Marəke 10:21 - Mbede Lə Luba Kone Gə Sigi

²¹ Jeju o-e be ɗaa rɔ-ɛ ləl-e dɔ-ɛ gə; cibi təl pa ar-ɛ na: Nay ne kara; aw odo neje lə-i tɔ̰y ꞌɗabə n-ndogo ɓo ḭya̰ lar-ɛ aw ar njendooje, ɗaa a kinga nebaw mə dara gə, ɓo ꞌɗe uwa go-m.

Testament ke Siki 1960 (Kabba Laka)

²¹ Jésus woè a ndikè, pa arè, Nai né kada, ao elabe né loi toï, are narè dangetédjé, i a kisi ke né kinga ke dara, edé ao gom té.

Marəke 10:21 Iomraidhean Croise

Matiye 16:24

Be ɓa Jeju təl pa ar ngan njenendoje lə-a na: To gə ɓo dəw gə njigi kuwa go-m nama, to may kar mbadə darɔ-ɛ, odo kagə dəsə lə-a, ɗaa uwa ne go-m.

Matiye 19:21

Jeju pa ar-ɛ na: To gə ɓo ꞌi njigi mba to dəw gə may pɛdə nama, aw odo neje lə-i tɔ̰y ꞌɗabə n-ndogo ɓo iya̰ lar-ɛ aw ar njendooje, ɗaa a kinga nebaw mə dara gə, ɓo ꞌɗe uwa go-m.

Marəke 10:22

Ngaa logə ngon basa̰ le o tarje gə nee ɗaa rɔ-ɛ uy njururu ar-ɛ ɔdə gə rɔləl ang, mba nekingaje lə-a bula ya̰.

Marəke 8:34

Cibi, n-ɓar bula dəwje gə ngan njenendoje lə-a ɗaa n-pa n-ar-je na: To gə dəw gə njigi kuwa go-m nama, to may kar mbadə darɔ-ɛ, odo kagə dəsə lə-a, ɗaa uwa ne go-m.

Lugu 10:42

Ngaa ne gə dəwje d-aw sangə le, Məri un dəbe gə may, gə dəw a ta ji-a gə ang.

Lugu 12:33

ꞌƊabəje nekingaje lə-si, ɔrəje ne kəne ꞌkayje njendooje. ꞌSangəje gɛmɛ̰ kum lar gə a tuji ang, iyaje nekingaje lə-si rɔ Luba gə dara, lo gə nje ɓogo a ce kəne ang nəm, ngaɓa sɔlɔlɔ kara unda ne kəne ang nəm tɔ.

Lugu 16:9

Ngaa ꞌma ɗaa, m-pa m-ar-si: Uwaje kura gə dəwje, gə nekingaje gə dɔ buguru mba kar ndɔ gə a godo ji-si gə nama njekuraje lə-si nee le d-a kuwa-si gə rɔ-je gə mə kəy kisije gə a to saar-saar gə no.

Lugu 18:22

Go tar lə-a gə Jeju o ɗaa, təl pa ar-ɛ na: Ne kara nay ɓi; aw odo neje lə-i tɔ̰y ꞌɗabə n-ndogo ɓo ḭya̰ lar-ɛ aw ꞌkay njendooje, ɗaa a kinga nebaw mə dara gə, ɓo ꞌɗe uwa go-m.

Lugu 19:41

Logə ꞌɗe dəb gə ɓe gə Jerujalɛm ngaɓa kəm-e oso dɔ-ɛ gə ɗaa, n-no mba tar lə-a na:

Lugu 9:23

Cibi, n-pa n-ar-je tɔ̰y ja na: To gə dəw gə njigi kuwa go-m nama, to may kar mbadə darɔ-ɛ, odo kagə dəsə lə-a gə ndɔ-ndɔ, ɗaa uwa ne go-m.

Jean 12:26

To gə ɓo dəw njigi mba to ngon njekula lə-m nama, may kar-ɛ ndole go-m; ngaɓa lo gə ꞌma, m-ga̰ kəne le, lo-e gə nee ja tɔ njekula lə-m a ga̰ kəne tɔ. To gə ɓo dəw njigi ɗa kula kar-m nama, Bɔ dəwje ɓa a ɗɔy-e.

Jean 16:33

M-pa tarje gə nee m-ar-si mba kar inga-je ɗɛgɛgɛ ɗəw gə lə-m. Dɔ nangə gə nee le, isije dan nekəmandoo gə ja, ngaa undaje singa-si dɔ mar-ɛ gə, m-cɛdə ɗɔ dɔ nangə ngaa.

Koula 2:45

ꞌƊabə nekingaje lə-je gə lo ndɔ lə-je ꞌndogo ngaɓa ꞌkay naa lar-ɛ gə go ne gə na-na kara aw ndoo-e.

2 Corinthiendjé 12:15

Ɔji dɔ-m ꞌma ɗaa a to nerɔləl lə-m mba kar m-a tuji ne dɔ-si gə nəm ngaɓa darɔ ꞌma ja kara m-a nunga kadə mba təbə lə-si. To gə ɓo m-njigi-si al dɔ lo be le, sisəy a njigi-mje njɛ̰ baa ja wa?

2 Timoce 3:12

Be ɓa dəwje tɔ̰y gə njigi kila kuji dɔ ne gə lə Luba gə mba kaw ne kəm baa gə Kirisi Jeju le d-a kula kəm-je ndoo.

Ebərəje 10:34

Mba oje kəmtondoo lə nje gə to kəy kula gə, ngaɓa d-uwa si nemayje lə-si ꞌta kara to si ang nəm, mba ꞌgərəje to gə ingaje nemayje gə to ɓəəl gə a to gə ɓal-ɓal nam.

Jacques 2:10

Be ɓa, dəw gə ɗa-ɗa gə a dɔ torondu gə t-ɛ ləm-ləm ngaa ɗa neɗa gə kṵra̰y ɔji dɔ ye gə kara baa ja kara, tar uwa dɔ-ɛ ɔji dɔ ye gə kɛm tɔ̰y ja.

Apocalypse 2:14

Ngaa, neje gə kɛm ɗaa, m-ila ne tar dɔ-i gə. Nje gə naaje ꞌga̰ mə kəy gə lə-i nee, gə cḭya̰ dɔ netɔji gə lə Balam gə ɔsə kudu Balak ar-ɛ iya kula uba ne ngan Ijirayɛlje mba kar-je d-usa da gə ꞌpolo ne d-ar magəje ꞌto ne njekayaje.

Apocalypse 2:20

Ngaa, m-ila tar kara dɔ-i gə, mba ḭya̰ ɗəw ar Jejabɛl, jene gə nee gə ɗaa rɔ-ɛ gə pajambərə, ərə ngan njekulaje lə-m ɔsə kudu-je ar-je ꞌndəm ngaɓa ꞌɗa kaya d-usa ne da gə ꞌpolo ne magəje gə baa.

Apocalypse 2:4

Ngaa, m-ila tar dɔ-i gə, mba njigi lə-i gə dɔngɔr gə uba ḭya̰.