Jean 2:2 - Mbede Lə Luba Kone Gə Sigi

² Jeju je gə ngan njenendoje lə-a kara ꞌɓar-je lo ta naa gə nee le tɔ.

Testament ke Siki 1960 (Kabba Laka)

² Dèdè mmar Jésus ndè tén, ke ndjè kao gè tédjé tò.

Jean 2:2 Iomraidhean Croise

Matiye 12:19

N-a sangə tar ang, n-a pa tar gə ndu-e gə boy ang Ngaɓa dəw a ko ndu-e dan ɗəw booje gə ang.

Matiye 25:40

Ɗaa Mbay le a təl kila-je kəne na: Tɔgərɔ ja, m-pa m-ar-si, lo gə ɗa gə ja ɓa ꞌɗaje məmay gə dəw kara baa ja horo ngan ko̰-mje gə nee ɗaa, to ꞌma ja ɓa ꞌɗaje sə-m kən.

Matiye 25:45

Mbay le a təl kila-je kəne na: Tɔgərɔ ja, m-pa m-ar-si, dɔ karje tɔ̰y gə ꞌɗaje neje ne ang gə dəw d-o-e ne ang horo ngan mar-ɛje kara to ꞌma ja ɓa ꞌɗaje sə-m ang kən.

Jean 2:12

Go-e gə ɗaa, Jeju je gə ko̰-ɛje, gə ngan ko̰-ɛje, gə ngan njenendoje lə-a d-ɔdə d-aw mə ɓe gə Kapɛrənom, ɗaa d-isi kəne ꞌɗa ndɔ bula ang baa.

Jean 2:17

Mə ngan njenendoje lə-a ole dɔ tar gə ꞌɗa mə mbede gə na: Njigi gə m-njigi kəy lə-i le o̰ dɔ ɓəngərə-m to gə pər be.

Jean 2:22

Logə Jeju ce mə buwa yo gə ngaɓa mə ngan njenendoje lə-a ole dɔ tar gə nee le ɓa ꞌta ne kagə tar gə mbede pa nəm, gə dɔ tarje gə lə-a gə n-pa nəm tɔ.

Jean 2:3

Logə kodo lə-je ɗunga tɔ̰y ɗaa, ko̰ Jeju je ɗe pa ar Jeju na: Kodo lə-je godo.

Jean 3:22

Go-e gə ɗaa Jeju aw gə ngan njenendoje lə-a dɔ nangə gə Jude; n-aw n-isi gə je kəne ngaɓa n-ɗa batɛm.

Jean 4:2

Be ja kara, to gə ngan njenendoje lə Jeju ɓa ꞌɗa dəwje batɛm ɓo to Jeju gə darɔ-ɛ ang.

Jean 4:33

Be ɓa ngan njenendoje ꞌpa tar horo-je gə gə yo gə nee na: Dəw ɗe gə ne ar-ɛ n-usa ose ban ɓa nee wa?

Jean 4:8

Mba ngan njenendoje lə-a d-aw mə ɓe gə mba ndogo nekusa.

Jean 6:12

Lo gə mə-je ci gə maj-ɛ ɗaa, Jeju pa ar ngan njenendoje lə-a na: ꞌMbo̰je dɔ dum-eje gə nay dɔ naa gə mba kar ne kara igi ang.

Jean 6:16

Kar kumatagə ɗaa, ngan njenendoje lə-a d-aw saar ꞌce ta babo gə.

Jean 6:60

Logə d-o tar lə-a ɗaa, dəwje bula horo ngan njenendoje gə d-un kudu pa tar na: Tar gə nee le ngangə ya̰! Na ɓa a kasə tuga mbi-a ko ne wa?

Jean 6:66

Un kud-e kən nja ɗaa, ngan njenendoje lə-a bula ꞌtəl gə go-je, ɗaa d-uwa sə-a baa nja ang ja yom.

Jean 6:67

Be ɓa Jeju dəji nje gə dɔg gə gir-je gə joo na: Ɗaa sisəy, ꞌnjigi kawje lo lə-si ang wa?

Jean 6:70

Jeju ila-je kəne na: Sisəy gə dɔg gə gir-si gə joo le, ꞌma ja ɓa m-mbərə-si ang wa? Ngaa dəw kara horo-si gə to ꞌSɛ̰ngərɛ̰.

Jean 6:71

N-pa tar gə nee le n-ɔji ne dɔ Judas gə ngon lə Simo Isikariyɔdə; mba ꞌne gə to kara lə ngan njenendoje gə dɔg gə gir-je gə joo nee le, ꞌne le ja ɓa n-a kun dɔ-ɛ.

Jean 6:8

Ngon njenendo lə-a kara horo ngan mar-ɛje gə, ri-a na Andəre gə to ngon ko̰ Simo Piyɛr pa ar Jeju na:

Jean 7:3

Ngan ko̰-ɛ ꞌpa d-ar-ɛ na: Ɔdə lo gə nee gə ɗangə ɓo aw lo lə-i gə Jude gə mba kar ngan njenendoje lə-i kara d-o kulaje gə ꞌɗa.

Koula 11:26

logə n-inga-a ɗaa n-ɔr-ɛ n-ɗe sə-a Antiyos ɗaa d-isije kəne ɓal kara ja dɔngɔ, mbo̰je naa gə Mbo̰ naa lə njetakagəje ngaɓa ꞌtɔji-je ne bula dəwje. Be ɓa Antiyos gə nee ja d-unda ri ngan njenendoje na njetakagə Kirisije kəne dɔngɔr.

Koula 11:29

Be ɓa ngan njenendoje d-unda ndu-je mba kar na-na kara ar ne gə to ji-a gə mba kar d-ula ꞌla ne gə ngan ko̰ naaje gə d-isi dɔ nangə gə Jude.

1 Corinthiendjé 10:31

Be ɓa, le usaje ne ne, le ayje ne ne, ngaɓa le ɗi-ɗi ɓa ꞌɗaje kara, ꞌɗaje ne tɔ̰y mba rɔnduba lə Luba.

1 Corinthiendjé 7:39

Jene le, ɓo ngab-ɛje aw kəm baa ɓi nama, kula tɔ-je naa gə ja saar-saar; ngaa to gə ɓo ngab-ɛje uy nama ɗəw to kar n-ta ngaw gə m-e njigi, be ja kara, n-a ta gə go ɗəw gə Mbayɓe njigi ɓa.

Colossiendjé 3:17

May kar tar ɓa a kaw paje ose ne gə ɗa-ɗa ɓa a kaw ɗaje kara, ꞌɗaje ne tɔ̰y gə ri Mbayɓe Jeju, ꞌtəlje ne gə oyo ar-je Luba gə Bɔ dəwje gə ri-a.

Ebərəje 13:4

May kar-sisəy tɔ̰y ja ꞌɗɔyje ta naa, ngaɓa ɔsəje ɓogo lo to ngərəng. Mba Luba a gangə tar dɔ bula jagədaje gə gə dɔ nje ɓogo lo toje gə.

Apocalypse 3:20

A o, m-ar ta kəy gə, m-unda ta kəy, dəw gə o ndu-m ɓa ɔr ta kəy ɗaa, m-a kandə kəy lə-a, m-a kusa sə-a ne ngaɓa ye a kusa sə-m ne tɔ.