Marəke 2:20 - Mbede Lə Luba Kone Gə Sigi

²⁰ Ngaa dɔ ndɔje a kasə gə, d-a kɔr ngaw jeneje ji-je gə ɗɔdə le ngaɓa dɔ ndɔ-ɛ əng le d-a tɔl mə-je ɓo ɓi.

Testament ke Siki 1960 (Kabba Laka)

²⁰ Ndò ao dé ke dèdè da kòrou basä horodè té, bana bokoradjé la a kïya mourou ndè tén lé.

Marəke 2:20 Iomraidhean Croise

Matiye 26:31

Be ɓa Jeju un tar pa ar-je na: Cil ne ja, m-a təl to jigi tuga lə-si tɔ̰y, mba ꞌpa mə mbede gə na: M-a kunda njekuul daje ɗaa badəmje lə-a d-a jɛ̰rɛ̰ naa.

Matiye 9:15

Jeju təl ila-je kəne na: Njekuraje lə njetajene le, logə njetajene ga̰ gə je naa gə baa ɓi le, d-a ɗa rɔ-je gə ndoo ang, ngaa dɔ ndɔje a kasə gə, d-a kɔr ngaw jeneje ji-je gə ɗɔdə le ngaɓa dɔ ndɔ-ɛ əng le d-a tɔl mə-je ɓo ɓi.

Marəke 2:19

Jeju təl ila-je kəne na: Njekuraje lə njetajene le, se logə njetajene ga̰ gə je naa gə ja d-asə tɔl mə-je ɓo cibi wa? Logə njetajene nee le ga̰ gə je naa gə saar ɓi nama d-asə tɔl mə-je ɓo ang baa.

Marəke 2:21

Dəw a kunja ta kubu gə sigi kila ne kəm kubu gə ləw ang; ɓo bənəng ang nama, ta kubu gə sigi le a ndɔr ꞌye gə ləw, kar-ɛ cir kar kəm-e a tadə ya̰ ja cibi.

Lugu 17:22

Ɗaa Jeju pa ar ngan njenendoje lə-a na: Ndɔje a ɗe gə mə-si a njinga mba ko, le ban kara, ndɔ lə ꞌma gə Ngon lə dəw kara baa ja horo mar-ɛ gə, ngaa a koje ndɔ-ɛ ang.

Lugu 5:35

Ngaa dɔ ndɔje a kasə gə, d-a kɔr ngaw jeneje ji-je gə ɗɔdə le ngaɓa dɔ ndɔ-ɛ əng le d-a tɔl mə-je ɓo ɓi.

Jean 12:8

Njendooje le ɗaa, ꞌga̰ gə si gə ndɔje tɔ̰y, ngaa ꞌma le, m-a ga̰ gə si gə ndɔje tɔ̰y ang baa.

Jean 13:33

Ngan-m gə gɔ-gɔ, m-isi gə si naa gə waga ɓəəl ɓi. Sisəy a sangə-mje to gə m-pa ne tar-ɛ m-ar Jiibije na: Lo gə ꞌma m-aw gə kəne le, sisəy a kasəje mba kawje kəne ang. Sisəy kara m-pa to gə be m-ar-si ɓisine tɔ.

Jean 16:28

M-ḭ ɓə lə Bɔ dəwje ɗaa m-ɗe dɔ nangə gə nee; nga ɓisine m-uba dɔ nangə m-ḭya̰ ɗaa m-aw gə ɓə lə Bɔ dəwje.

Jean 16:7

Ngaa ꞌma le, m-pa tar gə tɔgərɔ ja m-ar-si: To may lə-si mba kar ꞌma m-ɔdə m-aw; mba to gə ɓo m-ɔdə m-aw ang nama Njekuul mə-si a ɗe kinga-si ang; ngaa to gə ɓo m-ɔdə m-aw nama, m-a kula-a kar n-ɗe n-inga-si.

Jean 17:11

Uma kud-e nee ɗaa m-ga̰ dɔ nangə gə nee ang ngaa; ꞌjejee ɗaa ꞌga̰ dɔ nangə gə nee, ngaa ꞌma ɗaa m-aw gə ɓə lə-i. Bɔy gə njerɔsangə, ri-i gə unda dɔ-m gə le ye ja ꞌngom neje mba kar ꞌto dəwje gə kara baa to gə sijee sə-i ja to gə kara baa be tɔ.

Jean 17:13

Ɓisine ɗaa, m-aw gə ɓə lə-i, ɗaa m-pa tar nee le m-ar-je dɔ nangə nee mba kar-je d-isi ne dan rɔləl gə lə-m dana badagə.

Jean 3:29

Nje ta jene ja ɓa to gə ngab-ɛje ngaa njekura lə ngaw jeneje gə ar mbɔr-ɛ gə le, o tam lə jingaw gə nje jene le gə rɔləl; rɔləl gə nee, gə ꞌma m-isi dan-ɛ gə le, tɔl t-ɛ bɛm ngaa.

Koula 1:9

Logə n-pa tar to gə be tɔ̰y ɗaa d-ar d-o-e nda̰ be ja d-un-e kəm-je ar d-ar d-a go-e saar n-igi ne yom mə kil gə lə nji dɔ-ɛ gə dara.

Koula 14:23

D-unda ngatɔgəje d-ar-je gə Mbo̰ naa lə njetakagəje kara kara ngaɓa go-e gə ɗaa ꞌtɔl mə-je ɓo gə ꞌdəji Luba ngaɓa d-um-je mə ji Mbayɓe gə to gə ꞌta kag-ɛ le.

Koula 3:21

Gəl-e gə nee ɓa Jeju Kirisi le a kisi mə dara gə saar kar neje tɔ̰y to gə dɔ gɔl-ɛ to gə Luba pa ne gə ndu pajambərəje gə ꞌto gə losang-ɛ kede ləw le.

1 Corinthiendjé 7:5

Ɔgəje naa rɔ-si gə yo gə nee ang. Ar-je ndu-si asə naa dɔ kar gə mba dəji ne Luba ja baa ɗaa, ꞌtəlje ingaje naa gugu ɓo ar-je kuru-si əw ang na ꞌSu a kḭ kərə-si, mba a kasəje ko̰je dɔ ɓo lə-si ang.

2 Corinthiendjé 11:2

Mba m-nər mə mba tar lə-si, to gə nər mə gə ḭ rɔ Luba gə ja, mba m-uwa gə si mɔrə m-ar jingaw kara baa ja, to to gə ꞌmbakum gə to gə losang-ɛ, mba kɔr-si kar Kirisi.

2 Corinthiendjé 11:27

kula rɔ ndubu gə kɔr, ɓi na kəm-m tasə-tasə, m-isi dan labə gə ngaɓa dan kunda gə; m-tɔl mə-m ɓo taar-taar, m-isi dan kul gə ngaɓa m-aw kudu-m dum.

2 Corinthiendjé 6:5

dan kunda gə kunda-si, gə to kəy kula gə, dan wungu gə lə bula dəwje, kula rɔ ndubu dan kulaje gə, dan ɓi gə naa kəm tasə-tasə, dan tɔl mə ɓo gə,

Apocalypse 19:7

J-a ɗaje rɔləl, j-a talje ꞌmajagəra ɓo j-ulaje rɔnduba dɔ-ɛ gə, mba ndɔ ta naa lə ngon badəm le asə ngaa ɗaa jene lə-a kara uwa dɔ gɔl rɔ-ɛ kər-kər tɔ.

Apocalypse 21:9

Cibi, kara lə anjije gə siri gə d-uwa ngo kay neje siri gə tujije gə siri gə ɗusu tub-tub ji-je gə le ɗe pa tar ar-m pa na: ꞌƊe, m-a tɔji-i rɔ jene njemɔrə, ye gə to jene lə ngon badəm le.