Jean 7:1 - Mbede Lə Luba Kone Gə Sigi

¹ Go-e gə ɗaa Jeju nja dɔ nangə gə Galile; n-njigi mba nja dɔ nangə gə Jude gə ang, mba Jiibije ꞌsangə ɗəw gə mba tɔl-ɛ.

Testament ke Siki 1960 (Kabba Laka)

¹ Go né té nèn Jésus ndja Galilée té, mbata nè ndiki ta ndja Judée té ang, mbata Juifdjé sange deo ta tòlè.

Jean 7:1 Iomraidhean Croise

Matiye 10:23

Logə d-a kula kəm-si ndoo mə ɓebo gə nee gə nama a̰yje awje ye gə ɗangə gə. Tɔgərɔ ja m-pa m-ar-si, a kɔrəje sṵra̰ ɓeboje gə Ijirayɛl tɔ̰y ang ja, ꞌma gə Ngon lə dəw m-a ɗe.

Matiye 21:38

Ngaa logə njeɗa kula bḭyə̰je d-o ngon njigi le ɗaa, ꞌpa tar horo naa gə na: Nje kuwa nenduba le ja aw ɗe a aw, ꞌɗeje ar-si j-uwaje j-a tɔl-ɛje ɗaa nenduba lə-a le a to kar-si.

Marəke 11:18

Buba njekapoloje gə njekɔr gəl toronduje d-o ndu-e ɗaa, ꞌsangə ɗəw gə mba tɔl-ɛ; ngaa ꞌɓəəl mba netɔji lə-a dum dɔ bula dəwje.

Jean 1:19

Oje tar naji gə Ja̰ Njeɗabatɛm pa, logə Jiibije gə Jerujalɛm d-ula njekapoloje gə nje gə gəl ka Lebi gə d-ar dəji-e tar na: ꞌI le ꞌto na wa?

Jean 4:3

N-ɔdə dɔ nangə gə Jude n-təl n-aw dɔ nangə gə Galile gugu.

Jean 4:54

Ye gə nee ɓa to gə netɔji gə njekum gə joo gə Jeju ɗa to gə ɗangə lo gə n-ḭ dɔ nangə gə Jude n-təl n-aw dɔ nangə gə Galile gugu.

Jean 6:1

Go-e gə gugu ɗaa, Jeju cɛdə man aw tura babo Galile gə ꞌɓar-ɛ na Tiberiyadə.

Jean 7:11

Jiibije ꞌsang-ɛ ndɔ ɗa nay gə ɗaa ꞌdəji na: N-ga̰ ɗa ngaɓa nee wa?

Jean 7:13

Be ja kara, dəw kara asə mba pa sə-a ɗaga təgəsə kəm dəwje ang mba ꞌɓəəl Jiibije.

Jean 7:19

Moyiji ar-sisəy Torondu le ang baa cibi wa? Be ja kara dəw kara gə nje ɗa ne kula godo: Mba ɗi ɓa ꞌsangəje ɗəw mba tɔl-mje wa?

Jean 7:25

Nje gə kɛm horo dəw mə ɓeje gə Jerujalɛm ꞌpa na: Ne gə d-aw ꞌsang-ɛ gə mba tɔl-ɛ le ja ɓa n-ar nee ang wa?

Jean 7:35

Lo-e gə əng ɗaa, Jiibije ꞌpa tar horo naa gə na: Logə ɗa ngaɓa n-a kaw gə kəne ɓa j-a kinga-a ang magə wa? N-a kaw kinga nje gə ꞌsɛ̰rɛ̰ naa horo Gərɛgəje gə mba tɔji Gərɛgəje ne wa?

Jean 8:37

M-gərə som to gə ꞌtoje gə ngan ka Abəraham ja, ngaa ꞌsangəje ɗəw mba tɔl-mje, mba tar lə-m ɗa be mə-si gə ang.

Jean 8:40

Ngaa ɓisine ɗaa sisəy ꞌsangəje ɗəw gə mba tɔl-m, ꞌma dəw gə m-o tar gə tɔgərɔ ta Luba gə ɓa m-pa m-ar-si. Ne gə kən le, Abəraham ɗa ang baa.

Koula 10:38

Luba ar Jeju gə Najarɛd singamongə ɗəw gə lə Njil Njerɔsangə n-nja ne gə lo-lo ɗa ne may ngaɓa n-aji ne dəwje tɔ̰y gə ꞌSɛ̰ngərɛ̰ uwa-je ɓərə gə, mba Luba nay sə-a.