Jacques 5:15 - Mbede Lə Luba Kone Gə Sigi

¹⁵ Dəji Luba gə takagə le a kaji dəw gə rɔ-ɛ to-e ɗaa Mbayɓe a kun-e kur-e taar, a ɓo n-ɗa neɗa gə kṵra̰y nama d-a kɔr tar dɔ-ɛ gə.

Testament ke Siki 1960 (Kabba Laka)

¹⁵ Doudjou Allah ke ko mè té a kadji doou ke ndjè rò too nèn, ke Mbaibé Seigneur a kwèè ke tarr, tokou nè nda né ke madjang mbä, né ke madjang la toï a goto.

Jacques 5:15 Iomraidhean Croise

Matiye 17:20

Jeju pa ar-je na: Mba takagə lə-si njɛ̰ baa. Tɔgərɔ, m-pa m-ar-si, to gə ɓo takagə lə-si to yəm-yəm baa to to gə kandə kam nay gə ri-a na mutarədə ja kara, ꞌpaje ar-je ər gə ar na: Ɔdə gə nu nama n-a kɔdə; ne gə a kal dɔ-si kara kara a godo.

Jean 5:14

Go-e gə gugu ɗaa, Jeju inga-a mə kəy gə lə Luba ɗaa pa ar-ɛ na: Aji kəbərə ngaa nee ɗaa, ꞌɗa neɗa gə kṵra̰y gugu ɗangə ang ngaa, na kar ne gə kṵra̰y gə to ɓəəl ya̰ təl ce dɔ-i gə.

Jean 6:39

Ɗaa, mə njigi lə dəw gə njekula-m le ɓa nee: Dəwje gə n-um-je mə ji-m gə le, m-ar dəw kara kara igi horo-je gə ang, ngaa kar-m m-ndol-e dɔ ɗudu ndɔ gə.

1 Corinthiendjé 1:21

Mba dəwje gə dɔ nangə nee gə kəm karə lə-je ꞌgərə ne Luba gə kəm karə lə-a ang ɗaa, gə go mə njigi Luba ja aji ne nje gə ꞌta kagə ɗəw kila mbərə tar kagə dəsə gə d-o gə tar mbə baa le ja.

2 Corinthiendjé 4:14

Sijee ja gərə to gə nje kar Mbayɓe Jeju uy ɓa ndol le a kar-sijee j-uy ɓa ja ndol gə Jeju naa gə kara baa, ɗaa n-a kar-si j-ar-je naa gə no-ɛ gə.

Jacques 1:6

Ngaa may kar nj-ɛ nee le dəji gə takagə lal ɗəgə mba dəw gə ɗəgə gə ɗəgə le, ta naa gə ꞌpagəm babo gə ləl ɔr aw ne yo gə nee ngaɓa un aw ne taar jururu be.

Jacques 5:13

Se dəw kara horo-si gə isi dan ꞌməsərə gə wa? May kar-ɛ dəji Luba. Se dəw kara isi dan rɔləl gə wa? May kar-ɛ ɔsə pa.

Jacques 5:16

ꞌPaje tar neɗa gə kṵra̰y lə-si gə ɗaga no naa gə ɗaa dəjije Luba ɔji dɔ naa gə yo gə nee, mba kar ajije ne. Dəji Luba lə dəw gə gadə-gadə le, ɓar mii ngaɓa tɔg-e to ya̰ tɔ.

Jacques 5:20

ꞌgərəje to gə dəw gə nje təl gə njeneɗa gə kṵra̰y ɗəw ndəəm gə lə-a ɗe sə-a le, a t-ɛ ta yo gə, ngaɓa a kudu dɔ neɗaje gə kṵra̰y bula tɔ.