Jude 1:4 - Mbede Lə Luba Kone Gə Sigi

⁴ Be ɓa, dəwje gə kɛm d-andə horo-si gə go ngə̰y baa, ꞌto dəwje gə ꞌpa tar gangə tar gə uwa dɔ-je ləw baa mə mbede gə. Dəwje gə kṵra̰y gə mbəl mənuji lə Luba lə-si ꞌta ne toro kaya, ngaɓa ꞌmbadə ꞌɓəə-sijee gə kara baa gə Mbayɓe Jeju Kirisi.

Testament ke Siki 1960 (Kabba Laka)

⁴ Mbata mare dooudjé ake horosè té hoi, dèdè ke ngange saria nèn dodè té ke maketourou pa leo dongor, dooudjé ke mbeté Allah ke ntourou tar tokou mè madji lo Allah lodjè deo boo té ke madjang, ke mbeté ndjè tòdjou tar ke kadaba, Mbaibé lodjè Jésus Christ.

Jude 1:4 Iomraidhean Croise

Matiye 13:25

Ngaa logə dəwje tɔ̰y d-aw cibi ɗaa, njeba̰a̰ lə-a ɗe dubu waa da̰w horo wa gə le ɗaa ɔdə aw lo lə-a

Jean 17:3

Təbə gə to gə ndɔ gə ndɔ gə le, gə mba kar ꞌgər-i, ꞌI gə gə kar-i baa gə ꞌto Luba gə tɔgərɔ, ngaɓa ye gə ꞌI ula-a, Jeju Kirisi le tɔ.

Koula 11:23

Logə n-ce Antiyos gə to gə n-o mənuji lə Luba ɗaa n-ɗa rɔləl ngaɓa n-ula jingaw mə-je gə mba kar d-um mə-je dɔ Mbayɓe gə.

Koula 15:24

J-o tar-ɛ to gə dəwje gə kɛm d-ḭ ɓe lə-sijee nee d-aw ꞌpa tar ꞌjɔgə-si ne gə ꞌtuji ne kəji lə-si. Ngaa to dəwje gə j-un ɗəw j-ar-je ang baa.

Galatedjé 2:4

Be ɓa, mba ngan ko̰-sijee gə mbɔr-ɛ baa lom rɔ-je d-andə horo-si gə go ngə̰y, ꞌnga̰ dɔ to doy lə-si gə gəl Jeju Kirisi mba təl ne si gə ɓərəje.

Galatedjé 5:13

Sisəy ɗaa, ngan ko̰-mje, ꞌɓar-si kar dɔ-si to doy; ɗaa ne kara ɓa le, may kar unje dɔ to doy nee le ꞌnjaje ne ɗəw darɔ gə ang, ngaa go ɗəw njigi ɗaa, ꞌɗaje kula ar-je naa gə yo gə nee.

Ephésiendjé 4:14

Mba kar-sijee j-a to ne gə nganje gə kasə ang ngaa, mba nganje gə kasə le, ꞌpagəm ləngə-je ngaɓa ꞌbil-je aw gə je yo gə nee ɔji dɔ netɔjije ɓədə-ɓədə gə d-ula-je ne gore, d-ar-je ꞌndəm ɗəw nekərə gə, gə ɗəw kula ɗaje gə lə dəwje;

1 Timoce 5:8

To gə ɓo dəw tɔsə kəm-e dɔ njeka-ɛje ang ose nje gə mə kəy gə lə-a ang nama, nj-ɛ nee le ila takagə lə-a bagir-e gə baa, ngaɓa ɗa ne gə kṵra̰y unda dəw gə gərə Luba ang.

2 Timoce 2:12

To gə ɓo j-uwaje gədərə nama J-a ko̰je sə-a ɓe naa gə tɔ; To gə ɓo j-a mbad-eje nama N-a mbadə si tɔ;

2 Timoce 3:6

Dəwje gə kɛm horo-je gə d-aw gə ta kəy kəy d-aw d-ərə jeneje gə takagə lə-je ngang ang, gə mal neɗaje gə kṵra̰y dang-dang to mə-je gə;

1 Piyɛr 2:16

may kar isije to gə dəwje gə dɔ-je to doy, ɗaa kar dɔ to doy lə-si to ɗəw ɗa ne gə kṵra̰y ang, ngaa ꞌnjaje gə njekulaje lə Luba.

1 Piyɛr 2:8

ꞌƊe ꞌtuga gɔl-je jigi gə ꞌce d-oso mba ꞌmbadə kila kuji dɔ tar gə, ꞌnay mba ne gə ɔji dɔ-je.

1 Piyɛr 4:18

Ngaa ɓo dəw gə gadə-gadə ja ɓi ɗa ya̰ ɓa ta rɔ-ɛ ngaa, kar dəw gə nje gərə Luba ang ngaɓa gə njeneɗa gə kṵra̰y a to to gə ban wa?

2 Piyɛr 2:10

ꞌJejee gə gə go mal neje gə mina, ꞌsangə ne go rɔləl gə darɔ gə ɗaa ꞌdabə ne singamongə lə Mbayɓe dasəra ja ɓa a kədərə gə je. ꞌTo nje mə bo nekusaje, nje gasəraje, ꞌɓəəl taji nekundaje gə dara gə riɓar to dɔ-je gə ang,

2 Piyɛr 2:7

ngaa to gə ɓo Lɔd gə to dəw gə gadə-gadə, gə kəji lə-a turu buguju dɔ pa nja gə kṵra̰y gə lə nje tɔl dəwje gə nee le, n-ɔr-ɛ n-ce sə-a

2 Piyɛr 3:7

ngaa, gə go tar gə nje kara nee le ja, d-uwa ne dɔ gɔl dara gə nangə gə ɓisine ngina ne pər gə dɔ ndɔ gangə tar gə ngaɓa tuji gə nje gə gərə Luba ang d-a kuba.

1 Jean 2:22

Na ɓa to nje ɗəgərə wa? Dəw gə nje ma̰y to gə Jeju to Kirisi ang. Dəb-e nee le to nje kəm tar lə Kirisi, ꞌne gə n-ma̰y to gə n-gərə Luba gə Bɔ gə Ngon.

Jude 1:15

mba gangə ne tar dɔ dəwje gə tɔ̰y ngaɓa gə mba kila ne tar dɔ dəwje gə ꞌgərə Luba ang ɗəw kula ɗaje gə may ang gə nəm, gə tarje gə baa-baa gə njeneɗaje gə kṵra̰y nee le ꞌpa dɔ Luba gə.

Jude 1:18

ꞌPa d-ar-si na: Dɔ ɗudu ndɔ nama, dəwje d-a kunda-si kogo ne ngaɓa d-a nja gə ɓo neje gə kṵra̰y gə uwa mə-je ngaɓa d-a gərə Luba ang.

Apocalypse 15:4

Na ɓa a kasə ɓəəl-i ang, gə a kila riɓar dɔ ri-i, ꞌI, Mbayɓe gə ang wa? Mba ꞌI ja gə kar-i baa ꞌto njerɔsangə. Gəl kuji dəwje d-a ɗe ɗaa, d-a kum məkəji-je no-i gə, mba neɗa gə gadə-gadə lə-i kila rɔ-ɛ gə ɗaga.