Marəke 12:2 - Mbede Lə Luba Kone Gə Sigi

² Logə nay kunja kandə bḭyə̰ le asə ɗaa n-ula ngon njekula kara ɓə lə njeɗa kula bḭyə̰je gə mba kar ꞌta bḭyə̰ k-ɛ le ji-je gə.

Testament ke Siki 1960 (Kabba Laka)

² Nai koudja kandé kake nè noula ngonlokisi kada rò dooudjé té ke ndjè ngem ndoo mbata kinga mare kandé kake ke djidè té.

Marəke 12:2 Iomraidhean Croise

Matiye 21:34

Logə dɔ kar kunja kand-e asə ɗaa n-ula ngan njekulaje lə-a ɓə lə njeɗa kula bḭyə̰je le, mba kar ꞌta kandə bḭyə̰ k-ɛ le ꞌɗe ne d-ar-ɛ.

Marəke 12:1

Jeju un kudu pa tar kar dəwje gə gusutarje na: Ndɔ kara be, dəw kara maa kagə gə ri-a na bḭyə̰. N-ula kinga n-ay ne ngang-ɛje mbugu, n-uru buwa kar ndəy man bḭyə̰, cibi n-ɗa kəy lo t-ɛ gə; ngaɓa n-ḭya̰ ji njeɗa kula bḭyə̰je gə ɗaa n-ɔdə n-aw mba gə.

Marəke 12:3

D-uwa-a, ꞌkunda-a ngaɓa tɔb-ɛ ji-a dɔrɔ baa.

Lugu 12:48

Ngaa, ngon njekula gə gərə ne gə ꞌɓəə-jeje njigi ang baa, ɓa ɗa kṵra̰y nama, a kinga kunda njɛ̰ baa. Na-na ɓa d-ar-ɛ ne ya̰ nama d-a dəji-e ya̰ ja tɔ, ngaɓa dəw gə d-um ne ya̰ ji-a gə kar ngom le, d-a dəji-e ya̰ ja tɔ.

Lugu 20:10

Logə nay kunja kandə bḭyə̰ le asə ɗaa, n-ula ngon njekula kara ɓə lə njeɗa kula bḭyə̰je le, mba kar d-ar-ɛ bḭyə̰ k-ɛ le n-ɗe ne n-ar-ɛ; ngaa ꞌtɔb-ɛ ji-a dɔro baa.

Ebərəje 1:1

Kede ləw le, Luba pa tar ar ka-sijee gə ndu pajambərəje gə ɗəwje dang-dang gɔl bula,