Koula 1:3 - Mbede Lə Luba Kone Gə Sigi

³ Be ɓa go kuy gə lə Jeju ɗaa ꞌjejee gə nee ja ɓa Jeju tɔji rɔ-ɛ kəm-je gə gə ɗəwje dang-dang mba tɔji-je ne to gə n-aw kəm baa. Cibi ɓa ndɔje gə kɛm n-ce ta kəm-je gə nda̰-nda̰ ja ndɔ dɔg sɔɔ ngaɓa n-pa tar ɓeko̰ lə Luba n-ar-je nəm.

Testament ke Siki 1960 (Kabba Laka)

³ Gè té ke nè ninga ongou toï, nè ntòdjou rè ke siki naredè, deo tar té nya ke dèdè dase maitar dè té ang. Nè ntéh ròdè té ndò doso, ke nè mpa tar béh ko lo Allah.

Koula 1:3 Iomraidhean Croise

Matiye 21:43

Gəl-e gə nee ɓa, m-pa m-ar-si, Luba a kɔr ɓeko̰ lə-a ji-si gə mba kar gəl kuji dəwje gə ꞌɗa kul-ɛ mba kar kand-e to.

Matiye 28:9

Be ɓa, oje, Jeju ɗe inga-je ɗaa, pa na: M-o-si ɓa. Ɗaa ꞌɗəmje gə kede d-um takəjije nangə no-ɛ gə ngaɓa ꞌpolo-e.

Matiye 3:2

N-pa na: ꞌTuruje kəji lə-si, mba ɓeko̰ gə dara nay əw ang baa.

Matiye 4:2

N-tɔl m-e ɓo kar dɔg sɔɔ gə cil dɔg sɔɔ, ɗaa ɓo ɔr-ɛ.

Marəke 16:19

Logə Mbayɓe Jeju pa gə je tar tɔ̰y ɗaa d-un-e d-aw sə-a dara, ɗaa n-isi dɔ ji kɔl Luba gə.

Jean 20:26

Ndɔ ji nay joo go-e ɗaa, ngan njenendoje lə-a ꞌga̰ to gə ɗangə mə kəy gə ngaɓa Toma kara ga̰ gə je tɔ. Ta kəy udu badə ja ngaa Jeju ɗe ar dan-je gə dana ɗaa pa ar-je na: Ɗɛgɛgɛ nay gə si!

Jean 21:1

Go-e gə ɗaa, Jeju tɔji rɔ-ɛ ta kəm ngan njenendoje gə lə-a ta babo gə Tiberiyadə gə to gə ɗangə ja cibi. Pa tɔji gə n-tɔji ne rɔ-ɛ le ɓa nee.

Jean 21:14

To gə njekum gə gɔl munda ngaa Jeju tɔji rɔ-ɛ gə ɗaga ta kəm ngan njenendoje gə lə-a, un kud-e lo gə n-ndol ne horo nje gə d-uy gə.

Koula 13:31

Go-e gə le, n-tɔji rɔ-ɛ gɔl bula n-ar nje gə d-ḭ sə-a dɔ nangə gə Galile ꞌdan-ɛ d-aw sə-a Jerujalɛm d-o-e. Ɓisine dəwje gə d-o-e ꞌto njetar najije lə-a no dəw mə ɓeje.

Koula 19:8

Pɔl andə kəy nendo gə lə Jiibjije n-pa tar kəne gə ɓəəl ang ngaɓa ma̰y gə je tar n-cɛdə ne singa-je gə ɔji dɔ ɓeko̰ lə Luba. N-ɗa be ja asə nay munda.

Koula 28:23

Go-e gə ɗaa d-ila ndɔ d-ar-ɛ ngaɓa ꞌɗe bula d-inga-a lo to-e gə. Logə n-ɔr gəl tar lə-a le ɗaa n-ɗa tar naji gə ɔji ɓeko̰ lə Luba ngaɓa n-sangə ɗəw torondu gə lə Moyiji ngaɓa gə mbede lə Pajambərəje, mba cɛdə ne singa-je ɔji dɔ Jeju, un kud-e gə ndɔɔ ja saar ce kar kumatagə.

Koula 28:31

n-ila mbərə tar ɓeko̰ lə Luba ngaɓa n-tɔji ne ɔji dɔ Mbayɓe Jeju Kirisi gə ɓəəl kara ang ngaɓa d-ɔg-ɛ ang tɔ.

Koula 8:12

Ngaa logə ꞌtaje kagə Pilibi gə ila mbərə Tar gə May gə ɔji dɔ ɓeko̰ lə Luba gə ri Jeju Kirisi ar-je ɗaa, jingawje gə jeneje d-ar ꞌɗa-je batɛm.

Romaindjé 14:17

Mba ɓeko̰ lə Luba le to nekusa ose nekay ang, ngaa to neɗa gə gadə-gadə, gə ɗɛgɛgɛ ngaɓa rɔləl ɗəw gə lə Njil Njerɔsangə.

Colossiendjé 1:13

N-ɔr si lo gə cil ciməri o̰ ɓe kəne, ɗaa n-odo-si n-um-si mə ɓeko̰ gə lə ngon-e gə njigi-e gə maj-ɛ,

1 Thessaloniciendjé 2:12

J-a ndəji-si, gə j-ula jingaw mə-si gə ngaɓa j-ar gə si taar jigiri kar pa nja-si ta kəm Luba gə ɓar-si kar-si andə-je ɓeko̰ gə lə-a gə dan rɔnduba gə lə-a.

1 Jean 1:1

Ne gə ga̰ kede lo kun kudu neje gə le, ne gə nee gə j-o tar-ɛ gə mbi-si, ne gə j-o gə kəm-si, ne gə j-a tən so-so ngaɓa ne gə ji-si uwa pɛb le to tar təbə,