije gə nje nja taar horo dəwje gə, d-un kudu ɓar ri Mbayɓe Jeju dɔ nje gə njilje ɗa ɓe mə-je gə, ꞌpa na: M-un ndu gə ri Jeju gə Pɔl aw ila mbərə lə-a nee.

Koula 8:36

Logə d-aw dɔ-je gə kede ɗaa ꞌce ta man dangə gə ɗaa ꞌmbakudu le na: Man a to nee ngaa ɗi ɓa a kɔgə-m kar-i ꞌɗa-m batɛm wa?

Romaindjé 16:20

Be ɓa Luba gə to ngira ɗɛgɛgɛ le, a tɔ dɔ ꞌSu ɓisine baa kar ꞌnjaje dɔ-ɛ gə. May kar mənuji lə Mbayɓe lə-sijee Jeju nay gə si!

Ebərəje 2:14

Be ɓa mba nganje d-um naa gə kara ɗəw məsə gə ɗəw darɔ gə ɗaa, ꞌne kara to to gə be ja n-um ne gə je naa gə ɗəw kuy gə lə-a mba guru ne singa ꞌye gə singamongə yo to ji-a gə, gə to ꞌSɛ̰ngərɛ̰,

Ebərəje 7:1

Mɛləkisedɛk nee le to mbay dɔ gə Salɛm nəm, to njekapolo lə Luba gə nje kisi sam dara gə; dɔ ndɔ gə Abəraham ḭ ta ɗɔ gə, tɔl mbay dɔje bula ɗaa n-ɗe n-inga-a ngaɓa n-tɔr ndu-e dɔ-ɛ gə.

Jacques 2:19

ꞌTa kagə to gə Luba kara baa ɗəgədə wa? ꞌƊa gə dɔ gɔl-ɛ ja. Njilje gə kṵra̰y kara ꞌta kagə to gə bənəng tɔ, ɗaa ꞌɓəəl d-isa baa ɗɛgə-ɗɛgə.

2 Piyɛr 2:4

Mba to gə ɓo Luba ɔr kəm anjije gə ɗa neɗa gə kṵra̰y ang, ngaa ɔsə-je um-je dan cil ciməri gə mə buwa wəl gə sṵra̰ godo, ar ꞌto d-aw ꞌngina gangə tar,

1 Jean 3:8

Dəw gə nje ɗa neɗa gə kṵra̰y le to nje kar ꞌSɛ̰ngərɛ̰, mba ꞌSɛ̰ngərɛ̰ ɗa neɗa gə kṵra̰y ləw baa lo kuma kudu neje gə, Ngon lə Luba ɗe mba tuji kula ɗa lə ꞌSɛ̰ngərɛ̰.

Jude 1:6

Cibi, anjije gə asə ngom singa gə d-inga ang, ɗaa d-iya̰ lokisije le, ꞌtɔ-je gə kula lar gə ngangə ꞌngom-je mə buwa gə ndul ngina ne ndɔ gangə tar gə boy.

Apocalypse 12:12

Gəl-e gə nee ɓa, dara, gə sisəy gə lo kisi lə-si to kəne ꞌɗa-je ndam. Tuji uba-si, dɔ nangə, gə babo, mba ꞌSɛ̰ngərɛ̰ le aw gə nangə dɔ-si gə əng wungu ɗusu m-e, mba n-gərə to gə dɔ kar lə-a nay njɛ̰ baa ngaa.