Marəke 10:32 - Mbede Lə Luba Kone Gə Sigi

³² D-un ɗəw mba kaw gə Jerujalɛm, ɗaa Jeju aw no-je gə kede. Njil ngan njenendoje ce ngaɓa nje gə d-uwa go-je kara ꞌɓəəl ya̰ tɔ. Jeju təl ɓar ngan njenendoje gə dɔg gə gir-je gə joo le to gə ɗangə ja cibi, ngaɓa ar ɔr gəl neje gə a ce dɔ-ɛ gə le ar-je na:

Testament ke Siki 1960 (Kabba Laka)

³² Dèdè dao ke deo ke ao ke Jérusalem ke Jésus ao nodè té. Mèdè ounda do biä ke bel da dooudjé ke ao gè té. Nè ntél mmardè dòkou gérè djo, nè nao ntòdjoudè né ke a dé rè té.

Marəke 10:32 Iomraidhean Croise

Matiye 11:25

Dɔ kar-ɛ gə əng le, Jeju un tar pa na: M-pidi-i, Bɔy, Mbayɓe gə dɔ dara gə dɔ nangə nee, mba neje gə nee gə iya njekəm karəje gə njenegərəje ngaa ꞌkila gəl-e ar nganje d-o.

Matiye 13:11

Jeju ila-je kəne na: Luba ar-sisəy ꞌgərəje tar ɓeko̰ gə dara gə to lokiya gə, ngaa n-ar ꞌjeje ꞌgərə ang,

Marəke 1:27

Dəwje tɔ̰y ja njil-je ce ar-je ꞌdəji naa tar gə yo gə nee na: Ne gə ban ɓa to gə be wa? To netɔji gə sigi gə gə singamong-ɛ wa? N-un ndu n-ar njilje gə kṵra̰y ja kara, d-ila kuji kəne səmə!

Marəke 4:34

N-pa gə je tar lal gusutar ang, ngaa n-aw n-ɔr gəl-e tɔ̰y gə go ngə̰y n-ar ngan njenendoje lə-a.

Lugu 10:23

Cibi, Jeju turu kəm-e gə dɔ ngan njenendoje gə, ɗaa pa ar-je gə kar-je baa na: Nokarə to kar-sisəy gə kəm-si o ne gə oje nee.

Lugu 19:28

Go tar gə Jeju pa to gə be ɗaa, ɔdə un ɗəw aw dɔ-ɛ gə Jerujalɛm.

Lugu 9:51

Logə kar gə Jeju a kuba ne dɔ nangə nee kḭya̰ nay dəb ɗaa, Jeju un kəm-e tim-tim mba kaw mə ɓe gə Jerujalɛm.

Jean 11:16

Be ɓa Toma gə ꞌɓar-ɛ Ndunga pa ar ngan njenendoje gə kɛm na: Sijee kara, j-awje mba kar-si j-uyje gə Mbayɓe tɔ.

Jean 11:8

Ngan njenendoje lə-a ꞌpa d-ar-ɛ na: Njenetɔji, ɓisine ɓi Jiibije ꞌsangə ɗəw gə mba cila-i gə kɔr ər nee le ja, ꞌnjigi mba təl kaw gugu ja cibi wa?