Marəke 3:10 - Mbede Lə Luba Kone Gə Sigi

¹⁰ Mba n-aji dəwje ya̰ ɗaa njerɔko̰je ꞌto kəgəgə gə mba kɔr-ɛ gə ji-je.

Testament ke Siki 1960 (Kabba Laka)

¹⁰ Mbata nè nòrou rò too lo dooudjé nya, tokou ban dèdè toï ke disi ke rò too ndé ngosiba sa dase ta korè.

Marəke 3:10 Iomraidhean Croise

Matiye 12:15

Ngaa Jeju o tar-ɛ ɗaa ɔdə lo-e gə gə ɗangə. Dəwje bula ꞌndole go-e ɗaa n-aji-je tɔ̰y;

Matiye 14:14

Logə Jeju ḭ mə to gə uru nangə ɗaa, o bula dəwje, ɗaa o kəmtondoo lə-je, ngaɓa aji njeməndəje gə d-ar kəne.

Matiye 14:36

ꞌƊa Jeju kɔgərɔ kar iya̰ ɗəw ar d-uwa ta kubu lə-a ja baa. Be ɓa dəwje tɔ̰y gə d-ɔr rɔ-ɛ le, d-aji kəbərə ja tɔ.

Matiye 4:23

Jeju nja dɔ nangə gə Galile tɔ̰y, tɔji dəwje ne mə kəy nendoje gə lə Jiibije, ngaɓa ila mbərə Tar gə May ɔji dɔ ɓeko̰ nəm, aji njerɔko̰je ɓədə-ɓədə gə njeməndəje ɓədə-ɓədə horo dəw mə ɓeje nəm tɔ.

Marəke 5:34

Ngaa Jeju pa ar-ɛ na: Ngon-m, takagə lə-i aji-i. Aw gə ɗɛgɛgɛ ɗaa may kar rɔko̰ nee le ɔr rɔ-i gə.

Marəke 6:56

Lo tɔ̰y gə n-aw kəne, ɓeboje, gə ngan ɓeje ose dɔ ndɔje, d-um njerɔko̰je nada ngaɓa ꞌɗ-ɛ kɔgərɔ kar n-ḭya̰ ɗəw n-ar d-uwa ta kubu lə-a ja baa. Be ɓa dəwje tɔ̰y gə d-ɔr rɔ-ɛ le d-aji kəbərə.

Marəke 8:22

Go-e gə ɗaa d-ɔdə d-aw Bɛdəsayida; ꞌɗe gə nje kəm tɔ d-ar Jeju, ngaɓa ꞌɗ-ɛ kɔgərɔ gə mba kar n-ɔr rɔ-ɛ.

Lugu 5:3

Jeju al to gə to kar Simo. N-dəji Simo kar gɛsə to le əw njɛ̰ gə kar mbala. Jeju isi mə to gə, ngaɓa tɔji ne bula dəwje.

Lugu 6:19

Bula dəwje sangə ɗəw mba kɔr rɔ Jeju gə ji-je mba singa ce rɔ-ɛ gə ɓa aji-je tɔ̰y.

Lugu 7:2

Ngon njekula lə njekun dɔ njeɗɔje gə tɔl kara gə njigi-e ya̰ ja, rɔ-ɛ to-e asə yo.

Lugu 7:21

Lo-e gə nee ja, Jeju aji dəwje gə njerɔtoje bula, gə njeməndəje, gə n-tɔbə njilje gə kṵra̰y dɔ dəwje gə, ngaɓa nje kəm tɔje bula kara n-ar-je d-o lo.

Koula 5:15

Dəwje d-aw gə njerɔko̰je d-umje mə ndagəje gə gə mə tuwaje gə mbɔr ɗəw boo mba kar ɓo Piyɛr aw nday nama njil-e baa ja kara um dɔ dəw gə kara horo-je gə.

Ebərəje 12:6

Mba dəw gə Mbayɓe njigi-e ɓa siri-e, Ngaɓa ngon gə ɗa-ɗa gə ta ta kəm-e ɓa n-unda gə ndəy.