Jean 1:12 - Mbede Lə Luba Kone Gə Sigi

¹² Ngaa dəwje tɔ̰y gə d-uwa-a gə rɔ-je gə ngaɓa nje gə ꞌta kagə gə ri-a ɗaa, n-ar-je singamongə ar ꞌtəl ꞌto ne gə nganje lə Luba.

Testament ke Siki 1960 (Kabba Laka)

¹² A dooudjé kada kada toï ke tèè ke ròdè té, ke wo mèdè té ke ria, nè naredè singa ta kare ndé to ngandjé lo Allah,

Jean 1:12 Iomraidhean Croise

Matiye 10:40

Dəw gə uwa-si gə rɔ-ɛ gə nama ꞌma ja uwa-m gə rɔ-ɛ gə əng, a ɓo dəw gə uwa-m gə rɔ-ɛ gə nama uwa Luba gə njekula-m gə rɔ-ɛ gə tɔ.

Matiye 12:21

Ngaɓa gəl kuji dəwje d-a kunda mə-je dɔ ri-a gə.

Matiye 18:5

Cibi dəw gə uwa ngon gə njɛ̰ kara to gə ye gə ar nee gə rɔ-ɛ gə gə ri-m nama, ꞌma ja uwa-m gə rɔ-ɛ gə əng.

Jean 1:11

N-ɗe horo njeka-ɛje gə ja, ngaa njeka-ɛje d-uwa-a gə rɔ-je gə ang.

Jean 1:7

Ja̰ le ɗe gə nje pa tar naji lə lokarə le, mba kar ɗəw gə lə-a ɗaa dəwje tɔ̰y ꞌta ne kagə.

Jean 11:52

Ngaɓa gə mba gəl kuji Ijirayɛl ja gə kar-ɛ baa ang, ngaa gə mba mbo̰ ne nganje lə Luba gə ꞌsɛ̰rɛ̰ naa le dɔ naa gə gə darɔ gə kara baa.

Jean 2:23

Logə Jeju isi mə ɓe gə Jerujalɛm, mba ɗa nay pagə le, dəwje bula ya̰ ꞌta kagə gə ri-a, mba d-o netɔjije gə n-ɗa.

Jean 20:31

Ɗaa, neje gə nee le, ꞌɗa mba kar-si ꞌtaje ne kagə to gə Jeju to Kirisi, Ngon lə Luba, ngaɓa gə ɗəw takagə gə nee tɔ ɗaa ingaje ne təbə gə ri-a tɔ.

Jean 3:18

Dəw gə ta kag-ɛ nama tar uwa dɔ-ɛ ang; ngaa dəw gə mbadə ta kag-ɛ nama tar uwa dɔ-ɛ nam, mba n-mbadə ta kagə gə ri Ngon kara lə Luba.

Koula 3:16

Dəw gə ar aw o-eje gə ꞌgər-eje nee le, mbɔr dɔ takagə ri Jeju, ri gə nee le ja ɓa ar-ɛ singa ngaɓa ta kagə Jeju ja ɓa n-aji ne barang kəm-si gə tɔ̰y nee.

Romaindjé 8:14

mba dəwje tɔ̰y gə Njil lə Luba ɔr no-je le ꞌto ngan lə Luba.

Romaindjé 8:16

Njil nee le ja pa mə kəji gə lə-si ar-si to gə j-a to ngan lə Luba.

Romaindjé 8:19

Mba nekundaje ꞌngina kəgəgə kar Luba kila ngan-ɛ gə ɗaga.

Galatedjé 3:26

ꞌToje nganje lə Luba ja tɔ̰y mba ꞌtaje kagə Kirisi Jeju,

Galatedjé 4:6

Ne gə tɔji to gə ꞌtoje nganje lə Luba le ɓa nee, Luba ula Njil Ngon-e mə-si gə. Njil ɓar ne wəəl na: Aba! Bɔy!

Colossiendjé 2:6

Be ɓa mba ꞌtaje Kirisi Jeju gə Mbayɓe ɗaa may kar-si ꞌnjaje ɗəw gə lə-a,

2 Piyɛr 1:4

Ɗəw gə lə neje gə nee le ɓa, d-uwa ne dɔ gɔl neje gə boy-boy gə may to ɓəəl, mba kar ꞌce ne ta tujije gə, ɗe ɗəw gə lə ɓo neje gə o̰ ɓe dɔ nangə nee, mba kum ne naa gə Luba

1 Jean 3:1

Aje oje, pa njigi gə Bɔ dəwje njigi-si le ɓa ꞌɓar-si ne nganje lə Luba! Ɗaa, j-a to ngan-ɛ ja. Gəl ne gə dɔ nangə gərə ne si ang le ɓa nee: ꞌNe kara ꞌgər-eje ang tɔ.

1 Jean 3:10

Ye ɓa tɔji to gə nganje lə Luba ꞌto dang gə nganje lə ꞌSɛ̰ngərɛ̰. Dəw gə ɗa-ɗa gə ɗa ne gə gadə-gadə ang le, to kar lə Luba ang, ɗəw kara baa to gə dəw gə njigi ngon ko̰-ɛ ang nama to dəw lə Luba ang tɔ.

1 Jean 3:2

Sisəy ngan ko̰-mje gə m-njigi-si ya̰, ɓisine j-a toje nganje lə Luba, ɗaa pa kunda rɔ-si gə dɔ ndɔ gə bara le kila rɔ-ɛ gə ɗaga ang ɓi, ngaa j-a gərə lo n-a kila rɔ-ɛ gə ɗaga nama, j-a ta sə-a naa mba j-a ko-e lo kunda rɔ-ɛ gə.

1 Jean 3:23

Oje ndu-e le ɓa nee: May kar j-a ta kagə gə ri ngon-e Jeju Kirisi, cibi j-a njigije naa gə yo gə nee gə go ndu gə n-un n-ar-si.