Jean 3:3 - Mbede Lə Luba Kone Gə Sigi

³ Jeju ila-a kəne na: Tar gə tɔgərɔ ja, m-pa m-ar-i, to gə ɓo d-uji dəw to gə sigi ang nama a kasə ko ɓeko̰ lə Luba ang.

Testament ke Siki 1960 (Kabba Laka)

³ Jésus tél pa arè, Tokoro, tokoro, ma mpa mari, tokou ntél doudjou doou to ke siki ang, nè nase ta ko béh ko lo Allah ang.

Jean 3:3 Iomraidhean Croise

Matiye 16:17

Jeju təl un tar pa ar-ɛ na: Simo, ngon lə Jonas, ꞌi to njerɔləl mba darɔ gə məsə ɓa təgə gəl ne gə nee ar-i ang, ngaa Bɔy gə isi mə dara gə ja ɓa təgə gəl-e ar-i.

Matiye 19:24

M-təl m-pa m-ar-si ja cibi to gə, a to ngangə ya̰ kar da gə ɓar-ɛ jambal nday kəm ɗəw libi gə, ngaa njenekinga kar andə ɓeko̰ gə dara le ngangə ya̰ ja cibi.

Matiye 21:31

Horo nganje gə joo nee le, na ɓa ɗa mə njigi lə bɔ-ɛje wa? D-ila-je kəne na: Ye gə dɔngɔr. Ɗaa Jeju təl pa ar-je na: Tɔgərɔ, m-pa m-ar-si, njembo̰ lar gədə ɓeje gə jene kayaje d-a ce mə ɓeko̰ gə dara no-si gə kede.

Matiye 5:18

Tɔgərɔ ja, m-pa m-ar-si, saar kar dara gə nangə ꞌnday le, ngaɓa kar neje tɔ̰y gə dɔ nangə nee d-unda ngangəje le, ne gə njɛ̰ gə kəne a godo ang, ngaɓa ta torondu mbiday a ti koso nangə ɓɛdə ang ɓa ngon mbadə kar-ɛ a ti mbid ang nəm.

Marəke 10:14

Logə Jeju o be ɗaa rɔ-ɛ ləl-e ang, ngaɓa pa ar-je na: Ḭya̰je nganje ar-je ꞌɗe rɔ-m gə ɓo ɔgəje-je ang; mba ɓeko̰ lə Luba le to mba nje gə ꞌto to gə nganje be.

Marəke 9:47

To gə ɓo kəm-i to ɗəw koso dan neɗa gə kṵra̰y gə nama, ɔr-ɛ ila-a kɔrɔ. May ya̰ mba kandə ɓeko̰ gə lə Luba gə kəm-i kara unda kar kəm-i ga̰ joo kɛm ɓa d-un-i d-ila-i dan pər gə a kṵy ang gə.

Jean 1:13

ꞌJejee nee le d-uji-je ɗəw məsə gə ang nəm, ɗəw mə njigi gə lə darɔ gə ang nəm, ɓa gə ɗəw gə mə njigi gə lə dəw ang nəm tɔ, ngaa gə ɗəw mə njigi gə lə Luba.

Jean 1:5

Lokarə le ndogo cil ciməri gə, ngaa cil ciməri dum dɔ-ɛ ang.

Jean 1:51

Tar gə tɔgərɔ ja m-pa m-ar-si, a koje ta dara a cɛ̰, ngaɓa anjije lə Luba d-a kal kaw taar gə ɗisi kuru nangə dɔ Ngon lə dəw gə.

Jean 12:40

N-tɔ kəm-je sum-sum nəm Dɔ ɓəngərə-je kara n-ar kədərə kang-kang nəm Mba kar d-o lo gə kəm-je ang, Ngaɓa dɔ ɓəngərə-je kara gərə ne kara ang nəm tɔ, Na d-a kḭ mbəl mə-je ɗaa m-a kaji-je.

Jean 3:4

Nikodɛm pa na: Dəw ɓuga nam cibi ɓa d-a təl kuj-e to gə ban wa? Kar-ɛ n-təl n-andə mə ko̰-ɛje gə gugu ɓa mba kar ꞌtəl uji-e ɓi wa?

2 Corinthiendjé 4:4

ngaɓa ɔji dɔ nje məkədərəje gə magə gə dɔ nangə nee rɛ̰ kəji negərə lə-je badə mba kar d-o ndogo lə Tar gə May kar riɓar lə Kirisi gə ta naa gə Luba le ang.

2 Corinthiendjé 5:17

To gə ɓo dəw un rɔ-ɛ ar Kirisi nama, to nekunda gə sigi. Neje gə ləw nday, neje tɔ̰y təl to neje gə sigi.

Galatedjé 6:15

Kunja bərə ose kunja bərə ang ɓa to ne ang, ngaa to ne kunda gə sigi ɓa to ne.

Ephésiendjé 2:1

Ye gə ɔji dɔ sisəy le ɗaa, ꞌtoje dəwje gə uyje mbudugu ɗəw neɗaje gə gə dɔ gɔl-ɛ ang gə ɗəw neɗaje gə kṵra̰y gə lə-si,

Tite 3:5

ɗaa mba kula ɗa-si gə gadə-gadə ɓa n-aji ne si ang, ngaa to gə məmay lə-a gə n-togo-si ne ɗəw kuji gə sigi gə ngaɓa gə go Njil Njerɔsangə gə ar-si təbə gə sigi.

Jacques 3:17

Ngaa, kəm karə gə ḭ dara le, kede dɔngɔr, to arə ngadə, ngaɓa kul lom, aw yururu, gɔl nuji, kəmtondoo ɗusu m-e, ngaɓa kandə neje gə may gə ɔr kəm dəw ang nəm, pa tar mula ang nəm tɔ.

1 Piyɛr 1:3

Ndu tɔr to dɔ Luba gə Bɔ Mbayɓe lə-si Jeju Kirisije gə, gə go məmay lə-a gə boy ɓa uji si ne to gə sigi, ɗəw ce buwa yo gə lə Jeju Kirisi horo nje gə d-uy gə, mba kar j-unda ne mə-si dɔ kisi kəm baa gə,

1 Jean 2:29

To gə ɓo sisəy ꞌgər-eje gə dəw gə gadə-gadə nam, to gə ɓo dəw ɗa-ɗa ɓa ɗa ne gə gadə-gadə nama may kar ꞌgərəje to gə ꞌne ja n-uji-e.

1 Jean 3:9

Dəw gə ɗa-ɗa gə Luba uji-e le ɗa neɗa gə kṵra̰y ang, mba ko ne lə Luba to m-e gə, ɗaa n-asə ɗa neɗa gə kṵra̰y ang, mba Luba uji-e.

1 Jean 5:1

Dəw gə ɗa-ɗa ɓa ta kagə to gə Jeju to Kirisi nama, Luba uji-e, Ngaɓa dəw gə ɗa-ɗa ɓa gə njigi Bɔ ngon je nama njigi ngon-e tɔ.

1 Jean 5:18

Sijee j-a gərə to gə dəw gə ɗa-ɗa gə Luba uji-e le, ɗa neɗa gə kṵra̰y ang, mba dəw lə Luba le, ngom-e, ɗaa njeməkṵra̰y ɔr rɔ-ɛ ang.

1 Jean 5:4

mba dəw ja gə Luba uji-e le cɛdə ɗɔ dɔ nangə, oje cɛdə ɗɔ dɔ nangə nee le to takagə lə-si.

Apocalypse 3:14

Ɗa mbede ar anji lə Mbo̰ naa lə njetakagəje gə Lawdise: Be ɓa n-ne gə Oyo, njetar naji gə njetakagə gə tɔgərɔ, Ngira nekundaje lə Luba pa na: